ФОТО
ВИДЕО
Амралтын өдөр байсан монгол бөөгийнхөө төлөө санаа зовж яваа олон хүн ярилцлагад оролцлоо. Зайран Готов санаа нийлэх, эс нийлэх олон асуудал байгаа боловч тэр бүхнээ хойш нь тавиад хуулийн хэлэлцүүлэгт идэвхтэй оролцож бөөгийн хувь заяандаа анхаарал тавих цаг болсоныг онцолж байв. Энэ үүднээс хуулийн төсөл хэлэцэхэд өөрсдийн зүгээс идэвхтэй оролцох цаг иржээ гэдгийг анхааруулж байлаа. Тэд багаараа хуулийн төсөл дээр ажиллаад хэлэлцүүлгээ ойрын өдрүүдэд ирүүлэхээр болсон.
МБНЭ-ийн Ерөнхийлөгч Д.Жаргалсайхан: Монгол бөөгийн байгууллагуудын хувь заяа хуулиас ихээхэн хамааралтай болж байгаа билээ. Ийм цаг үед бүх үйл ажиллагаа хууль хэрхэн батлагдахаас хамааран зогсонги байдалд ороод байгаа юм. Байдлыг хэлээд байхад зарим нэг нь ажиллагаагаа улам идэвжүүлэхийг шаардаж байх юм. Хийж байгаа ажил болгон нөгөө талдаа санхүүжилт, мөнгө хөрөнгийн асуудал дагалдаж явдагийг мартах ёсгүй, тиймээс хийх ажлууд бүгд хууль хэрхэн гарахыг хүлээж байна гэв.
Монгол бөөгийн их зайран Одонхүү “Шашин шүтэх, эс шүтэх эрх чөлөөний тухай” хуулийн төслийн онцлог асуудлыг товч тодорхой ярьсан юм. Мөн хэлэлцүүлгийн үеэр яригдсан асуудлыг тайлбарлан таниулсан билээ.
Бөөгийн амьдрал ярилцах зүйл их байгаа юм. Хуулийн төсөл ярихаас илүүтэй тулгарч байгаа бэрхшээл зорилтуудын талаар ярих нь их байлаа. Энэ сэдвээр ярилцвал өргөн хамралттай, цаг их орох болно. Тиймээс гол сэдэв хуулийн төсөлд төвлөрч ярихыг анхааруулахад хүрсэн.
Хуулийн төсөл яригдаж буй үед цаг тулгамдсан асуудал ярихын оронд Бэгзжав өөрийнхөө байгууллага, хийж байгаа овооныхоо тухай сунжруухан ярьж явах юм. Тэгээд хэдэн зураг дарж аваад гарч одов. Зун говийн нэгдсэн тахилгад ирж, хэдэн бичлэг хийж, зураг дарж аваад ухуулах хуудас тараагаад тахилгад оролцолгүй яваад өгч билээ. Ийм байдлаар бусдын хийж байгаа ажилд оролцох шаардлагагүй. Усыг нь уувал ёсыг нь дагана гэдэг үг байдаг.
Цаашид хуулийн төслийг уншиж танилцаад тодорхой саналтай ирж байх нь цаг хугацаа хэмнэсэн, хэлэлцэх асуудал ч шуурхай болоход тустай юм.
Д.Жаргалсайхан
