logo

logo.jpg

Advertisement

Гадаад мэдээ

​Өвөрмонголын судлаач Чинбарстай уулзав.

Өвөрмонголын тэнгэр шүтлэгтэн, бөө судлаач Чинбарстай бид Хөх хотод уулзсан юм. Мөнх тэнгэрийн үйлсийн төлөө чамгүй сэтгэл гарган зүтгэж яваа судлаач Чинбарс бол бага хугацаанд их зүйлийг бүтээж яваа зүтгэлтэн. Монгол бөөг зөв чин хандлагаар хөгжүүлэхийн төлөө чармайж, зүтгэж яваа нэгэн. Түүний олон сайхан зан чанараас монголын залуу судлаачид, улаач нар суралцвал зохино. Өвөрмонголын хаана ч явсан түүний хийсэн ажлын үр дүн харагдаж байдаг. Мөнх тэнгэрийн үзэл, бөө шүтлэгийн төлөө их зүйл хийсэн, хийнэ гэдэгт түүнд итгэж явдаг. Бөөгийн талаар дөнгөж ажлаа эхэлж байгаа болон сурталчилгааны ажил эрхэлдэг манай монголын зарим залууст үлгэр жишээ болох нэгэн. Хэдэн өгүүлэл тэрлээд, ганц нэг улсын арга хэмжээнд оролцоод өөрсдийгөө товойлгон мандуулдаг, ойворгон залуус түүнээс олон талаар суралцах хэрэгтэй. Өвөрмонголын вичадаар монголчууд янз бүрийн сэдвээр маргалдаж, зарим нэг нь шившигээ дэлгэсэн байна лээ. Их газрын монголчуудад бол энэ маргаан ичвэл зохих зүйл байв. Эхлээд өөрсдийгөө боловсруулчихаад дараа нь хилийн дээс гарч маргавал зохино. Чадалтай байлаа ч дуугүйхэн сонсож сурах хэрэгтэй. МБНЭ-ийн Ерөнхийлөгч Д.Жаргалсайхан, Монгол бөөгийн их удган Б.Бадамсүрэн нар Хөх хотод ажиллах явцдаа судлаач Чинбарстай уулзсан байна. Өвөрмонголд монгол бөөгийн зан үйлийг хөгжүүлэх чиглэлээр зүтгэж яваа залуу судлаачтай сурталчилгаа, мэдээллийн чиглэлээр  ярилцсан билээ. МБНЭ-ийн Ерөнхийлөгч Д.Жаргалсайхан Өвөрмонголд бөөгийн хөгжлийн чиг хандлагын талаар санал солилцоод “Монгол бөөгийг ёс зүй”-г хэвлэж гаргахад албан ёсны зөвшөөрлийг өгөх асуудлаар МБНЭ-ийн Дээд цэцийн хуралдаанаар хэлэлцүүлэх тухай саналаа хэлсэн. Монгол бөөгийн их зайран Э.Балжир гуйан томилолтоор ажиллсан тухай мэдээллийг сонссон. МБНЭ-ийн Ерөнхийлөгч Д.Жаргалсайхан удахгүй МБНЭ-ийн Дээд цэцийн хуралдаанаар гадаадад ажилласан зарим улаач нарын ажлын талаар сонсголыг нь хэлэлцэх юм гэдгийг уламжлан хэлнэ билээ. Мөн монгол бөөг сурталчилах чиглэлээр хамтран ажиллах боломжийг судлаж, ярилцлаа.                                                          Д.Хүрэлбаатар

Хөх хотод уулзалт хийв

Хөх хотод уулзалт хийв Хөх хотод Улаанбаатар хоттой харьцуулбал дулаахан байв. Нисэх буудлаас хотын төв хүртэл олон сайхан барилгууд нэмэгдэн баригджээ. Хөх хотод дөрвөн хүний бүрэлдэхүүнтэй явсан билээ. МБНЭ-ийг төлөөлж, Дархан-Уул аймгийн бөөгийн хүрээлэнгийн удирдагч, Монгол бөөгийн их удган Б.Бадамсүрэн оролцсон. Бид Монгол-Хятадын өнөөгийн харилцааны талаар дуулсанаа ярилцаж нэг оройг хамтдаа өнгөрүүллээ. МБНЭ-ийн төлөөлөл эхлээд Монгол судлаач Наран багштай уулзсан юм. Наран багштай нөхөрлөөд удаж байна. Монгол Улсын нэртэй эрдэмтэн Далай багш бие нь чилээрхэж Хөх хотод эмчлүүлж байхад Наран багш гэртээ байлгаж, туслалцаа үзүүлдэг байсан юм. Тиймээс Хөх хотод очих бүрдээ Наран багштай уулздаг болсон юм. Наран багш бид хоёр Монгол Улс, БНХАУ-д болсон олон удаагийн эрдэм шинжилгээний хуралд оролцож байсан. Нөхөртөйгөө монголд ирэхэд нь Өвөрхангай аймгийн нутаг, Орхоны Улаан зутгаланд хамт аялсан юм. Бидэнд дурсах зүйл байгагүй бий. Д.Хүрэлбаатар

УУЛЗАЛТ ХИЙЖ САНАЛАА СОЛИЛЦОВ

УУЛЗАЛТ ХИЙЖ САНАЛАА СОЛИЛЦОВ Хаврын урь наашлаж, цаг дулаарч буй үед бид Улаанбаатар хотоос Замын Үүдийг автомашинаар зорилоо. МБНЭ-ийн Ажлын хамт олон БНХАУ-ын Эрээнд очиж ажлын уулзалт хийгээд ирлээ. Уулзсан Ажлын хэсгийн бүрэлдэхүүнд Залуучуудын зөвлөлийн удирдагч, Монгол бөөгийн удган Баттогтох, админ Б.Цэлмүүн нар оролцсон юм. Энэ удаа Эрээн хот эль хуль хүн цөөтөй байлаа. Жилийн жилд цагаан сарын дараа цөөнгүй хугацаанд худалдаа, наймаа зогсонго байдалд ордог. Бид ажлын уулзалтаа хийж, санал бодлоо солилцсон. Уулзалтын дараа хүндэтгэлийн зоог барьж байсан. МБНЭ-ийн медалийн нөөц дууссан тул захиалга өгсөн.  Бид ажлын уулзалт хийсний дараа хоёр өдрийн хугацаанд амарч, зах зээл үзэж, сонирхоод буцсан. Биднийг Замын-Үүдийн Бөөгийн зөвлөлийн удирдагч, Монгол бөөгийн удган Отгонцэцэг хүлээн авч үдийн хоолоор дайлсан.  Б.Цэлмүүн

АНУ дахь Мүүний сүмд галт зэвсэг адислах ёслол болжээ

АНУ дахь Мүүний сүмд галт зэвсэг адислах ёслол болжээ Өчигдөр буюу Лхагва гарагт АНУ-ын Пеннсильван мужид орших Мүүний шашны сүмд олон зуун хос цуглаж гэрлэлтээ баталгаажуулахдаа бүгд AR-15 загварын хагас автомат буу барьсан байв. Сүмийнхний үзэж байгаагаар галт зэвсэг нь Библийн сударт дурдагддаг “төмөр ташуур” мөн бөгөөд хүн төрөлхтнийг гай гамшгаас хамгаалахаар бүтээгдсэн зүйл гэнэ. Тиймээс зэвсгийг адислан өргөмжлөх ёслол үйлдсэн нь энэ гэнэ. Тэд энэ үйлдлээрээ Америк даяар хэлэлцэж байгаа галт зэвсгийн асуудалд өөрийн байр суурийг илэрхийлж байгаа ажээ. Саяхан Флоридагийн дунд сургуульд гарсан аллагын хэрэгт энэхүү AR-15 бууг ашигласан юм. Сүмийн гол санваартан нь Шон Мүүн гэгч бөгөөд энэхүү шашны урсгалыг үүсгэн байгуулагч Сүн Мюн Мүүний хүү ажээ. Тэр хэвлэлд ярихдаа “Бурхан хүмүүст галт зэвсэг эзэмших эрх өгсөн бөгөөд үүгээр өөрийгөө болон бусдыг хамгаалах ёстой” хэмээн тайлбарласан байна. Ажиллагааны үеэр сүмийн гадна галт зэвсгийн эсрэг тэмцэгчид цугларч, эсэргүүцлээ илэрхийлсэн бол цагдаа нар хамгаалалтад гарсан байв. Сүмд ирэгсэд үүдэнд нь буугаа цэнэггүй болохыг шалгуулан нэвтэрч байжээ. Флоридагийн аллагын дараа АНУ даяар жирийн иргэд галт зэвсэг эзэмшихийг хориглох талаар өргөн маргаан дэгдээд байгаа юм.  

АНУ-ын иргэн Монгол бөөтэй танилцав

АНУ-ын иргэн Монгол бөөтэй танилцав             Монголын сайхан оронд зочилохын зэрэгцээ Монгол бөө мөргөлийн өнөөгийн байдалтай танилцах хүсэлтэй АНУ-ын иргэн Чарлес МБНЭ-д ирж МБНЭ-ийн Ерөнхийлөгч Д.Жаргалсайхантай уулзаж, санал бодлоо солилцсон байна.             Тэрээр өөрийн орондоо одон орон судлалын чиглэлээр судалгааны ажил хийдэг бөгөөд өөрийн зөн совин хүсэлтээр явсаар монгол оронд аялахад хүргэсэн байна. Монголд ирэхийн өмнө бөө судлалын талаар багагүй ном уншиж судалж, бөөгийн зарим зан үйлтэй танилцжээ. Ийнхүү танилцах явцдаа МБНЭ-ийн сайт, баримтат киног үзэж улмаар уг байгуулагатай танилцахаар ирсэн байна.             МБНЭ-ийн Ерөнхийлөгч Д.Жаргалсайхан Монгол бөөгийн талаар танилцахад МБНЭ-ийн сайт, фейсбүк, баримтад кино дүрс чухал үүрэгтэй бөгөөд өнөө цагийн бөөгийн хөгжлийн нэг чиг хандлагыг илүүтэй баримтладагаараа манай байгууллагын үйл ажиллагаа онцлог болохыг дурьдсан билээ.             Цаашид МБНЭ-тэй холбоотой ажиллахаар хаяг, мэдээллээ солилцоно билээ.                                       Б.Банзрагч  

“Цэцгийн баяр” -2018

  “Цэцгийн баяр” -2018  Энэ жилийн анхны цэцгийн баяр хорооллын Дако цeнтрийн 15 давхарт Пхеньян ресторанд амжилттай болж өнгөрлөө. Хэдий Монголын хүйтний эрч ид нэмэгдэж 30-40 хасах градустай байсанч улаан том дэлбээлсэн цэцэгсийг өрөн тавьсан өвөрмөц харагдана. Цэцгийн байр”-ын арга хэмжээг нээж БНАСАУ-ын элчин сайд  О Сын Хо баярын үг хэлж, баярын арга хэмжээг эхэллээ. Уг арга хэмжээнд Монголын төрийн байгууллагуудын төлөөлөгчид, мөн МБНЭ-ийн Ерөнхийлөгч Д.Жаргалсайхан, МБНЭ-ийн их зайран П.Батжаргал, Дангаасүрэн Монгол бөөгийн тэргүүн удган Мөнгөнсувд, Монгол бөөгийн зайран Нямдорж, Монгол бөөгийн удган Янжинлхам, Баттогтох нар МБНЭ-г төлөөлж оролцлоо. Арга хэмжээ нь Монгол, Солонгосын урлагын тоглолтоор үргэлжилсан юм. Ирсэн зочид төлөөлөгчид цэцгийн өмнө дурсгалын зургаа татуулснаар  арга хэмжээ өндөрлөлөө. Энэ удаагийн цэцгийн баяр нь Пёнчаны олимпын ажиллагааны нээлтийн өмнө болж байгаагаараа онцлог байүаа. “Кимирсен” гэж нэрлэгдэх цэцгийн цэцгийн үзэсгэлэнг БНАСАУ-ын Аугаа их удирдагчийн нэрээр жил бүр тотмол зохион бай­гуулдаг байна.                                     Б.Цэлмүүн

Бээжингийн амьтны хүрээлэн

                                                Бээжингийн амьтны хүрээлэн Бээжинд очих бүрдээ хамт яваа хүнтэйгээ Бээжингийн амьтны хүрээлэнгээр байнга ордог. МБНЭ-ээс Бээжин хотод одоогоос 2 жилийн өмнө аялал зохион байгуулж билээ. Аялалын хөтөлбөрт Бээжингийн амьтны хүрээлэн үзэхээр орсон байв. Бүрэлдэхүүнд орсон хэдэн удган амьтдын хүрээлэнгийн үнэр таагүй тухай яриа гаргаж, үзэхээс цааргалж билээ. Тэгэхэд би дагуулж яваа улаач нартаа дотроо гомдоод өнгөрсөн. Монголчууд заримдаа хэтэрхий “сонин” зан гаргадаг. Харин энэ удаа зайрантайгаа хамт Бээжингийн амьтны хүрээлэнгээр ээлжилт аялалаа хийлээ. Тэгээд фото аялалаа танилцуулж байна.             Бээжингийн зоо парк буюу амьтны хүрээлэн нь Бээжингийн Ши-Чэн тойргийн Ши Жи Мэний гадна өргөн чөлөөнд орших бөгөөд зүүн талаараа Бээжингийн үзэсгэлэнгийн ордон болон Москва ресторантай хөршилж, 86 га талбайтай, түүний дотор усны ерөнхий талбай нь 8.6 га эзэлдэг. Анх 1906 онд байгуулагдсан бөгөөд Хятадын хамгийн эрт нээгдсэн мөн хамгийн олон амьтантай зоо парк мөн. Өдгөө 580 гаруй төрлийн 5000 гаруй амьтантай байж далайн амьтад 500 төрөл нийт 10,000 тоотой байдаг бөгөөд дотроо Баавгайн уул, Зааны ордон, Панданы ордон, Усан ордон, Анашны ордон, Догшин араатны ордон гэх мэт олон ордонтой. Мөн Хятадын ховор амьтад болох панда, шар сармагчин, зүүн хойд нутгийн бар, цагаан хоншоорт буга, цаа буга, одой адуу, тогоруу зэрэг амьтад байхаас гадна дэлхийн олон газрын төлөөлөгч болох ховор нандин амьтад амьдарч байдаг. Жилд улсын дотоод гадаадийн жуулчид 6 сая гаруйг хүлээн авдаг юм. Бээжингийн зоо паркийн түүхийг мөрдвөл Чин гүрний 32 жил буюу 1906 онд байгуулагдан, тухайн үед “Ван Шэн Юунь” буюу “Түмэн амьтны хүрээлэн” гэдэг байлаа. Урьд нь хөдөө аж ахуйн туршилтын талбай байсан бөгөөд тэр туршилтын талбайг хуучин байсан Лэ Шан Юуань, Жи Юуань, Гунь Шан сүм болон Хуй Ан сүмийн туурин дээр барууны орнуудын давшсан туршлага мэргэжлийг сурах зорилгоор байгуулсан юм.        Бээжингийн зоо паркийн “Ши Ху Шань”-Арслан барын уулны хажуу талд “Бээжингийн далайн музей” буюу “Бээжингийн аквариум” байдаг. Тэр нь одоогоор Хятадын мөн дэлхийн хамгийн том талбайтай хуурай газарт оршдог далайн музей болно. Сүүлийн үеийн өндөр стандартийн технологоор байгуулагдан далайн чоно /акул/, далайн могой, далайн морь зэрэг олон төрлийн далайн амьтадтай усан доорхи ертөнц бөгөөд 7800 талбай бүхий Азийн хамгийн урт 120 метрийн усан доорхи аялал хйигдэнэ. Жил туршдаа улсын дотоод гадаадийн жуулчиддаа зориулан далайн драма, усан доор шумбаж загас тэжээх гэх мэдчлэн олон төрлийн далайн амьтаны тоглолтуудаа сонирхуулдаг.  

Хятадын залуу судлаачтай ярилцав.

Хятадын залуу судлаачтай ярилцав.                 БНХАУ-ын иргэн залуу судлаач Гау Ор Юнтай монгол бөөгийн талаар МБНЭ-ийн Ерөнхийлөгч Д.Жаргалсайхантай уулзаж, өөрийн үзэл бодлоо солилцсон байна. Залуу судлаач Гау Ор Юн Монгол бөөгийн өнөөгийн байдлын талаар сонирхоод цаашид бөөгийн талаар судлах сонирхолтой байгаагаа хэлнэ билээ.             МБНЭ-ийн Ерөнхийлөгч Д.Жаргалсайхан залуу судлаачид хандаж, бөөг судлах нь хүнд хэцүү, тэвчээр шаардсан, их цаг хугацаа зарцуулж, маш бага мэдээлэл олж авдаг юм. Тиймээс ийм чиглэлээр судалгааны ажилд орохын тулд өөрийгөө сайн бэлтгэж, би энэ ажлыг хийж чадах уу гэдгээ дахин дахин шалгах хэрэгтэй гэлээ.             Бөөг судлахдаа эхлээд өөрийн орны бөөг судлаад дараа нь манай бөөг судлах гэж оролдвол илүү дөхөт байж болох юм гэлээ.             МБНЭ-ийн сайт бусад материалуудыг уншиж, танилцах боломжтой гэдгийг зөвлөлөө.             Залуу судлаач МБНЭ-ийн сайттай байнга танилцдаг гээд байнга хамтран ажиллах сонирхолтой байдгаа уламжилна билээ.                                     Б.Банзрагч

Уулзалтад оролцов

Уулзалтад оролцов Энэ жилийн өвөл Бээжин хот өмнөх жилүүдийг бодвол утаа багассан нь нүдэнд тодорхой тусч байлаа. Биднийг Монголоос хөдөлж байхад хүйтэрч эхэлсэний адил Бээжин хотод мөн адил хүйтэн угтсан юм.  Хэдийд очсон ч Бээжин хот дулаахан байдаг байсан бол энэ удаа нилээд хүйтэн угтсан нь энэ жилийн онцлог гэлтэй. Ажил цугларах, тарах үеийг эс тооцвол автомашины түгжрэл багассан байна.  Бээжин хот хэний ч нүдэнд харагдахаар цэцэглэн хөгжиж байна. Шинэ загварын өвөрмөц шийдэлтэй барилгуудаар өнгө төрхөө өөрчлөн шинэчлэн өөрчлөгдөж байна. Утаатай тэмцэх хүрээнд хотын дотор байсан цөөнгүй захыг хотоос гаргах шийдвэр амьдралд хэрэгжсэн харагдана. Монголчуудын очдог байсан цөөнгүй барааны зах нүүлгэж, хоосон барилгууд үлджээ. Төрийн байгууллагуудын үйл ажиллагаанд сахилга, дэг журам маш хатуу болж, ажлын цаг хатуу баримталдаг болжээ.  Хэдэн жилийн өмнө бол хятадын томоохон компанууд монголд хөрөнгө оруулах асуудлаар ярилцдаг байсан бол одоо бүгд африк тивийн аль нэг улсад автозам, төмөр зам тавих, бүтээн байгуулалтын ажилд оролцож, хамтран ажиллах чиг хандлага өөрчлөгдсөн байна. Хуучин хамтран ажиллаж байсан эрдэмтэн судлаачтай уулзаж, Монгол бөөгийн талаар СД хийж худалдаанд гаргаж байгаа хятадын байгууллага, иргэдийн талаар мэдээлэл авлаа. Бээжинд аялсан хэд хоногт амьтдын хүрээлэнгээр орж, дэлгүүр, зарим захаар явлаа. Д.Хүрэлбаатар

Гадаадын иргэн Монгол бөөд хандав

Гадаадын иргэн Монгол бөөд хандав. Алс холын АНУ-аас нэг эмэгтэй Жоанна Бруукс Монгол бөөд хандаж, өөрийн асуудлаа шийдвэрлүүлэхээр МБНЭ-ийн Ерөнхийлөгч Д.Жаргалсайханд хандсан байна. Тэрээр монголын бөөгөөр зан үйл хийлгэх хүсэлтэй байгаагаа илэрхийлсэн юм. Тэгээд цөөхөн хоногийн хугацаатай монголд ирсэн тул богино хугацаанд хүсэлтэд нь туслалцаа үзүүлэхийг хүссэн.                 МБНЭ-ийн Ерөнхийлөгч Д.Жаргалсайхан АНУ-ын иргэнд тодорхой бөөгийн байгууллага, улаачийн хаяг өгч үйлчлүүлэхээр хувиарласан байна. Мөн монгол бөөгийн зан үйлд цаг хугацааны хүчин зүйлийн талаар тайлбарлаж өгсөн. Манай байгууллагад үйлчлүүлэгчийн санал, хүсэлт чухал ач холбогдолтой байдгийг дурьдлаа. Эцэст нь  монгол бөөгийн зан үйл хэрхэн үйлчилсэн талаар МБНЭ-д мэдээлж, харилцан холбоотой ажиллахыг хүслээ. Хүсэлтийг хүлээн  авч түргэн шуурхай үйлчилж, туслалцаа үзүүлсэн МБНЭ-д талархаж байгаагаа уламжиллаа. Б.Банзрагч  

Хуудаснууд

Subscribe to Гадаад мэдээ