Монгол бөөгийн нэгдсэн анхны байгууллагын хувьд хуралдах байр чухал байсан. Энэ удаа кино үйлдвэрийн дэргэд хүний хөл хөдөлгөөн багатай хоолны газарт ээлжит хуралдаанаа хийж байна. Д.Энхжаргал, Д.Батчулуун, А.Энхтайван, Чинбат, Бадарч, Энхзаяа, Дангаасүрэн, Булган, Энхбаяр, Батсайхан, Хоролдамба, Гомбо, Одгэрэл, Эрдэнэбаяр, Хишигжаргал, Загдаа нар гишүүд байлаа. Цаг үеийн шаардлагаар гишүүд шинэчлэгдэж явдаг билээ.
Сэтгэл байвал зүтгэл гардаг. Хүн болгон байгууллагын зорилтын төлөө сэтгэл зовинон ярилцана. Санхүүгийн чадвар ямагт сэтгэл зовоосон ажил байлаа. Тийм атлаа байр түрээслэн зардал гаргаад байх болоомж муутай.
Бөөгийн байгууллага байнгын үйл ажиллагааа явуулахад байр хэрэгтэй байлаа. Тэгээд сансарт байсан хүүгээ гэртээ нүүлгэж, тэр байранд нь өнөөг хүртэл МБНЭ байрлаж байна. Манай дотны найз нар хэлдэг юм “солио гажуутай юм шиг авиртай, хувиа хичээсэн, амиа бодсон хүмүүсийн төлөө” ийм алхам хийх шаардлага байгаа юм уу гэж. Үнэн хэрэгтээ бөөг Ш.Сүхбат, надаас өөр хэн сайн мэдэх вэ дэ.
