logo

logo.jpg

Advertisement

Зан үйл

Нойр булчирхайн үрэвсэл сэдэрсэн үед яах ёстой вэ?

    Нойр булчирхайн үрэвсэл олон төрлийн шалтгааны улмаас сэдэрч даамжирдаг. Хурц болон архаг үрэвсэл сэдэрсэн үед эхний гурван хоног хоол сойно. Дараа өдрөөс ууранд буюу жигнэж болгосон байцаа, лууван, төмсний зутан, нухаш зэргээр нэг удаад 100 гр-аас ихгүй хэмжээгээр 3-4 цагийн зайтай хооллоно. Хурц үрэвсэл намдсан, архаг үрэвсэлтэй үед өөх тосгүй, махтай гурилтай хоол, бантан, ногоотой шөл, төрөл бүрийн ногооны зутан, нухаш, хярам, ногоон цай, талх, тос багатай боов, алим бусад исгэлэн бус шинэ жимс идэхийг зөвлөж байна. Харин шарж хайрч болгосон малын гаралтай өөх тостой хоол, даршилсан төрөл бүрийн хүнс, хоол амтлагчууд, хорхог, боодог, гэдэс, борц, хүйтэн хоол, архи, дарс, айраг, хийцтэй болон өтгөн цай, хийжүүлсэн ундаа, хүйтэн унд, цай, хөөлгөгчөөр исгэсэн гурилан бүтээгдэхүүн, тосорхог жигнэмэг, боов, шоколад идэхийг хориглодог. Нойр булчирхайн үрэвсэл зөвхөн эмээр бус хоолоор эмчлэгддэг, өвчтөн зөв дэглэм барих эсэхээс их шалтгаална.  

​Шар будаагаар бөөрөө эмчлэх таван төрлийн жор

Шар будааны ач тустай шинж чанарын тухай, ялангуяа бөөрний өвчлөлд хэрэглэх тухай олон сайт, форум , нийтлэлүүдийн доорх комментээр бичиж, дурдсан байдаг. Энэхүү нийтлэлд ардын эмчилгээний анагаах увидаст аргын тухай хамгийн түгээмэл зөвлөгөөнүүдийг нэгтгэн толилуулсан болно.   Жор #1   Нэг аяга (хэмжээ нь стакан, цаашид аяга гэх) шар будааг бүлээн усаар угааж, 3 литрийн шилэнд хийнэ. Дээр нь халуун ус нэмнэ. Шилээ дулаан зүйлээр хучиж, ороогоод өрөөний хэвийн температурт байлгана. Дараачийн өдөр нь шилэн дэх усны гадаргуу дээр хөвсөн цагаан шингэн бий болно. Энэ нь л таны хэрэглэх эм бий болсон гэсэн үг. Уг шингэнийг хүссэн үедээ, ямар ч хэмжээгээр хамаагүй ууна. Шингэн дуусмагц шар будаан дээрээ дахин буцалсан ус нэмж, хандлана. Шар будааны амт амтагдахгүй, шингэний амт нь өөрчлөгдвөл дахин шинээр хандалж ууна. Шар будаа нь бөөр, шээс боловсруулах эрхтэн тогтолцооны системийн үйл ажиллагаа, тухайлбал бөөр цэвэрлэх, бөөрний чулуу гаргах, эмэгтэйчүүдийн өвчин, цистит хөдөлснийг намжаах шидтэй хүнс юм. Давсагны чулуутай үед онцгойлон ач тустай бөгөөд шар будааны ханд хэрэглэснээс хойш 1-2 долоо хоногийн дараа чулуу нь хайлж, элсжиж улмаар шээсээр хөөгдөн гардаг байна.   Жор #2   Уг болсон явдлыг бөөр нь ажиллагаагүй болсон өвчтөнг эмчилж байсан аргаа барсан байсан эмч ярьсан байна. Шар будааны ач тусаар нэгэн өвчтөн эдгэрсэн юм. Тэр өвчтөн нь ханиадны (грипп) дараах хүндрэлээс улбаатай шээсний замын үрэвсэл болж, шээсээ гадагшлуулж чадахгүйд хүрсэн байжээ. Тэр өвчтөн эмнэлэгт байхад биеийн байдал нь бүр доройтож, 2 хоног шээсээ гадагшлуулагүй, бөөр нь ажиллагаагүй болж бөөрний дутагдалд (уремия) орж эхэлсэн байна. Ийм өвчтэй хүний бөөр нь ажиллахаа байж, гурваас илүү хоног бараг амьдардгүй учраас ойр дотныхон нь түүнтэй салах ёс хийж эхэлсэн байна.Эмнэлэгт шөнө ирсэн нэгэн өвчтөн түүний аминд оржээ. Юу болсныг асууж мэдээд, нөхрөөсөө шар будаа яаралтай авчир гэж захижээ. Шөнө дөл, 3 цаг болж байсан хэдий ч, шар будааг хурдан авчирчээ. Шар будааг хандлан хоолны халбагаар бөөр нь ажиллахаа байсан өвчтөндөө 10 минут тутам уулгаад, 8 цагийн дараа гэхэд шээс нь ялгарч, шээж эхэлсэн. Би өөрөө ч гайхсан! Одоо өөрийн практик эмчилгээнд бөөрний өвчлөлийн үед шар будаа хэрэглэхийг зөвлөдөг болсон. Хагас аяга шар будааг сайтар угааж, литр ус нэмээд 7 мин буцалгана. Хэсэг хугацаанд хандалж байлгасны дараа ямар ч хязгаарлалтгүйгээр уух хэрэгтэй. Шар будааг зутан (каша), шөлөнд мөн хэрэглэж болно. Шар будааг ийнхүү хэрэглэхэд илүүдэхгүй, хор болохгүй ба эмчилгээнд үнэхээр эерэг нөлөө үзүүлнэ.   Жор #3   Бөөр, давсаг, шээсний замын эрхтэний үрэвслийн үед шар будаагаар эмчлэх 3 литрийн шилний тэн хагасаар шар будаа хийж, дээрээс нь дүүртэл нь буцалсан ус хийгээд, сайтар хутгаж дээрээс нь юмаар хучаад хонуулна. Шингэнийг нь ялган авч ямар нэгэн хязгаарлалтгүйгээр өдрийн турш ууна. Курс эмчилгээ нь долоо хоногийн турш байна. Үлдсэн шар будаагаа хаялгүйгээр зутан (каша) хийж идэж болно. Шар будааны өтгөн шүүсийг өдөр бүр хэрэглэхдээ шинээр найруулж хэрэглэнэ. Шар будаатай дараачийн жорын дагуу шээс боловсруулах эрхтэн тогтолцооны үрэвслийн үед мөн хэрэглэнэ. Нэг аяга шар будааг сайтар ялгаж цэвэрлээд, хүйтэн усаар угаана.Шар будаагаа 3 литрийн шилэнд хийгээд, 2 аяга буцалгасан бүлээн ус хийж, 3 минутын турш гараараа эрчимтэй хутгана (өндгийг хөөсөртөл хутгадаг шиг). Бий болсон цайвар шингэнийг ямар нэгэн хязгаарлалтгүйгээр ууна.   Жор # 4   Бөөр, циститийг шар будаа, эмийн ургамлаар эмчлэх ардын эмчилгээний арга. 2 хоолны халбага шар будааг угаана. Дээр нь 2 аяга буцалсан ус хийнэ. Гал дээр тавьж, будаагаа хутгаж, буцалгана. Буцалмагц, галаа унтраагаад 1 минут байлгасны дараа шүүж аваад дараах схемийн дагуу ууна. Эхний өдөр- цаг тутам 1 хоолны халбагаар 2 өдөр- цаг тутам 3 хоолны халбагаар 3- 7 дахь өдрүүдэд- хоол идэхээсээ өмнө, өдөрт 3 удаа ½ аягаар ууна. Шар будааны хандыг уухаас гадна шээс хөөдөг эмийн ургамал мөн хэрэглэнэ. Шээс хөөх ургамал нь аньс, цангис, нохойн хошуу г.м. 1 хоолны халбага алирсны навчин дээр (брусника-алирс-аньс) 1 аяга буцалсан ус хийж, таглаад 5 минут зөөлөн гал дээр буцалгана. Хөрсний дараа нь шүүж аваад, шингэнийг нь өдрийн турш бага багаар ууна. 1 хоолны халбага "толокнянка” жимсэн дээр (оросоор толокнянка-"медвежьи ушки”, англиар bearberry, манай оронд ургадаггүй, цангистай төстэй жимс, латин нэршил Arctostaphylos) 1 аяга буцалсан ус хийж, таглаад 5 минут зөөлөн гал дээр буцалгана. Гал дээр нь хагас цаг байлгаж, хандлана. Хандыг хоол идэхээсээ 30 минутын өмнө, өдөрт 3 удаа аяганы гуравны нэг хэмжээгээр бүлээнээр нь ууна.   Жор # 5   Шар будаа, цангис жимсээр бөөрөө цэвэрлэх. (оросоор клюква, англиар cranberry ). Энэхүү арга нь бөөр цэвэрлэхээс гадна, өндөр даралтыг бууруулж, ясны эд эсийг бэхжүүлдэг байна. Шар будааг үрсжүүлж ургуулна, ингэхийн тулд шар будаан дээр ус хийж, дээр нь марлиар хучиж нахиалтал нь хэд хоног хүлээх хэрэгтэй. Соёолсон үрийг угааж, хатаана. Ямар нэгэн хольц нэмэлгүйгээр энгийн каша шиг буцалгаж болгоно. Энэхүү шар будааны зутанг цангис жимстэй хольж, өөр ямар ч хольцгүйгээр-масло, давс, элсэн чихэргүйгээр иднэ. Ийм хоол нь таны бөөрөнд таатай амралтыг мэдрүүлнэ. Та ийнхүү хэрэглэснээр бөөрөө цэвэрлэхийн хажуугаар бөөрний доторх элс, салст, бохирдол, үрэвслээс салах ба шээсний замын эд эрхтэн, бөөрний эд эсийг сэргээх гайхалтай үр дүнд хүрэх болно.    

ХӨХ ГОРЬДОЖ, ХӨХНИЙ ТОЛГОЙ ХАГАРАХ ҮЕД ХЭРЭГЛЭДЭГ АРДЫН АРГА

ХӨХ ГОРЬДОЖ, ХӨХНИЙ ТОЛГОЙ ХАГАРАХ ҮЕД ХЭРЭГЛЭДЭГ АРДЫН АРГА Жирэмсэн эсвэл хөхүүл эхчүүд тун яльгүй зүйлд горьдож хөх нь хавддаг. Эмнэлгийн хэлээр мастит гэнэ. Хөхөнд сүү орохоос эхлээд, хүүхэд нь өлсөж буй эсэхийг эх хүн зөнгөөрөө мэдэрдэг нь мэдрэлийн их нарийн процесс явагдаж буй хэрэг.   Тиймээс хөхүүл эх горьдох төдийд сүүний булчирхай цочирч, сүүний урсгал саатан түгжирдэг гэсэн үг. Тухайн эхийн сэтгэл хөдлөлийн байдал, зан чанараас хамааран хөхний хавдар их, бага, эсвэл амархан горьдоо нь гарах эсэх хамаарна. Ихэвчлэн горьдоог нь тайлсны дараа бараг өргөс авах мэт илааршдаг. Хэрэглэж заншсанаар бол горьдоосон хүн нь ямар нэг байдлаар хуурвал үр дүн нь илүү сайн. Энэ нь горьдсон эх уг хүнээс л горьдоог арилгах хууралт ирнэ хэмээн хүлээлт үүсдэгтэй холбоотой. Горьдоог даруйхан гаргахгүй удваас сүүний суваг дахь түгжрэл нэмэгдэн сүү нь өтгөрч улмаар буглах нь бий. Ялангуяа залуу эхчүүдийн хувьд хүүхэд хөхүүлэх бэлтгэл хөхөндөө сайн хийж амжаагүй байгаа бол хөхний толгой хагарч, шархалдаг. Уг шархаар идээлүүлэгч нян нэвтэрч орох боломж байнга бий болдог юм. Хүүхдээ хөхөөр хоолох эх үрийн хоорондын холбоог улам зузаатгаж эх хүнд их жаргалыг авчирдаг. Тэгэхдээ хөхүүл эмэгтэйчүүд горьдохоос авахуулаад хүүхдээ хөхүүлэх боломжийг хязгаарлах бэрхшээл их тулгардаг. Үүний нэг нь яах аргагүй хөхний үрэвсэл буюу мистит. Хөхний үрэвсэл, хөхний товчинд үүссэн хагарал, шалбархай сүү дамжуулах цоргоор өвчин үүсгэгчид нэвтэрч орсоноос үүссэн хөхний булчирхайн үрэвсэл юм. Энэ өвчинг анзааралгүй өнгөрөөж болохгүй хөхөнд өвчин орж, хүүхдэээ хөхүүлэхэд өвдөлт улам нэмэгддэг. Үрэвссэн хөх томорч хавтаад хатуу болдог. Хөхний үрэвсэлийг ардын эмчилгээний аргаар эмчилбэл эдгэрэлийг түргэсгэж биеийн байдлыг дээр болгоно. Хөхний үрэвсэлийг гэрийн нөхцөлд хэрхэн эмчлэхэд дараах аргууд сайн. Байцааны навч тавихад улаалт арилж, өвчин намддаг. Навчийг урьдаар шүүсийг нь гартал юмаар давтаж байгаад хөхөн дээрээ тавьж гадуур даавуун хөхөвч өмсөнө.  Зөгийн балтай гурил бас шимэгдүүлж бас үрэвсэлийг дарах үйлчилгээтэй. Зөгийн балыг гурилтай хольж зуураад, хавтгайлаад унтахдаа хөхөндөө тавина. Хавдаж өрөвссөн хөхөнд камфарын тос хэрэглэхэд зөөлөрдөг.  Тосыг цэвэр даавуунд шингээж байгаад өвчтэй хөхөнд тавьдаг. Хөх өрөвссөн үед спирт болон халуун жин тавьж болохгүй. Яагаад гэвэл халаах үйлчилгээтэй жин өвчин үүсгэгч бичил организмуудыг улам үржүүлэн биеийн байдлыг дордуулна.  

МАЛ СЭТЭРЛЭХ ЁС

МАЛ СЭТЭРЛЭХ ЁС -Мал сүргийнхээ манлайг харсан их сүлд тэнгэртээ эдлүүлэх үйл ажиллагагааг  мал сэтэрлэх зан үйлээс  эхэлдэг, Бөө хийгээд бөө бус айлын онгодууд цөмөөрөө буюу эсвэл аль нэг нь өөрийн гэсэн  унаатай байх хүсэлтээ бөөд буюу бөөгөөр дамжуулан бөө бус хүмүүст мэдэгддэг. Тэгэхдээ хэдэн настай, ямар зүсмийн , халуун юмуу хүйтэн хошуутай малаар унаа хиймээр байна гэсэн хүсэлтээ Онгод өөрөө хэлдэг. Үүний дагуу мэдэгдэл авсан хүн гэр орондоо бөө залж ирүүлээд бөөгийн зөвлөмжөөр бэлтгэсэн сэтэр хийх материалаа бөөд хэл хуураараа онгод оруулалгүй хөгжимдөн шивнин халбаганд уугилсан арцны утаан дээр нар зөв есөнтээ эргүүлнэ. Энэ бол үйлдсэн сэтэрийг амилж байгаа зан үйл болно. Сэтрээ амилсаны дараа сэтэрлэх хонь ямааг гэрт оруулж, голомтын баруун талд зогсоож эхлээд усаар, дараа  нь цээдмээр угаана. Үүний хар,цагаан угаалга хэмээн нэрлэдэг.  Ингэж угаалга хийснээр сэтэрлэх малыг ариутгаж байгаа нь энэ болно. Тэгээд духнаас нь хондлой хүртэл нарийн зурваст тараг,дөрвөн мөчний үе бүхэнд тос түрхэнэ. Энэ нь сэтэрлэх бол бүх үйлдлийг гэрийн цагаан зүгт гадаа үйлдэнэ. Сэтэрлэх малыг онгодын өмнө гурван удаа  (толгой дээр нь  дарж)мөргүүлнэ.

Хүндэрсэн ходоодны шархыг хагалгаагүйгээр эдгээх арга

Хүндэрсэн ходоодны шархыг хагалгаагүйгээр эдгээх арга   Нөхөр маань 10 гаруй жил ходоодны шархтай явсан. Үүнээс болж ажилаасаа ч хүртэл гарсан. 2-3 удаа эмнэлэгт хэвтэхээс гадна гэрээрээ байнга эмчилдэг байв.  Тэгсэн хэрнээ л дээрдэх биш улам дордсоор л байсан. Хоолонд дургүй болж жигтэйхэн турж эцэж биеийн хүчний ажил байтугай явахдаа хүртэл хэцүү байв. Ернь л дордсоор дордсоор хүний гарт орсон гэж хэлж болно. Бид бодож хагалгаа хийлгүүлэхээр шийдэв. Тэгтэл маргааш эмч дуудаж уулзаад бид нөхөрт тань хагалгаа хиймээргүй байна бие нь хэтэрхий сул байна. Та нар гэрээр эмчилгээ хийлгүүлбэл яаасан юм гэсэн. Тэгээд ходоодны шарх их хүндэрсэн байсан нэг хүнд хэрэглэсэн ачтай жорыг надад өгсөн юм. Тун энгийн жор.    Би бүдүүн ширхэгтэй үрүүлээр үрсэн зөгийн жилий 10 грам, давсгүй цэвэр цөцгийн тос 100 грамыг авч гал дээр хайлуулаад хайлж дуустал хутгана. Бэлэн болсон бэлдмэлийг шилэн саванд юүлж 10 минут байлгана. Дараа нь нэгэн жигд холигдсон бэлдмэл болтол нь хутгаад өдөрт 3 удаа 1 цайны халбагыг 1 стакан хөөрүүлсэн сүүнд хутгаж ууж байсан. Энэ сүүндээ 1 цайны халбага зөгийн бал хийнэ. Бэлдсэн эмээ ууж дуусаад 7 хоног завсарлаад эмчилгээг дахин үргэлжлүүлсэн. Сарын дараа эхогоор харуулсан эмч дуу алдаж нүдэндээ ч итгээгүй ...Чи хоёр ч шархтай байсан байж яаж нэг сарын дотор эмчилж чадав аа гэж байсан. Үүнээс хойш ходоодны шарх нөхрийг зовоогоогүй. Ходоод гэдэс эвгүй оргивол тэр даруйд нь нөгөө гайхалтай эмийг бэлдэж уулгадаг. Зөгийн жилий гэж юу бэ?  -Зөгий мод, бургасны нахиа, найлзуурын давирхайлаг бодисыг хураан жилий боловсруулдаг. Модлог ургамал нь өөрийн нахиа, найлзуурыг элдэв нянгаас хамгаалахын тулд давирхай ялгаруулж бүрдэг. Жилийн найрлагад ордог биофлавиноид, холтсон хүчил, эфирт тос, үнэрт хүчил зэрэг нь түүний биологийн идэвхтэй, тухайлбал антиоксидант, вирус, мөөгөнцөрийн эсрэг, хордлого тайлах, өвчин намдаах, нөхөн сэргээх, хавдрын эсрэг, дархлаа өдөөх зэрэг чадварыг харуулна. Зөгийн жилий нь бие махбодийн хүрээлэн буй орчны таагүй хүчин зүйл дэх физиологийн тогтворжилтыг нэмэгдүүлнэ. Зөгийн жилий антиоксидант идэвхжил, биофлавиноидын агууламжаараа бусад хүнсний бүтээгдэхүүнээс хамгийн дээгүүрт ордог. Мөн дархлаа сэргээж, чөлөөт радикал эсийг гэмтэхээс хамгаална.

Цэцгэн мэнгэнээс салах хялбархан арга

Цэцгэн мэнгэ нь хүний гадаад үзэмжид сөргөөр нөлөөлөөд зогсохгүй сэтгэл санаанд нь ч хортойгоор нөлөөлж, тухайн хүнийг өөртөө итгэх итгэлгүй болгодог аюултай. Тийм ч учраас ихэнх хүн таагүй мэнгэнээсээ салахыг хичээдэг ч яах учраа олдоггүй. Тэгвэл энэхүү шинэ арга таны сэтгэлийг засах болно. Нууц аргыг хэрэгжүүлэхэд танд ердөө л ганц сав алимны шүүсэн цуу байхад л хангалттай. Алимны цуу нь олон талын ашиг тустай ч цэцгэн болон илүүдэл мэнгийг арилгахад жинхэнэ ид шидийг үзүүлнэ. Хамгийн таатай тал нь гэвэл хямд үнэтэй, хэрэглэхэд хялбар учир эмнэлэгт хандаж, хэдэн сая төгрөг зарлагадах шаардлагагүй. Мэнгийг шинжлэх ухааны үүднээс тайлбарлавал акрохордон хэмээх маш өчүүхэн хэмжээтэй хоргүй хавдар аж. Гэхдээ одоо танд хавдраасаа салахад эмчид үзүүлэх шаардлага гарахааргүй боллоо. Тэгэхийн тулд та алимны цуунд дүрсэн хөвөнгөөр мэнгэтэй хэсгийг иллэг хийх маягаар  зөөлөн арчиж, шархны наалддаг туузаар даруулан наана. Энэ маягаар илүүдэл мэнгээ арилан арилтал өдөрт гурван удаа давтан хийгээрэй.      

​ЭМЭГТЭЙЧҮҮДИЙН ТУХАЙ 20 ШИЛДЭГ ИШЛЭЛ

ЭМЭГТЭЙЧҮҮДИЙН ТУХАЙ 20 ШИЛДЭГ ИШЛЭЛ     -Эмэгтэйчүүдийн тэгш эрхийн өдөрт- 1.“Гавъяа байгуулсан түүхэн баатрын тухай бичихдээ ёс юм шиг эмэгтэйчүүдийг мартаж орхидог”. Виржини Вульф, зохиолч. 2.“Эмэгтэй хүн байна гэдэг их амаргүй. Учир нь тэд үргэлж эрэгтэй хүнтэй харилцах хэрэгтэй болдог”. Жозеф Конрад, зохиолч. 3.“Ухаантай хүн бүрийн ард агуу эмэгтэй зогсож байдаг”. Жон Леннон, дуучин. 4.“Тө өөртөө ямар нэг юм хэлүүлэхийг хүсвэл эрэгтэй хүнийг дууд. Харин ямар нэг юм хийлгэхийг хүсвэл эмэгтэй хүнийг дууд”. Маргарет Тэтчер, улстөрч. 5.“Эмэгтэй хүн хүссэнээрээ амьдрах ёстой. Эс бөгөөс тэр амьдраагүй гэсэн үг”. Дэвид Лоренс, зохиолч. 6.“Хүсэл тэмүүллийг мэдэрч чаддаг эмэгтэйд будаг шунх хэрэггүй байдаг”. Ив Сен-Лорен, загвар зохион бүтээгч. 7.“Зарим эмэгтэй юу ч бишийн төлөө хүчтэй догдолдог. Дараа нь энэ юу ч бишийнхээ төлөө нөхөрт гарчихдаг”. Шер, дуучин. 8.“Эмэгтэй хүн эрэгтэй хүнийг өөрчлөх гэж арван жил оролдоод дараа нь “Нөхөрт гарахдаа байсан шигээ биш байжээ” гэж гомдоллодог”. Барбара Стрейзанд, дуучин. 9.“Эмэгтэй хүнийг хэн нэг нь хайрлахад л тэрээр бүрэн үнэ цэнээ олдог”. Александр Дюма, зохиолч. 10“Та эмэгтэй хүнийг ойлгох гэж оролдвол түүгээр бахархаж чадахгүй”. Фредди Меркури, дуучин. 11.“Зөвхөн хайрлаж чаддаг эмэгтэйчүүд уйтгартай. Үүний хажуугаар үзэн ядаж чаддаг эмэгтэйчүүд илүү сонирхолтой”. Оскар Уйальд, зохиолч. 12.“Эмэгтэй хүн амжилтад хүрэхийн тулд хатан хаан шиг сэтгэх хэрэгтэй. Хатан хаан алдаа гаргаж, бусдын амьдралыг золиослохоосоо айдаггүй”. Опра Уинфри, телевизийн хөтлөгч. 13.“Эмэгтэй хүн эрх чөлөөтэй, тусгаар болсноор таагдашгүй байдал гэсэн гол чанараа алддаг”. Грейс Келли, Монакогийн гүнж. 14.“Хэрвээ эрчүүд эмэгтэй хүнийг ялчихлаа гэж бодож байгаа бол зүгээр л      тэнэг. Тэр чамайг хоёр нүүдлийн өмнө яаж ялж байсныг сана”. Гари Олдман, жүжигчин. 15.“Эмэгтэйчүүд эрчүүдийн зан аашийг олж чаддаггүй бол хэзээ ч нөхөрт гарахгүйсэн”. Жорж Бернард Шоу, кохиолч. 16.“Эрчүүдтэй адил тэгш байхыг л эрмэлздэг эмэгтэйчүүд хүсэл тэмүүлэлгүй л гэсэн үг”. Мэрилин Монро, жүжигчин. 17.“Эмэгтэйчүүд адил тэгш эрхийн төлөө тэмцэхдээ бүх хүчээ зарцуулдаг. Гэвч дараа нь хувцасныхаа хэмжээг багасгахын төлөө л яваад байдаг”. Пинк, дуучин. 18.“Эмэгтэй хүний зориг зүрх сониуч зангаар нь илэрдэг. Эрэгтэй хүмүүс сониуч биш байдаг, учир нь үүнд эр зориг хэрэгтэй байдаг юм”. Виктор Гюго, зохиолч. 19.Эмэгтэй хүн төрдөггүй. Цаг хугацаа л  эмэгтэй хүнийг бий болгодог”. Симон де Бовуар, зохиолч. 20.“Эмэгтэйчүүд юу хүсч буйгаа хэлэхээс айдаг. Тиймээс л тэд хүсч буйгаа авч чаддаггүй”. Мадонна, дуучин.

​Ус ба сэтгэлзүй

Ус ба сэтгэлзүй    Ус сэтгэлзүй хоёр хоорондоо нягт холбоотой. Ус уух, усанд орох, усны чимээг сонсох усыг харах гэх мэт үйлдэлүүд бидэнд өөр өөр нөлөө үзүүлдэг бөгөөд, амьдралдаа зайлшгүй байн байн заавал мэдэрч байх ёстой хэрэгцээт үйлдэл гэдэгийг зарим хүмүүс мэддэггүй. Хүний сэтгэлзүй өөрөө байгалийн аливаа юмс үзэгдэл, оршин байгаа байдалтай шууд холбоотой байдаг. Энийг салгаж ойлгох арга байхгүй. Бид шууд байгалийн нөлөөнөөс шалтгаалж амьдардаг. Мөнгө бодож стресст ороод байгаа болхоор мөнгө л олох ёстой гэж боддог ч,стресст хэт автсан хүн мөнгө олох үйл хэрэгээ бас сайн гүйцэлдүүлж чаддаггүй. Учир нь стрессээс болоод, бид юманд төвлөрч чадахгүй, зөв бодож чадахгүй, тэвчээргүй зан гаргах гэх мэт байдалд ордог тул, ямар ч ажил бизнес хийсэн төвөг учирч эхэлдэг. Тэгэхээр мөнгөнөөс болж стрессд орсон байлаа ч гэсэн мөнгө амжилттай олохын төлөөх урьдчилсан нөхцөл нь, эрүүл сэтгэлзүй, эрчүүл мэдрэмжтэй байх асуудал мөн.  Жишээ нь усаар бид сэтгэлзүйгээ тордож, ус сэтгэлзүй хоёрын төрөлх холбоогоор өөрийгөө эмчилж болдог.  Их ус уух Ус дутагдсанаас бол бие мах бодь бүхэлээрээ маш их хямардаг. Бага ус уух, тамхи их татах, кофе цай их уух, давс хурц амтлагчтай хоол их идэх, стресст их орох гэх мэт шалтгаанаар, биендд ус дутагддаг. Ус дутагдах гэдэг үзэгдэлд хүүмүүс тоомжиргүй ханддаг боловч эндээс бүх төрөлийн өвчин үүсэж болно. Ходоодны өмнө үүү үүсэх нөхцөл л бас эндээс тавигдах боломжтой. Учир нь хурц амттай хоол, хэт их кофе гэх мэт хүнс ундаа хэрэглээд, ходоодоо цэвэрлэж ус уухгүй байх нь ходоодыг бохирдуулж, үрэвсэл үүсгэн, аяндаа энэ үрэвсэл нь архагшиж, хамгийн аюултай байдалд хүрэх дээрээ тулах юм бол хорт хавдар болжох боломжтой.  Үүнээс гадна ус дутагдах нь мэдрэлийн ажиллагаанд шууд нөлөөлдөг. Хараа сулрах, тархи удаан ажиллах, уур хүрэх, стрессийн мэдрэмж төрөх гээд мэдрэлийн үйл ажиллагааг тайвшруулдаг хамгийн чухал бодис нь дутагдсаны улмаас, хүний ухаан санаа, уураг тархи, мэдрэл тэр чигээрээ хурцаар хямардаг. Заримдаа хүмүүс өөрийгөө маш их стресстэй байна гэж боддог боловч, үнэндээ сэтгэлийн бодит зовлон байхгүй, зүгээр л ус дутагдсан байдалд байдаг. Хэдэн аяга ус тайван суугаад уусаны дараа ийм маягын стресс шууд тайлагддаг.  Мөн арьс үсний гоо сайхан нь ус дутагдсанаас бол маш их гэмтдэг. Усны дутагдал арьсанд шууд нөлөөлж, хөгшрөлт, хуурайшилт үүсгэнэ. Үс бол усны дутагдалаас бол, дарайж хуурайшин, хагтаж цайрах хүртэл шинж тэмдэг илэрдэг. Гадаад үзэмж муу байгаагаас болж хүний сэтгэлзүй, өөртөө итгэх итгэл шууд буурдаг. Тиймээс зөвхөн ус дутагдах гэдэг үзэгдэл маань маш олон аймшигтай үр дүнг ар араасаа дагуулдагыг уншигчид маань заавал чухалчлан анхаарах ёстой юм.  Ус их уух нь бидний мэдрэлийг шууд тайвшруулж, арьс үүсийг сэргээж өнгөлөг болгон гоо сайханд шууд нөлөөлж, ходоодыг цэвэрлэж хоолны дуршил сайжруулж, элдэв төрөлийн архаг өвчинөөс хүчтэйгээр хамгаалж байдаг. Тиймээс бид өдөрт хамгийн багаар бодход дунд зэрэгийн хэмжээний шилэн аягаар, арван удаа буцалгасан цэвэр бүлээн усыг ууж байх зайлшгүй шаардллагатай байдаг.  Усанд орох Усанд орох үед бид нэгэн төрөлийн чухал эмчилгээг өөртөө хийж байгаагаа мэдэхгүй тохиолдол байдаг. Ус гаднаас биеийг тэтгэх нь тайвшруулж, цэвэрлэж, ариун тансаг мэдрэмжийг төрүүлдэг. Сэтгэлзүйн талаасаа усанд орох нь өөрийгөө шинэчлэж, ариусгаж, тайвруулж,гоо үзэсгэлэнтэй болгож байгааг мэдрүүлдэг.  Усанд орохгүй байхын сөрөг үр дүн бол, бохирдолоос болж биенд эрүүл бус эвгүй мэдрэмж төрж, бусадтай харилцахдаа цэвэр бус байдалаасаа болоод өөртөө итгэлгүй байх, арьс бие мах бодь хуурайшиж хатуурах, үүнээс болж мэдрэл, оюун санаа тэр чигээрээ хямарч, тааламжгүй байдалтай болж ирэх гэх мэт үр дүнгүүд байдаг.  Усанд орох үед өөр нэг чухал байгалийн зөн совин хүнд төрж байдаг нь байгальтай шууд гүнзгий харилцаанд орж байгаагаа мэдэх тийм мэдрэмж юм. Голын ус, далайн усанд орох үед энэ мэдрэмж бүр ч илүү хүчтэй байдаг. Байгаль ээжтэйгээ шууд дотно харилцаанд орж, өөрийгөө нээж өгөх нь хүнд биеэ барихгүй чөлөөтэй байх мэдрэмж, хүрээлэн байгаа орчиноо сайн таньж мэдэх ухааныг бий болгодог. Үүнээсээ улбаалаад орчин цагын олон хүнд тохиолдох болсон хүрээлэн байгаа гадаад орчиноос айх мэдрэмжийг, биеээ байгалтайгаа дотно холбож байгаа энэ үйлдэл эмчилж өгдөг.  Тэгэхээрр сэлж чаддаг э сэх нь хамаагүй, заавал голын ус далайн усанд ойр ойрхон зайтай орж байх нь нэг төрөлийн бие сэтгэлийн ашигтай эмчилгээ байдаг.  Усны чимээ сонсох Усны чимээг анхааралтай тайван сонсох нь мөн л нэг төрөлийн эмчилгээ болдог. Усны чимээ хүний сэтгэлийг тайвшруулж, бодолын хэмнэлийг зөв тэнцвэржүүлж өгдөг.  Гэхдээ хэрхэн яаж зөв маягаар усны чимээг сонсох вэ гэдэг нь хүний зөн билэг, бас зөв аргатай холбоотой байдаг. Төрөлх зөнгөөрөө бол бид усны чимээг аяндаа л анхааран сонсож, тайвширах чадвартай байдаг ч, өнөө цагын хэт завгүй нийгэмд амьдардаг хүмүүс байнга яарч ажилдаг байдалаасаа болоод, аливаа зүйл дээр сайтар төвлөрөх талаас чадвар нь буурсан байх нь элбэг үзэгдэл. Тиймээс байгалын үзэгдэлтэй зөв харилцах төрөлх зөнгөө ч бас алдаж эхэлдэг тал бий. Үүнд зөв маягаар усны чимээг сонсох арга бас ордог.  Усны чимээг сонсохдоо хэт хүчлэхгүй, тайван, аль болох төрөлх зөнгөөрөө сонсох хэрэгтэй. Энэ чимээнд эмчилгээний увдис нуугдаж байдаг боловч, үүүнийг сайтар гүнзгий олйгохын төлөө удаа дараагын дасгал, практик ажиллагаа хэрэгтэй байдаг.  Гэх мэтээр бид усыг өөрийнхөө эрүүл мэндийн төлөө, маш өргөн хүрээнд хэрэглэж болох бөгөөд, үнэтэй гоо сайханы бүтээгдэхүүн, үнэтэй эмнэлэгийн эмчилгээ гэх мэт маш олон өндөр төлбөртэй зүйлсийн өгдөг үр дүнг бид зүгээр л байгаль дээр үнэгүй оршиж байгаа усаар нөхөж болох боломжтой байдаг.

​САВНЫ ХИЙ ГЭЖ ЮУ ВЭ?

САВНЫ ХИЙ ГЭЖ ЮУ ВЭ? Эмэгтэй хүн бүр мэдвэл зохих "Савны хий" гэж юу вэ? Миний үтрээнээс унгаж байгаа мэт хий гараад байна,миний гэдэс дүүрээд байдаг юм ,савны хийгээ гаргуулмаар байна ,савны хий гаргах бариа хийлгэсэн хэр нь үтрээнээс хий гарах нь зүгээр болохгүй байна ,дахин савны хийгээ дахин гаргуулмаар байна гэсэн хүсэлтэй эмэгтэйчүүд их ирдэг болсон тул эмэгтэй хүн бүр энэ тухай үнэн зөв дэлгэрэнгүй мэдээлэлтэй байгаасай гэж бодлоо. Савны хий гэдэг өвчин байдаг ч өнөөгийн ихэнх эмэгтэйчүүдийн ойлгож байгаа шиг гэдэс нь дүүрч цанхайдаг,савны бариа засал хийлгэж үтрээнээсээ хийгээ гаргуулчихаар эдгэдэг өвчин биш юм. Дорно дахины анагаах ухааны онолоор бол хүний биеийн үндсэн бүтэц болох хий шар бадгана 3 махбод тэнцвэрт харьцаанд байж хүн эрүүл байдаг.Хий махбод нь өвчин үүсгэх дараахи шалтгаануудын улмаас арвидан нэгэн төрлийн сав эрхтэн болох умайд шунаснаар савны хий өвчин үүснэ гэж үздэг.Үүнд: -Идээ ундааны .Хий арвижуулах үйлдэлтэй ямаа тэмээний мах ,цагаан будаа,газтай ундаа зэрэг хүйтэн сэрүүн чанартай идээ ундааг хэт их хэрэглэх -Цаг улирлын.Өвөл,хавар эрт ,намар орой нимгэн хөнгөн хувцаслах,бөөр бэлхүүсээрээ байнга даарч жиндэх,хайрагдах,чийг татдаг гутал өмсөх,хөлөөсөө даарах,хүйтэн ус туулах,хүйтэн нойтон газар сууж даарах -Явдал мөрийн .Унаж бэртэх,сав доргих,сэтгэл санаагаар унах,нойр хоол алдах,удаан өлсөх,буруу хоолны дэглэм сахих,төрсний дараа умай дээр хүйтэн жин хэт удаан тавих,төрсний дараа ядрах айж цочих,тамирдаж ядрах -Этгээд нөхцөлийн .Цус алдах,үр зулбах гэх мэт Савны хий өвчтэй үед биений юм тогтворгүй болох,биений юм ирэх үед нуруу ууцаар шархирч өвдөх,биений юм бага ирэх,үтрээнээс хөдлөх,босох суух үед унгаж байгаа мэт хий гарах,умай давсаг орчим хүйт оргиж дүүрч байгаа мэт өвдөх зэрэг шинж тэмдэг голдуу илэрнэ.Зарим хүнд зөвхөн савны хий төдийгүй зүрх голын хий хавсарсан үед зүрх дэлсэх,бачимдах ,голоор юм дээшээ өгсөх,амархан уурлах,уйлах мэт сэтгэл тогтворгүй болох шинж хавсарч илэрнэ.Мөн олгойн хий хавсарсан үед гэдэс дүүрэх өтгөн хатах шинж тэмдэг илэрнэ.Бөөрний хий хавсарч илрэх нь элбэг байдаг бөгөөд энэ үед үед амархан ядрах,амархан даарах,хөл хүйт оргих, нуруу хөших,шээс том том хөөстэй гарах,чих шуугих шинж бас илэрдэг.Савны хий өвчин хүндэрсэн үед төрсний дараа айж цочих,сэтгэл санаагаар гэнэт унаснаас болж ухаан солиорох хүртэл хүндрэл гардаг .Үүнийг ахмад үеийнхэн маань сав нь хөөрсөн гэж ярьцгаадаг байсан. Дээрхи шинж тэмдгүүдээс танд нэлээн хэдэн шинж илэрч байвал та савны хий өвчтэй болжээ гэж үзэн уламжлалт эмчилгээний эмчид хандан судсаа бариулан үзлэг хийлгэж оношоо бататган тогтоолгосны үндсэн дээр эмчилгээ хийлгэх шаардлагатай.Уламжлалт анагаах ухааны аргаар савны хийг арилгахын тулд эн тэргүүнд хийг дарах,хийг биеийн шар бадганы байдалтай уялдуулан тэгшитгэх эмчилгээг хийдэг.Үүний тулд хий дарах,илчийг сэлбэх идээ ундаа хэрэглүүлэн савны хий үүсгэж байгаа шалтгаан нөхцлийг арилгахыг урьдал болгон үүнийхээ зэрэгцээ тухайн эмчлүүлэгчийн биеийн болон өвчний нь онцлогт тохирсон хий дарах ,бөөр савны илч үүсгэх үйлчилгээтэй уламжлалт эм тан, бүх биеийн халуун болон ердийн тосон бариа,зүү эмчилгээ,төөнүүр эмчилгээ,бумба,тосон болон бүлээн жин засал болон сэтгэл заслын эмчилгээнүүдийг хавсруулан хэрэглэдэг. Тиймээс эмэгтэйчүүд маань савны хийтэй болчихлоо,савны хий гаргах бариа хийлгэж эдгэрнэ гэж ойлгодог нь нэг талын өрөөсгөл ойлголт юм байна шүү гэдгийг сайн ойлговол зохилтой.Мөн савны хий өвчнөөс салахын тулд эмчилгээнээс гадна өөрийн тань хоол ,хувцаслалт,ажил амьдралын дэглэм чухал гэдгийг сайн ойлгох хэрэгтэй юм. Уламжлалт анагаахын их эмч, АУ магистр Н.Алтанхундага

​Цагаан сараар цээрлэх зүйл

Цагаан сараар цээрлэх зүйл Yйл үртэс хийх, ялангуяа хуучин юм оёж шидэхийг цээрлэнэ. Усанд явбал нацаг нарт нь цөв болно хэмээн, Эд мал зээлээр єгвєл гарзын vvд нээгдэнэ хэмээн, Шинийн нэгэнд айлд хоновол тэр жилдээ гэртээ тогтохгүйн ёр хэмээн, Сар шинээр уйлах, хэрэлдэх, ширүүн үг хэлбэл тэр жилдээ хэл ам, зовлон тасрахгvй болно хэмээн, Шинийн нэгэнд үнс хогоо гаргах, зочны өөдөөс бие засахаар явах тэргүүтэн зохисгүй байдлыг тус тус цээрлэдэг. Өдөр хэвтэх, унтахыг цээрлэдэг. Өвчтэй хvн боловч ёс бэлгийг бодож орноос босон сууж, бүсээ бүсэлж золгоно. Шинийн долоонд айл хэсэх, гадагш зочлохыг нийтээр цээрлэдэг. Харин зарим нутагт долоон бурхан одондоо сацал өргөж тахидаг байна. Шинийн гуравнаас хойш сар хуучирлаа хэмээж тахил, тавгийн идээ, шүүсээ хурааж, хэсэл зогсоно. Гэвч отор нүүдлээр явсан буюу гадагш ажил төрлөөр одсон хүмүүс цагаан сарын дараа уулзахад золгож амар мэндээ мэдэлцдэг заншилтай.  Архи ууж, агсам согтуу тавьж хөлчүүрхэх, шинэ сарын шүүс, идээ будаанд эзний зөвшөөрөлгүй хүрч самардах, базах зэрэг наад захын ёс жаяг дулбааг зөрчихийг цээрлэнэ. Ч.Арьяасvрэн  

Хуудаснууд

Subscribe to Зан үйл