ФОТО
ВИДЕО
Шашин хоорондын эв нэгдэл нь аливаа улс үндэстэн эв найрамдалтай амьдрах нэгэн үндэс болдог агаад чөлөөт хүсэл зоригоороо эвлэлдэн нэгдэх нь ардчилсан улсад байх ёстой зүй ёсны эрх аж.
Монголд үйл ажиллагаагаа явуулдаг томоохон шашны төлөөллүүд 2022 оны 9 дүгээр сарын 13-нд Есүс Христийн Хожмын Үеийн Гэгээнтнүүдийн сүмийн Баянзүрх байранд шашны нэгдсэн дөрөвдүгээр хурлаа хийлээ. Энэхүү хуралд Даш Чойлон хийд, Монголын Мусульманы холбоо, Монгол дахь Японы Шинто шашин, Монголын Евангелийн Эвсэл, Монголын Бөөгийн нэгдсэн эвсэл, Католик сүм, Есүс Христийн Хожмын Үеийн Гэгээнтнүүдийн сүм зэрэг шашны төлөөллүүд оролцжээ.
Уг шашны хуралд Бригам Янгийн их сургуулийн хууль болон шашин судлалын олон улсын төвийн захирал, Профессор Элизабет А.Кларк уригдан ирж, илтгэл тавьсан бөгөөд тэрээр хэлэхдээ, “Монголын олон шашны төлөөлөгчид хамтран ажиллаж байгаа нь надад гайхалтай сэтгэгдэл төрүүлсэн. Би тэнд ирсэн шашны төлөөлөгчидтэй Монголын өнөөгийн шашны эрх чөлөөний хуулийн орчны зарим асуудлыг ярилцсан нь үр өгөөжтэй хэлэлцүүлэг болж өнгөрсөн бөгөөд өөр шашнуудын нүүр тулж буй янз бүрийн асуудлуудыг ойлгоход надад тусалсан.” Гэлээ.
Хуралдаанд Монгол гэгээнтэн залуус дуугаа дуулснаар эхэлсэн билээ.
Энэхүү уулзалтаараа Монголын шашны удирдагчид болон гишүүд хамтран тулгамдсан асуудлаа зөв тодорхойлох, монголчууд хууль эрх зүйн орчноо сайжруулах асуудлаар санал бодлоо солилцож байлаа.
