http://www.zoofirma.ru/

Улаанбаатар хотод амьдардаг ах дүү Б С нар өөрсдийгөө бөө хэмээн бусдад түгээх болов. Түүний цаана Б С нар бөөөгийн зан үйл хийн хялбар амар аргаар мөнгө олохоор тооцсон бололтой. Хоёул бөө болсоноос хойш цөөхөн жилийн дотор бүх зүйл санасанаар болж бүтэж, бөөгийн ажил ч урагштай явах болов.
Б С нар бөөгийнхөө зан үйлийг тус тусдаа эрхлэхийн зэрэгцээ заримдаа хамтран хийх болов. Намрын нэг өдөр шүтлэгтэн О тэдэн дээр ирж бөөгийн зан үйл хийхээр тохиржээ.

Б С нар шүтлэгтэн О-г ариусгах шаардлагатай байна гэж үзэж өөрийнх нь төрсөн газар Өвөрхангай аймгийг зорьсон байна. Тэнд очоод шүтлэгтэн О-г халуун чулуунд хорхоглон ариусгах зан үйл хийхээр болжэээ. Тэгээд чулуу улайсган түүн дээр О-г суулган зузаан хөнжлөөр хучсан байна. Агааргүй битүү орчинд иргэн О нь амьсгал нь боогдож ухаан алдан улмаар халуун чулуун дээр унаж түлэгдэж амь насаа алджээ.
Ийнхүү бөө болж амар хялбар аргаар мөнгө олох гэсэн ах дүү хоёр Б С нар хүний аминд хүрч гэмт хэрэгтэн болж шоронгийн хаалга татав.
Монгол бөөгийн нэр хүндийг энэ мэтчилэн ашиглаж амар хялбар аргаар мөнгө олох гэсэн шунаг, атгаг санаа өвөртөлсөн этгээдүүд тэнгэрийн гэсгээлийг хүртэж байна.