ФОТО
ВИДЕОДэлхийн Шашны Өдөрийг анх 1950 онд Америкийн Бахайн нийгэмлэгийн санаачлагаар АНУ-д тэмдэглэж эхэлжээ. Түүнээс хойш улам өргөжсөөр өдгөө дэлхийн 100 гаруй оронд уламжлал болгон жил бүрийн Нэгдүгээр сард тэмдэглэж байна.
"Дэлхийн Шашны Өдөрийг тэмдэглэхийн эрхэм зорилго нь бүх шашин мөн чанараараа нийтлэг нэг, Тодруулагчид нь нэг л оюун санааны сургаалыг хүн төрөлхтөнд авчирсан тул шашин шүтлэг хоорондын ойлголцол болон эв эеийг бий болгох, цаашлаад хүн ард, улс үндэстнүүдийн дунд эв нэгдэл, энх тайвныг бэхжүүлэх үйлсэд хувь нэмэр оруулахад оршдог.
Монгол улсад энэхүү арга хэмжээг 1999 оноос эхлэн Монголын Бахайчуудын Үндэсний Оюун Санааны Чуулгаас санаачлан, тодорхой сэдвийг сонгон авч, бүх шашны төлөөллүүдийг урин Бурханы үе үеийн Тодруулагчдын сургаалд тухайн сэдвээр юу гэж айлдсан байдгийг хуваалцаж, хамтдаа бясалган, эдгээр сургаалыг өнөө үед бид амьдралдаа хэрхэн хэрэгжүүлж болох талаар шашнуудын төлөөллүүд, оюун санаа, боловсрол гэгээрлийн талаар сонирхож судалдаг байгууллага, төр засгийн холбогдох байгууллагууд, хувь хүмүүс, эрдэмтэн мэргэдийн төлөөлөлтэй санал бодлоо солилцож тэмдэглэн өнгөрүүлдэг.
2023 оны арга хэмжээнд Монгол бөөгийн их зайран Д.Одонхүү, Монгол бөөгийн их удган Б.Бадамсүрэн, Монгол бөөгийн удган Б.Нямтөр, шүтлэгтэн Бадам нар оролцсон байна.
Харамсалтай нь үндэсний язгуур шүтлэг Монгол бөөгийн төлөөллийг мөргөл унших болон илтгэл тавихад оролцуулдаггүй юм. Үл тоох байдал өөрчлөгдөхгүй бол бид цаашид оролцохгүй.
