http://www.zoofirma.ru/

2018 оны 10 дугаар сарын эхээр Бөө нэртэн З гэгч нь хохирогч С-тэй танилцсан байх юм. Яагаад бөө нэртэн гэж нэрлэв гэхээр энэ алуурчин бөө мөн гэж үү. Хэрэгтэн З гэгч нь өмнө нь гурван ч удаа “шоронд сууж байсан түүхтэй. Тэгээд бөө болж амар хялбар аргаар мөнгө олохоор бусдыг залилах замд оржээ. Энэ аргаар бусдыг залилахдаа иргэн С-ийг уг барьж бөө болгохоор нутгийг нь зорьсон байна.
Тун бонино хугацаанд итгэлийг нь олж чаджээ. Бөө нэртэн З гэгч С-д бөөгийн зан үйл хийхээр цуг явсан байна. С гэгчийг машинтай нь хамт гэрээс нь авч гараад Завхан нутагт очихоор зорьжээ. Улмаар хоорондоо маргалдаж С-ийн амийг өмсөж явсан хувцсаар нь боомилж алсан байна.

Тэгээд Завхан аймгийн Тэлмэн сумын нутагт Агуйт хэмээх газар булжээ. С нь хөдөлмөрийн чадвараа 70 хувь алдсан нэгэн байсан бөгөөд 10 гаруй хоногийн дотор З-ийн үгэнд итгэж, хамт явахаар болжээ.
Хохирогч С-ийн ар гэрийнхэн машинтай явсанаас хойш сураг тасарч олон хоносон тул цагдаагийн байгууллагад хандсан байна. Цагдаагийн байгууллага шуурхай арга хэмжээ авч улсын хэмжээнд эрэн сурвалжилж, хэргийг богино хугацаанд илрүүлж чадсан байна.
Иргэдэд анхааруулахад бөө болон бөөгийн уг барих зан үйлийн талаар тодорхой мэдлэгтэй байсан бол алуурчинд хууртахгүй байх боломжтой юм. Мөн бөөгийн нэр барьсан олон арван залилагч нараас жинхэнэ бөөг хэрхэн таних вэ гэдэгт анхаарах цаг болсоныг энэ явдал харуулж байна.