ХОЁР ЗУУН ЖИЛ УЛАМЖЛАН ТАХИЖ ИРСЭН ОВООНЫ ТАХИЛГА БОЛЛОО Хоёр. Овооны их тахилга
Энэхүү тахилга нь хоёр зуун жил тасралтгүй тахиж ирсэн түүхэн уламжлалттай Цагаан овоо, Бүртийн булуу овоогийн тахилга байв. 18-р зууны үеэс эхлэн нутгийнханы дунд домог мэт яригдан ирсэн удган зайрангуудын тасралтгүй хийж ирсэн овооны тахилга нь халх жаягаар хийдэг ажээ.
Бидэнд байгаа мэдээгээр энэхүү тахилгийг хийдэг улаач нарын нэрийг судалж үзвэл нутгийн зайран Батцагаанаас эхлэн Цэгмид зайрангаар уламжлан Ванданзондов зайран овооны тахилгийг хийж ирсэн бөгөөд энэ цаг үед Монгол Бөөгийн их удган Жавзансүрэн үргэлжлүүлэн хийх түүхэн үүрэг ноогджээ.
Овооны өвөрт байх өвөлжөөнд овооны тахилгад оролцох иргэд цугларч, мотоцикль, машин, явганаар уулын оргил өөд өгсөв.
Жин үдийн морин цагт Овооны их тахилга эхэллээ. Тахилгад Монгол бөөгийн их удган В.Жавзансүрэн толгойлон бөөллөө. Овоог тойрон байрлаж Монгол бөөгийн удган, зайран, Ц.Мөнхбүрэн, Ч.Одсүрэн, Бямбаням, Н.Ганхуяг, Баяртогтох, М.Түм..., Олонбаяр , Г.Ганчимэг, Батцэцэг , Г.Ганхуяг, Батчулуун, Амаржаргал нар дэмжиж бөөллөө.
Овоон дээрээс уулс, уулс хоорондын хөндий, голын эрэг даган буусан малчдын гэр тод харагдах ажуу. Наадам болох талбайд түмэн олон цугларсан харагдана.
