Би гурван настай нутгаасаа гарсан юм. Нэг л хөөрцөг болсон бид ачааны машины тэвшин гэрээ ачаад дээр нь бид хэд, зургуулаа суугаад хот зоривоо. Хожим хотод ирээд хоёр дүү төрсөн, бид эхээс наймуулаа өсчээ. Төмөрбаатар гэдэг хөгшнийд бүх малаа орхисон. Улаанбаатар хот руу нүүж явах замд байвгайтай тааралдаж, түүний араас хэдэн морьтой хүмүүс хөөж явсан нь санаанд үлджээ. Тэр үед ан тийм элбэг байсан болов уу.
Төрийн ордонд ажиллаж байхдаа нэгэн шувууг байнга ажигладаг байлаа. Тэгээд нэг өдөр зургийг нь зориуд авсан юм. Далай, Хайсандай докторын зураг хальсанд бууж үлджээ. Одоо би их харамсадаг юм. Олон зүйлийг асууж лавлах байсан, хожимдсон гэмшил. Тэгэхэд Далай доктор Үндэсний аюулгүй байдлын Зөвлөлийн шинжээч байсан юм.
А.Готов гэдэг хүний МБНЭ-д хандсан хэд хэдэн санаа, Цэрэн бөө, зайран Чинбат гэгчийн МБНЭ-ийг тараахыг шаардсан удаа дараагийн шаардлагад хариу бичихэд хүргэлээ.
Монголын бөөгийн байгууллагын үүсэл хөгжлийн талаар би цөөнгүй өгүүлэл бичсэн. Монголын бөөгийн байгууллагын түүхэнд анхны бөөгийн байгууллага болох “Голомт” бөөгийн төв, удирдагч Ш.Сүхбат, Монгол бөөгийн дархан удган Д.Энхжаргалын гүйцэтгэсэн түүхэн үүрэг онцгой их бөгөөд 20 гаруй жилийн түүхтэй. Бид тэдний тавьсан суурин дээр МБНЭ нь үйл ажиллагаагаа үргэлжлүүлж байгаа юм.
Харин зайран Чинбат, Олдох нар10-15 орчим бөө оролцсон уулзалт нэг бус удаа зохион байгуулж, түүнд нь би болон Галаарид оролцоод явж байсан. Гэвч үйл ажиллагаа нь амилаагүй билээ. Харин зайран Чинбат нь МБНЭ-ийн хуралдаанд 2-3 удаа ирж оролцож байсан боловч дараа нь хэд хэдэн сонинд “Голомт”, МБНЭ-ийг байгуулаад Ш.Сүхбат, Д.Жаргалсайхан нарт булаалгасан мэт ярилцлага өгөөд сураг алдарсан. Амархан уйдамхай, хамтарч ажилах зорилгогүй хүн юм гэсэн дүгнэлтэд хүрсэн.
Монгол бөөгийн байгууллагыг хөгжүүлэх стратеги, зорилтууд
Монгол үндэсний уламжлалт Бөөгийн шүтлэг жинхэнэ утгаараа хөгжин цэцэглэх учиртай. Эс тэгвээс өнө удаан жил явж ирсэн цөөнхийн шүтээн хэвээр үлдэж, улмаар бусад хүчтэй, мөнгөтэй шашинд орон зайгаа эзлүүлсэн өгсөн өнгөрсөн түүх үргэжилнэ. Бид үүнийг хүсэхгүй.
Монгол Улсын Ерөнхийлөгч Н.Багабанди Таван толгойд очиж, анги салбаруудын үйл ажиллагаатай танилцсан юм. Ерөнхийлөгч маань дэгжин харагдана. Ингэж хувцасласныг ховор хардаг болохоор тэр. Цэргийн төв эмнэлэг болон техникийн ангиуд хээрийн нөхцөлд дэлгэмэл байдлаар техник, хэрэгсэлээ задлаж байрлуулсан байсан. Манай ахмад үеийн төлөөлөл энэ бүхэнтэй танилцсан билээ.
Дараа нь батальоны хэмжээнд байлдааны буудлагатай хээрийн сургууль хийгдсэн. Таван толгойн уужим талд их буу пулемётын буудах чимээ, танк, БМП-ийн гинжний дуу тачигнаж, их буу, гранатын дэлбэрэлт хөндийг нүргээнтэж, дэлбэрэлтийн шороон багана босно.
Улаанбаатараас Хөх хот нислээ. Бид гурав хятадын эдийн засгийн чөлөөт бүсийн үйл ажиллагаатай танилцах зорилготой байсан. Хөх хотын зүүн хэсэгт төлөвлөсөн эдийн засгийн чөлөөт бүс байгуулах төлөвлөлтэй танилцсан юм. Дараа нь “Чингис хааны онгон” хэмээх Ордосын зүг явлаа. Анх удаа очиход хуучин Ордос хотоос нарийхан автозамаар элсэрхэг хөрс бүхий газраар явж очиж билээ. Замд нэг буддагийн суварга өөр зүйл тааралдсангүй. Тэгээд “Чингис хааны онгон” хэмээх газар ирэв. Тэгэхэд тэнд хүндэт зочинд зориулсан ганц буудал байсан. Тэнд биднийг байрлуулсан юм. Онгоныг тойроод олон жижиг гэр буудал, хоолны газар байж билээ. Одоо бол тэнд энэ бүхнээс юу ч үлдээгүй, шинэ орчин үеийн хот, Чингис хааны цогцолбор бүтээн босгогдсон байгаа. Хөх хотод бид хэд хэдэн газраар түүх соёлын зүйлтэй танилцсан.
ФОТО
ВИДЕО
