2019 оны 10 дүгээр сарын 23-ны өдөр МБНЭ-ийн Дээд цэцийн хуралдайн Хуралдаанаар бөөд цол олгох асуудал хэлэлцэх байсан боловч хурлын ирц шаардлага хангахгүй байсан тул Орон нутгаас ирсэн төлөөлөгчдийн санал хүсэлт, чөлөөт ярилцлага хэлбэрээр хийгдлээ.
МБНЭ-ийн Ерөнхийлөгч Д.Жаргалсайханы “Монгол бөөгийн өнөөгийн байдал” танилцуулгатай холбогдуулан Монгол бөөгийн тэргүүн зайран Х.Батбаяр (Бүдүрэ) Монгол бөөгийн музей байгуулах саналыг дэмжиж сан байгуулах шаардлагатай бөгөөд бөө нараас хандив цуглуулах боломжтой гэж санал дэвшүүлж, тэднийг уриалж 3 сая төгрөгийн хандив өргөж байгаагаа мэдэгдсэн билээ.
Чөлөөт ярилцлагаар Монгол бөөгийн тулгамдсан асуудлын талаар олон санал, санаачлага, дүгнэлтээ ярилцлаа. Энэ удаагийн ДЦХ нь ийнхүү чөлөөтэй хэлбэрээр ярилцах хэлбэрээр хийгдлээ. Ярилцлага 1 цаг 30 минут үргэлжилсэн байна.