Монголын төрөөс улс орон даяар ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ЗЭРЭГТ ШИЛЖҮҮЛЭХ ШИЙДВЭР зарласан байхад бид хувийн сэтгэлгээндээ хөтлөгдөн “Галын наадам” хийнэ гэж зүтгэх нь өөрсдөө шийдэх, ухааны асуудал болон үлдэж байна.
Бид шийдвэрээ тулгаагүй, биеэр манлайлан зүтгэж, ажиллахыг зөвлөж, уриалсан төдий. Нэг улаач 10, 100 айлд, улмаар өөрсдийн отог, омог, орон нутагтаа бага ч гэсэн тус дэм үзүүлбэл бөөгийн нэр хүнд өснө.

“Өндөр чадвартай нэр хүндтэй бөө бол улс орон ард түмнийхээ бахархал мөн.“ гэж Монгол бөөгийн ёс зүйд айлдсан байдаг.

Хэцүү цаг үе, өвөл, их цас үргэлжлээд байхгүй, сайн цаг хавар ирнэ. Төр шийдвэрээ цуцлах цаг ирнэ. Тахилга хийх хугацаа зөндөө л олдоно.
Төрийн сүлд өршөө гэж монголчууд бид залбирдаг билээ.
Мөнх хөх тэнгэр, Эзэн Чингис хааны ариун сүнс биднийг ивээх болтугай.
МБНЭ-ИЙН ЕРӨНХИЙЛӨГЧ Д.ЖАРГАЛСАЙХАН

Twitter