Их зайран Д.Одонхүү нь олон улсын цэрэг улс төрийн түгшүүртэй цаг үе болох 1970-аад оны сүүлч 1980-аад оны эхэн үед Цэргийн нэгдсэн дээд сургуулийн холбооны ашиглалтын инженерийн ангийг төгсөөд БХЯ-ны харьяа сургуулийн тусгай дивизид томилогдон ажиллажээ. Тус сургуульд салааны захирагч, салбарын захирагч, Сургууль байлдааны тусгай салбарын захирагчаар ажиллаж, улс армид холбооны мэргэжилтэн бэлтгэх, армийн байлдааны бэлэн байдлыг хангах, цэрэг дайчдыг цэрэг эх оронч хүмүүжлээр хүмүүжүүлэх үйлсэд өндөр амжилт гаргасныг төр засаг өндөр үнэлэн цэргийн хүндэт медаль, хөдөлмөрийн хүндэт медаль, мэдээлэл харилцаа холбооны тэргүүний ажилтан цол тэмдгээр шагнаж байжээ.
Их зайран Д.Одонхүү нь 2000 оноос эхлэн хүний удам зүй, угсаатны өв соёлыг судлан уламжлуулах, мөнх тэнгэр шүтэн, байгаль дэлхийгээ хайрлах үзлийг түгээн дэлгэрүүлэх үйлсэд хүч ин зүтгэн яваа билээ. Их зайрандаа төрийн шагнал хүртсэнд нийт тэнгэр шүтлэгт нарын өмнөөс баяр хүргэн цаашдын ажил үйлсэд нь амжилт хүсье.
Монгол бөөгийн нэгдсэн эвлэлийн ерөнхийлөгч Д.Жаргалсайхан
