2012 онд болсон үйл явдал

Өөрийгөө бөө хэмээн нэрлэдэг Т нь Сансарын хорооллын хойно байрлах Дэрь-Эхийн гэр хороололд амьдарна. Бөө болсон эхний хэдэн жилдээ хүний төлөг үзэхдээ муугүй байв. Нэг хэсэгтээ иргэд түүнийг шүтэж гэр орноор нь ирж очих шүтлэгтэний тоо олон байлаа.
Шүтлэгтэний тоо нэмэгдэх тутам зайран Т нь өргөл барьцынхаа хэмжээг ихэсгэх болов. Өргөл барьцын хэмжээ ихсэх тусам хөрөнгө чинээ нэмэгдэж яван явсаар шуналын “тулам” болов.
Олон хавар нэгэнтээ гэдэг шиг үйл явдал өрнөв. Зайран Т дээр шүтлэгтэн П, эхнэр Э-ийн хамт ирж мэргэ төлөг тавиулжээ. Тавьсан мэргэ төлөг таарч ихэд таалагдсан тул засал хийхээр болжээ.

Болзсон өдөр тохиож шүтлэгтэн П гэр бүлийн хамтаар бөөлүүлж бөөгийн зан үйл хийлгэжээ. Бөөгийн онгод нь хийсэн зан үйл нь томоохон үйлд тооцогдох тул барьц их өндөр гарсан гэж айлдав.
Тэгээд шүтлэгтэн П-ийн унаж явсан эксель машин, авгайгынх нь зүүж явсан ээмэг гинж бөгж зэргийг бөөлөлтийн барьцаа болгон авсан байна. Түүнээс хойш багагүй хугацаа өнгөрсөн боловч шүтлэгтэн П-ын амьдрал ахуйд ямар ч өөрчлөлт гарсангүй. Тиймээс зайран Т-д өгсөн барьцаагаа буцааж авахыг шаардах болжээ. Улмаар зайран Т иргэн П нарын хоорнд маргаан улам тэсэрч цагдаагийн байгууллагаар шийдьэрлэх түвшинд очсон байна.
Цагдаагийн байгууллага залилангийн хэргээр эрүүгийн хэрэг үүсгэн зайран П-ээс байцаалт авах болов. Энэ хэрэг ийнхүү олон хоног сунжирав.
Нэгэн өглөө Зайран гэх П сэрсэнгүй мөнхөд нойрссон байв. Шалтгаан нь тун шалихгүй, шүлсэндээ хахаж өнгөрчээ. Тэнгэрийн нэрийг барьж бөөгийн нэрийг доромжлогч нарт тэнгэр хатуу шийтгэл ийнхүү ноогдуулжээ.

Twitter