МУГЖ Т.Ариунаа өчигдөр Буянт-Ухаа цогцолборт “Тэнгэр шиг бай” тоглолтоо түүхэнд тэмдэглэдэхүйц, нижгэр хийж фэнүүддээ бэлэг барьлаа. Зохион байгуулалт, өнгө гэрэл, тайз чимэглэлийн хувьд Монголд болж байгаагүй тоглолт хийсэн гэвэл нэг их хилсдэхгүй болов уу. Тоглолтын ивээн тэтгэгчээр Номин холдинг болон Ноёд групп компаниуд ажиллажээ. 10 жилийн өмнө ч хийсэн тоглолт нь тухайн үeдээ шоу гэж ямар утгаараа тавигдаж болдгийг монголдоо анхлан мэдрүүлсэн. Энэ удаагийнх ч бас тэсрэлт байлаа.

Гэхдээ тоглолтын хувьд гэрэл, хөгжим, бүжиг, лазeр гээд үнэн саак байлаа. Маш их хөдөлмөр зарцуулсан, маш том баг ажилуулсан, шинэлэг өнгө төрхтэй хийх гэсэн санааг зориуд магтан бичмээр санагдлаа. Т.Ариунаагийн дайчин, урлагийн төлөө гэсэн, нарийн мэдрэмжтэйг бахдан харж суулаа.
Тоглолтын үеэр “Хань минь үргэлж дэргэд байгаарай” хэмээх дуун дээр Т.Ариунаагийн нөхөр, Ноёд группын захирал Г.Буяндорж тайзнаа гарч ирэн эхнэртээ сюрприз барьж тэд хамдтаа бүжиглэж дууллаа.
Хамгийн гол нь бүх дуугаа шинэ, цоглог найруулгаар дуулсан нь үнэн тасархай байлаа. Дуучин Ариунаагийн тоглолтыг үзээд үнэхээр биширлээ. Их сайхан тоглолт үзүүлсэн дуучиндаа маш их талархаж улам их амжилтыг хүсье.