2014 оны 9-р сарын 22, Даваа гариг, 08:20 

Шидтэй бүхний
Шидийг олох
Шилмэл төрсөн улаач бүрд
Шингээн хэлэх үг оршвой
Арвин их идээг
Амтархан идхийг хүсэгчид
Амьдрал зовлон хоёрыг
Ад шоо үзэгчид

Асралт Тэнгэрийн айлдварыг
Амны зугаа болгож
Ачлал гуйж ирэхсэдийг
Айлгаж хий сүржигнэх
Азгүй улаач нар олширсныг
Амын асуухаа бид мэдсүү
Өрөөл бусдад өглөг үгүй
Өлөн ходоодоо тэжээгсэд
Өр үгүй мэт болжээ
Өрлөг Хар Тэнгэрийг өөрийн мэтээр санах
Хуучин цадиг түүхийг
Хуурмаг мэтээр ойлгуулж
Хулижин суугаа бөө улаач нар доор
Дээл хуягаа танихгүй
Дэмий үйл хийхсэд
Дэргэдэх хүнээ танихгүй
Дээд язгуур харуулагчид
Доод ертөнцийн хэлийг мэдэхгүй
Дороо өнгөөр дугарагсад
Хар савдагыг хаана гэж хашгирч орилож буугсад
Хий хоосон Тэнгэр дуудаж
Хэнэггүй зан гаргагсад
Хэвлий дотроо хэнтэг үгүй
Хэцүү улаач нар олширсоныг
Хэц хэнгэргийг хураасуу
Хүний зовлонгоор хөлжигчид
Хүйтэн хараал хийгсэд
Хүүр болхоо мэдхүү гэдгийг
Хүзүү амнаас нь хөшин асууна
Дан дангаараа данхалзаж
Данх цайг сорогчид
Дээд Тэнгэрийн Онгод гэж
Дэмий балайг айлдагсад
Дорд тийрэнгээр
Дохуурхан доромжилж
Дорой засал хийгсэд
Толгой хөлөө мэдэхгүй
Тойггүй мэтээр аашлагсад
Өвчүү хавирга салдаг гэдгийг
Өр зүрх зогсдог гэдгийг
Өндөр Тэнгэр байдаг гэдгийг
Өчин байж хэлъе
Сансар хорвоогоосоо салж үзээгүй
Санчигиндаа буурал нэмээгүй байж
Сахалт өвөгдийн дүрд бүү хувир
Салтааныхан салиа арилаагүй байж
Сарын газрыг туулаагүй байж
Шал дэмий бүү чалч
Хаан дээд язгуур чинь
Харшилдан явсаныг бүү умарт
Өршөөл журмыг сахихгүй бол
Өнчин толгой
Өнхрөн ойчдгийг
Өнөө цагийн улаачид айлтагмой
Тулгандаан галтай явах тун

Twitter