ФОТО
ВИДЕООрчин цагийн улс төрийн ажилтны өдөрлөгийг тэмдэглэж байна. Түүнийг өнгөрсөн нийгмийн суртлыг түгээгчид үздэг.
Одоо миний бичиж байгаа таамаг төдий зүйл. Төсөөлөн бодож үзэв. Хоорондоо төстэй тайлбарлах олон зүйл байдаг. Хүний үүсэлтэй хамт дэлхийн сонин хачин зүйл, байгаль, далдын хүчийг тайлбарлах хэрэг гарсан болов уу. Хүний хөгжлийн явцад тэнгэр, бурхан, сахиусын мөн чанарыг тайлбарлан түгээгч бөө, дараа нь, лам хуврага гээд номлогч бий болсон.
Төр бий болмогц төрийн болон, хаадын бодлогыг суртлагчид бий болсон. Бөө бол онгодын хүчээр олон түмэнд үнэлэгдэж, эрх мэдэл нь өргөжихийн зэрэгцээ монгол хаад, төрийн бодлогыг суртлагчид байсан. Отог омог, 100,1000, 10 000 -ийн дунд онгодын чадал хэмжээгээр улаач нар байсан. Тэд ард олны дунд суртлыг хариуцаж байсан. Энэ бол тэр үед шашины удирдагчдын хүлээж байсан үүрэгтэй адил шахуу зүйл юм. Тэнгэр шүтлэгт бөө мөргөл бол дэлхийн нийтээр тархсан бөөгөөс илүү өндөр төвшинд хөгжсөн төрийн зан үйл байсан. Ийм чухал үүрэгтэй байсан тул харийн шашин монголыг эзлэхдээ үндэсний шүтлэгийг устгах зорилт тавьж хэрэгжүүлсэн.
Нэн шинэ үеийн түүхийг бичигчдээс өөр санаа бол энэ. Монголчуудыг хурцалж, дайчин байсан үндэс нь үндэсний шүтлэгтэй шууд холбоотой. Уул, усныхаа, байгалийн хүчээр биеэ цэнэглэсэн монгол хүн дийлдэшгүй болдог. Улаач нар бол монгол төрийн суртлыг түгээгчид байсан гэж үзэж байна. Үүнийг шинжлэх ухааны талаас нотлох үлдэж байна.
