Зайран Б.Хурцжавхлангийн хамт олон галын тахилга хийх талаар арвин их туршлагыг хуримтлуулсан баг билээ. Наадмыг үзэж суухдаа түүнтэй хамтран хийж байсан Нэгдсэн тахилгуудад галын тахилга хийж байсан мөчүүдээ эргэн дурсаж билээ.
Хамгийн анх Эзэн Чингис хааныг хаан цолонд өргөмжилсөний 850 жилийн ойд зориулсан Нэгдсэн их тахилгад Галын тахилгыг Б.Хурцжавхлан удирдан хийсэн байдаг. Олон зуун шавь нар үерийн ус шиг жагсан орж ирж байсныг эргэн дурсах сайхан байдаг. Тэрээр тэнгэр үзэл, бөө мөргөлийг нийгэмд сурталчлан дэлшгэрүүлэхэд маш том хувь нэмэр оруулсан байдаг. Монгол бөөгийн нэгэн үеийг түүнгүйгээр төсөөлөхийн арга үгүй билээ. Олон мянган бөө, улаач нар, түүнийг дэмжигч шүтлэгтэн нар монголын бөөгийн олон талт мөн чанарыг ойлгосон байдаг.
Монголын бөө нарын гурван голын ай бэлчэрт хамаатуулан хийсэн Гандан уулын Нэгдсэн их тахилгын Галын тахилгыг зайран Б.Хурцжавхлан хариуцан хийсэн байдаг. Тэр тахилгад их ач холбогдол өгч, сайн ч зохион байгуулсан. Гандан уулын баруун урд талд их талбайд лагерлан буусан тэдний гал сүр жавхлантай харагдаж байсан.
Монголын төрийн Хар сүлдний их тахилгад Б.Хурцжавхлан шавь нараа дагуулан ирж, хүч нэмж байсан үеийг мартахын аргагүй. Тахилгад оролцож байсан бүрэлдэхүүнтэй эн тэнцэхүйц улаач, дэмжигчид хүрэлцэн ирж оролцож байсан.
Харин энэ удаа Чингисийн өргөөнд Монгол туургатны галын их тахилгыг бие даан зохион байгуулж байгаа билээ.
Зайран Б.Хурцжавхлан түүний шавь нар, дэмжигчид олон мянган хүн хуран цугларсан байлаа. Наадам эхлэнгүүт түр зуур бороо шиврэн орсон нь их баярын цэнгүүнд тэнгэр хүртэл баярлан хөөрсөн мэт санагдаж билээ.
Зайран Б.Хурцжавхлан түүний шавь нар хагас цэргийн зохион байгуулалтай, эмх цэгцтэй байдгаараа онцлог.
Галын тахилгыг олон бөөгийн байгууллага, галын удирдагч, манлайлагч нарыг урьж асаалгасан нь бөө нарын эв нэгдлийн мөн чанарыг цаанаа агуулсан үйл явдал байсан.
Монголын олон үндэстэн, ястны хувцасаар гангарсан монголчуудыгаа харахад маш өвөрмөц сонихон байж билээ.
Монгол туургатны галын их тахилгыг Зайран Б.Хурцжавхлан толгойлон бөөлж эхэлж байсан.
Одод тэнгэрт түгсэн цэлмэг сайхан үдэш монгол бөөгийн наадмын оргил үе дэлбээлэн огшоож, хэргэрэгийн дуу, монголчуудын ухайн дуу тэнгэртээ хүрч баясгаж байсан.
Тэр үед бид өөр хоорондоо зөрчилтэй, нэг нэгнээ хүлээн зөвшөөрч, үйл ажиллагааг дэмжиж сураагүй цаг байв. Бөө нөрын хоорондын үйл ажиллагааг уялдуулан зохицуулахад МБНЭ нь чамгүй их хүч зарцуулсан. Бөөгийн байгуулагууд нэгдэж ажиллах хүртэл бас цаг хугацаа хэрэгтэй байгаа.
Бөөгийн байгууллага бүрийн зохион байгуулж байгаа арга хэмжээ бүхэн, бөөгийн байгууллагын нийгэмд үйлчлэх чиг хандлагад их өөрчлөлтийг авчирч, нэгдэж ажиллахын мөн чанарыг сануулах болно.
Олон зуун жил тасарсан их тахилга хэнгэрэгээ дэлдэж, онгод, түмэн олон, шүтэн бишрэгч нараа баярлуулан цэнгүүлж, сэтгэлийн их огшоолт, бөөгийнхөө төлөө тэмцэж, зүтгэхийн их урам зоригийг хайрлаж билээ.
Монгол Улсын их эзэн Чингис хааны ариун сүнс тэнгэрээс харан баясаж, монголчууд бидэнд сэргэн мандахын их хүчийг хайрлаж байна.
Мөнх хөх тэнгэр, эзэн Чингис хааны ариун сүнс Монголчуудаа эвээх болтугай.
ХУРАЙ, ХУРАЙ, ХУРАЙ