Зэвсэгт хүчинд алба хаасан төрөл мэргэжлийн цэргийн улс төрийн мэргэжилтэнгүүдээс Монгол Улсын Ерөнхийлөгч 2, Монгол Улсын Ерөнхий сайд 3, Засгийн газрын гишүүн, сайд нар, ҮАБЗ-ийн нарийн бичгийн дарга, Ажлын албаны дарга нар, Тагнуулын ерөнхий газрын дарга, ЗХЖШ-ын дарга, Мэргэжлийн хяналтын газрын дарга зэрэг төрийн хариуцлагатай ажилтан төрөн гарсан нь монголын түүхэнд давтагдашгүй үйл яьдал байсан.

Цэргийн доторх улс төрийн байгууллагын 101, Дээд боловсролтой улс төрийн ажилтнуудыг дотоодод бэлтгэж эхэлсний 50 жилийн ойд зориулсан "БАХАРХАН ДУУРСАХ ОН ЖИЛҮҮД" арга хэмжээ Монгол цэргийн музейн их танхимд боллоо.
Үзэсгэлэнгийн нээлтэд чөлөөнд байгаа улс төрийн ахмад ажилтнууд, гадаад, дотоодод суралцсан үе үеийн төгсөлтийн төлөөлөл, өдгөө тэдний залуу халаа болон суралцаж байгаа ҮБХИС-ийн сонсогчид оролцов.
"Цэргийн улс төр, соёл хүмүүжлийн ажилтны Нэгдсэн эвлэл" ТББ-аас энэ ажлыг санаачилан хийж байгаа бөгөөд өөрийн тугтай болсноо энэ өдөр нийтэд зарлан мэдэгдэж хүндэтгэн залав.
Мөн Монголын Залуучуудын Холбооны 100 жилийн ойгоор бүтээсэн МХЗЭ-ийн 6 одонт тугийг бэлтгэл ахмад Б.Бат-Өлзий ТББ-ын тэргүүнд гардуулан өгөв.
Энэ үеэр зарим улс төрийн ажилтнуудыг БХЯ-ны "Дайчин алдар", "Эх орны төлөө" медалиар шагналаа.
Мөн ОХУ дахь Львовын Цэргийн Улс төрийн дээд сургууль төгсөгчдийн холбооны шагнал Львовын цэргийн улс төрийн дээд сургуулийн түүхт 80 жилийн ойн медалиар тус сургуулийн 1981 оны төгсөгч бэлтгэл хурандаа Б.Энхжаргал, 1973 оны төгсөгч чөлөөнд байгаа дэд хурандаа Х.Цогхүү нарын энгэрийг мялаав.
Үзэсгэлэнгийн нээлтийн үеэр ЦДБЭЧ-ын шилдэг уран бүтээлчид ая дууны түрлэг өргөлөө.

3

2

4

1

Twitter