Өнгөрсөн долоо хоногт “Бөөгийн тавилан” нэгэн өгүүлбэр тавьжээ. Энэ өгүүлбэрийн цаана энэхүү бүлгэмийн гарын таван хуруунд багтах цөөн хэдэн хүний атгаг санаа явж байгаа билээ. Ажил нь явахаа байсан, арга нь барагдсан хэдэн хүний санаа харагдах бус уу.
Бидэнд улс орныхоо төлөө хийх ажил их байтал, адил улаач нар байтлаа юунд ингэж гаслана вэ. Үнэн хэрэгтээ өөрсдийгөө их том мэдлэгтээ “улаач”-ийн дүр эсгэсэн хэдэн хүний мэдлэг нь хомсдоод ирэхээр бусдыг татдаг “монгол тамын тогоо”-ны үлгэр лүү орж байгаа мэт сэтгэгдэл төрүүлнэ.
Та нарын харааж зүхээд байгаа МБНЭ бол олон мянган хатуу гишүүнчлэлтэй, байнгын үйл ажиллагаатай байгууллага билээ.

Тэнд Монгол бөө шүтлэгээ авч яваа одоо 100 настай Монгол бөөгийн их удган Авид, 90 настай Монгол бөөгийн их зайран А.Бат, Оросвой, ид насандаа монгол бөөг авч яваа Монгол бөөгийн их зайран П.Батжаргал, Д.Одонхүү, Б.Баяраа (моко), Төмжий (Нэргүй), Монгол бөөгийн их удган Б.Бадамсүрэн, Болд (Улаан уулын), Сонинжаргал (Завханы), та нарын үеийн боловч, өөрийгөө товойлгох гэж орилж чаралж, оодроод байдаггүй залуу удган, зайран Б.Нанжаа, Ш.Нямдорж, Б.Нарангэрэл, А.Оюунсувд, Я.Мөнгөнсувд гээд хэдэн арваар тоологдох залуу улаач нар байж л байна.
Тэдний “сөнөөсөй” гэж хараагаад яахнав дээ. Адилхан улаач нар. Тэгээд та нарын хэлснээр болчихдог ч юм биш. Ийм юм бичсэнээрээ та нарын нэр хүнд л унана.
МБНЭ-ийг СӨНӨӨСӨЙ хэмээн мөрөөдөх ямар их хүсэл тачаал, шунал вэ. Даана ч улам бүр бэхжээд байх юм даа-МБНЭ.

Twitter