Уншиж байна...

За хайрхан
99 тэнгэр буулт билээ та
33 зүгийн заяа хурмаст билээ та
Сайн зүгийн тэнгэр билээ та
Саруул зүгийн заяа билээ та
Эхийн үгийн сүлд билээ та


Эцгийн озоорын заяа билээ та
Элэнц угийн тэнгэр минь билээ та
Сайн зүгтээ заларсан
Саруул зүгтээ тунарсан
Гэр нэвт гэрэлтэнгүүд
Туурга нэвт туяатангууд
Ханатай гэртээ ханаран залгарсан
Хамаг барцдыг арилган төрсөн
Хан дээд тэнгэрүүд минь
Ханхар хадан хувилгаантангууд
Хамба хилэн хивнэгтэнгүүд минь
Халиу булган нударгатангууд минь
Хаш цагаан олбогтонгууд минь
Хатан төмөр зоригтонгууд
Толит мэргэн ончтонгууд минь
Торго магнаг яндагтангууд минь
Тоонотой гэртээ тодрон заларсан
Тотгор барцдыг зайлуулж ирдэг
Дайнд ороход хуяг болсон
Далайд ороход хуяг болсон
Даян олонд сүлд болсон
Дархад омогтоо омог нь болсон
Ханат гэртээ хаац болсон
Халуун элэгтэнд хань болсон
Хар санаатанд аянга болсон
Хамаг сүрэгтээ хашаа болсон
Харанхуйн оронд гэрэл болсон
Халтирахын оронд түшиг болсон
Хан хуулар эзэнгүүд
Хашир догшин хүлэрнүүд /хуулар онгод гэсэн үг/
Бөх чулуун зүрхтэнгүүд
Бүдүүн ноён озоотонгууд
Өрхөт гэртээ өлзий болсон
Өнөр сүрэгтээ манаа болсон
Сайхан бүхэнд даллага болсон
Саар бүгдэд хаалт болсон
Наргүйд туяа болсон
Саргүйд гэгээ болсон
Ар биед аврал болсон
Өвөр биед өршөөл болсон
Асарын оронд чуулсан
Алсын газарт заларсан
Хазайхад түшиг болсон
Халтирахад тулгуур болсон
Харахад нүд минь болсон
Хазахад шүд минь болсон
Өсөхөд жаргал болсон
Өөдлөхөд заяа болсон
Өвдөхөд өршөөл болсон
Өндийхөд дэмжлэг болсон
Түрхэхэд алт минь болсон
Түшихэд сүлд минь болсон
Далд их биетэнгүүд
Давхар олон шидтэнгүүд
Орон бүхэнд магтаалтангууд
Огторгуйн оронд суунагтангууд
Оч хар тэнгэр минь
Хиртэй биеийн
Хирийг хөнгөрүүлээрэй та
Хилэнцтэй биеийн минь
Хилэнцийг хөнгөрүүлээрэй та
Махыг минь нэвт
Ясыг минь хараарай та
Малгайг минь нэвт
Үсийг минь хараарай та
Хан хуулар эх минь
Хатан баатар эцэг минь
Авралт заяат нар минь
Асралт сүлд нэр минь
Хатан цагаан яс минь
Дээд тэнгэрээс заларч
Дэвжид асараас туяар ч
Ханат гэрийн хойморт
Халуун голомтын эхэнд
Цугларан ирж
Цувран бууж
Чуулан заларч, хайрлагтий

Бусад мэдээ

Mar 07, 2024 285

БАЛЖИР УДГАН

Mar 04, 2024 101

УУЛЗАЛТ ХИЙЛЭЭ

Feb 28, 2024 175

БӨӨ ГЭЖ ЮУ ВЭ

Feb 28, 2024 1897

ГОВЬ-АЛТАЙД

Feb 23, 2024 146

АНХНЫ УУЛЗАЛТ

Feb 20, 2024 190

НАЛЖИР УДГАН

Баруун баннер

Баруун баннер

Calendar 2018

Mon Tue Wed Thu Fri Sat Sun
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Ханшийн мэдээ

Холбоо барих

 

  •  Баянзүрх дүүрэг , 1-р хороо , 22 дуаар байр , 22 тоот.
    Шуудангийн хайрцаг: Улаанбаатар - 49 дүгээр салбар, 922
  •  976-11-458654, Fax: 976-11-458654
  •  This email address is being protected from spambots. You need JavaScript enabled to view it.
Та бөөгийн тухай мэдлэг хаанаас авдаг вэ?
http://www.zoofirma.ru/