Энэ удаагийн намрын Тахилгын төгсгөлд Галын тахилга хийлээ. Энэхүү галын тахилгыг Хөвсгөл аймгийн Улаан-Уул сумын улаач Далайбаяр толгойлон бөөлж хийлээ. Сүүлийн жилүүдэд бөөгийн тоо эрс өссөн тохиолдолд галын тахилгыг байгууллага хамт олон, олуулаа нэгдэж хийдэг. Үүнийг буруутгах гэсэнгүй. Энэ бол хамтын зүтгэл, зан үйл юм. Харин Хар чулуутын аманд хийгдсэн галын тахилга улаач, уламжлалт зан үйлээр хийгдсэн тахилга гэдгээр онцлог байлаа.
Тиймээс нөгөө талдаа улаач хүн галын тахилгыг бие даан хэрхэн зохион байгуулдаг уламжлалыг харуулсан. Өөрөөр хэлбэл олуулаа хамтарч хийх галын тахилгаас улаач бие даан гал тахих уламжлалт зан үйлийг харуулснаараа онцлог байлаа. Уламжлалт зан үйлээр улаач хүн гал тахих үйл ажиллагааг харуулсанаараа ойрын 10-аад жилд хийгдэж байсан нийтийн хамарсан Галын тахилгаас өвөрмөц өөр тахилга хийгдлээ.
