Гурав. Хээрийн онгоддоо бөөлөв.
Дараагийн өдөр Монгол Бөөгийн Тэргүүн Зайран Д.Дарьчулуун бөөлж, хээрийн онгодоосоо Их тахилгын талаар мэдээлэл авсан билээ. Бөө хүний хувьд хээрийн онгод үндсэн ач холбогдолтой зүйл. Тэгээд бүхнээс урьдчилан онгондоо мэдээлж, бөө хүн бүх зүйлээ бэлэн болсон эсэх талаар айлтгалыг сонсдог.
Алс баруун хязгаарын Алтайн нурууны гол ноён оргил болсон Цаст хайрхан “Цэнгэл” хайрханы нэгдсэн тахилгын талаар хээрийн онгондоо мэдээлж үйл явцын талаар урьдчилан мэдээлэл авсан билээ.
Зайранг хээрийн онгондоо задрах өдөр нутгийн олон хүндэтгэл үзүүлэхээр цугларсан байсан. Хээрийн онгодын бөөлөлт нэгдсэн тахилга төдийгүй улаач хувь хүнд тулгарч ирсэн бэрхшээлийг хэрхэн давах талаар мэдээлэл өгдөг.
Онгондоо бөөлөх өдөр тэнгэр сайхан байж, намуун салхитай хаврын дулаахан, нарлагхан өдөр байлаа.
