http://www.zoofirma.ru/

-Зохиогдсон ажлын мэдээлэл нь зөвхөн Дээд Цэцэд зориулагдсан ажил бололтой. Тэр манлайллыг хангахад мөнгөн дээр чинь тээглэдэг юмаа хө. Мөнгө хүчтэйгээс тэрүүгээрээ шийдэх нь зөв байх.
-Дээд цэцийн гишүүний манлайлал зохион байгуулж байгаа ажилд оролцоход илүү анхаардаг, жилийн татвар нь 50000 төг байдаг. Та үүнийг дийлэхгүй, тэгээд бусдад буруу ойлголт өгөх яриа гаргаж байгаа юм. Асуудлыг өргөн цар хүрээнд харж чаддаг байж манлайлагчийн нэг болно. Жирийн эгэл нэгэн, зах зээлийн эдийн засгийн харилцаанд хийж байгаа ажил бүр нөгөө талдаа заавал санхүүгийн хамааралтайг мэдэж байгаа.


-Манай төвд бол бүр ил тод шүү дээ. Барагтай л нуухгүй. Тэнгэрийн нууц гэж байх боловч гагцхүү итгэл найдварын тэнхлэгээр хэмжих нь чухал гэж ойлгох нь чухал.
-МБНЭ шиг хэлэлцсэн асуудлаа ил тод, шуурхай тавьдаг бөөгийн байгууллага байхгүй байх аа. Байгууллага өөрийн нууцлалтай байдаг. Дээд цэцийн гишүүн, МБНЭ-ийн гишүүний хэмжээнд мэдээлэл ангилалтай байгаа. Хэрвээ бөөгийн төлөө илүү их зүйлийг хийх хүсэл зорилготой хамтарч ажиллая гэвэл Дээд цэцийн хуралдайд гишүүнээр элсэх боломж, эрх бий. Дээд цэцийн гишүүнд тавигддаг шаардлагыг хангаж байвал манлайлагчийн хэмжээнд сонгогдон ажиллаж болно. Дээд цэцэд 83 байгууллагын төлөөлөл багтаж байна.
-83 байгууллагын төлөөлөл нь нэг үгээр хэлбэл, намын зохион байгуулалттай ойр болох нь дөхөж байна. Энэ бол явцгүй асуудал мөн. Зөвхөн нэгдсэн нэгдмэл гэсэн утгаар явах ёстой. Төр засагт бол бөөгийн байгууллага хамаа алга. Өөрсдийнхөө үйлээр явах нь ононо.
-Таныг гэртээ амиа бодоод шүүмжлээд сууж байхад сүүлийн 10 жилд ийм байдал үүссэн. Тэр байтугай хүний амины хэрэг ч гарсан. Залилангийн хэрэгт олон "хуурамч бөө" холбогдсон. Өршөөлийн хуульд хамрагдсан. Бөөгийн 83-н байгууллагуудыг нэгтгэсэн төв байгууллага ажиллаж байна. Бид энэ байдлаас гарахын тулд хамтарч ажиллаж, 60 орчим цол олгодог байсныг нэгтгэж албажуулан цэгцлэх бодлого хэрэгжүүлж байна. Тэгэхдээ Монгол бөөгийн ёс зүйг баримтлан тодорхой шалгуур үзүүлэлтээр уламжлалт бөөгийн зан үйлийг авч яваа "улаач" нарт олгож байгаа.