Урлагийн тогооноос дахин нэг бөө мэндэлжээ. Хошин урлагийн жүжигчин Алтанцэцэг буюу Ааяагаас эхэлж, залуу жүжигчин Ц.Ганзориг, жүжигчин Т.Эрдэнэтогтох нараар бүл нэмсэн урлагийн бөө, удгадын жагсаалт цааш үргэлжлэх нь. “Харанга” хамтлагийн гитарчин УГЖ Энхманлай бөө болж, онгодоо хүлээж авчээ. “Харанга” хамтлагийн дуучин Х.Лхагвасүрэнг оруулж тоолвол рок попын амьд домог болсон энэ хамтлагаас хоёр дахь бөө төрж байгаа нь энэ. Дуучин Х.Лхагвасүрэн бөөгийн онгодоо хүлээж авахаас татгалзаж, цаашид уран бүтээлээ хийхийг илүүд үзсэн нь түүний амьдралд тохиолдож байгаа гай барцадын эхлэлийг тавьсан гэж урлагийнхан шивэр авир хийдэг нь оргүй ч үг биш.

Бусдыгаа бодвол өвөрмөц имидж, төрхтэй, танхай бардам зантай дуучин Лхагвасүрэн бөөгийн онгодоо хүлээж авахаас татгалзсаны дараа хар тамхи дамлан борлуулсан, хадгалсан хэргээр БЗД-ийн шүүхээс ялын тогтоол уншуулж, долоон жилийн ял сонссон. Өршөөлийн хуульд хамрагдаж, наранд дөнгөж гаруутаа Орхон-Уул аймагт авто аваарын хэрэг хийж, хүний амины хэрэгт холбогдсон. Хэрэв онгодоо хүлээж аваад ном журмын нь дагуу хандсан бол санаанд багтамгүй азгүйтлүүд дуучин Лхагвасүрэнг тойрох байсан гэж шашны ном үзэж, ногоотой шөлийг нь уусан мэргэд ам булаалдан ярьдаг. Ямартаа ч дуучин Х.Лхагвасүрэнгийн орыг Энхманлай гавъяат залгаж бөөгийн онгодоо хүлээж авчээ. Төмөр замаас ажил амьдрал , урлагийн гараагаа эхлэсэн гавъяат уран бүтээлээ хойш тавьж, бөөгийн шашны зан үйлийг судлаад багагүй хугацаа өнгөрч байна. Түүнийг урлагынхан гартаа мэдрэмжтэй, заавал хуяг дуулга өмсөж бөөлөөд байхгүйгээр юм сайн мэддэг хэмээн шүтэж нэг бус хүн шавь орсон гэнэ. Тэр ч бүү хэл Энхманлай гавьяат хүний өвчнийг шууд мэдэрдэг, хамт явж байхдаа хүртэл чиний вийм эд эрхтэн өвдөж сэтгэлийг чинь тийм зүйл шаналгаж байна хэмээн хэлж өгдөг гэнэ.
Эх сурвалж: Шударга.мн

Twitter