Монголын Бөөгийн нэгдсэн холбоо

Category: Далд ертөнц

  • Зөн совингоо дага

    Айдас болон бардам зан бидний оюун ухаанаас гарч байхад зөн совин бидний дотоод гүнээс, зүрх сэтгэлээс гарч байдаг .
    Тиймээс зөн совиндоо итгэж, түүнийгээ дагах нь зөв гэж бодож байна.
    Амжилттай яваа бүх хүмүүс зөн совиндоо итгэдэг. Тэдгээр хүмүүс зөн совингийн тухай юу гэж хэлж буйг сонирхоё.
    “Зөн совиндоо итгэх хэрэгтэй гэдгийг би олон жилийн туршлагаасаа сурсан.” ~ Brian Tracy
    “Яах вэ гэдгийг оюун ухаан бодож амжаагүй байхад зөн совин урьдчилан хэлж өгдөг.” ~ Michael Burke
    “Зөн совингоо сонс. Зөн совин таны мэдэх ёстой бүхнийг хэлж өгнө.” ~ Anthony J D’Angelo
    “Өглөө болгон миний зөн совин надад юу хэлэх бол гэдэгт
    би сэтгэл догдлон сэрдэг. Би зөн совинтойгоо үргэлж ажилладаг мөн
    түүндээ итгэдэг. Миний портнёр л гэсэн үг.” ~ Jonas Salk
    “Дотоод дуу хоолойндоо итгэ.” ~ Lynn A. Robinson
    Би өнөөдрийнхөө бичлэг дээр нэгэн чухал асуултанд бас хариу өгөхийг хүслээ.
    Ямар нэгэн зүйлийг хийх гэхээр таныг ямар нэгэн юм зогсоогоод байдаг
    уу? Энэ нь таны айдас таныг зогсоогоод байна уу эсвэл зөн совин
    зогсоогоод байна уу? Хэрвээ та эргэлзэж байгаа бол санаа зовох хэрэггүй.
    Энэ тухай  жижигхэн зөвлөмжийг орууллаа.
    Айдас уу, зөн совин уу гэдгийг мэдэх нь маш чухал. Айдсын тухай бид
    мэднэ. Өөрийгөө хөгжүүлж байх тохиолдолд айдас үргэлж биднийг дагадаг.
    Харин зөн совин бол өөр хэрэг. Зөн совин бол биднийг аюул ослоос үргэлж хамгаалж, болохгүй гэдэг дохиог өгдөг.
    Тэгэхээр ямар нэгэн зүйлийг хийхээсээ өмнө өөрийгөө хянаад
    Таны зүрх сэтгэл бие махбодь тэлж, тэнийж байна уу эсвэл агшин хумигдаж байна уу гэдэг дээр анхаарлаа төвлөрүүлээд үзээрэй.
    Хийх гэж байгаа зүйлээ хийх гэхээр хэдий айдас төрж байгаа ч гэсэн та
    цаанаа л нэг сайхан, сэтгэл догдолсон, зовхи өөд, мөр хойшоо, цээж
    урагшаа болж байна уу? Тэгвэл та тэлж байна гэсэн үг. Түүнийгээ айдастай
    ч гэсэн барьж авч ХИЙ!
    Харин таны зүрх сэтгэл, бие махбодь цаанаа л нэг эвгүй оргиод,
    харанхуйлагдаад, өөрйн эрхгүй толгой гудайж, мөр унжиж, зовхи доош болж
    байвал та хумигдаж байна гэсэн үг. Энэ тохиолдолд БОЛГООМЖИЛ!
    Яагаад гэвэл би урьд нь ч дурдаж байсан, одоо ч бас дахин хэлэхэд
    илүүдэхгүй байх бидний зүрх сэтгэл, бие махбодь хэзээ ч худлаа
    ярьдаггүй!
    Зөн совиндоо итгэж, зүрх сэтгэлээ дагасан хүн ямар ч тохиолдолд
    цаанаа л нэг ӨНГӨТЭЙ, ГЯЛАЛЗДАГ! гэдэгтэй санал нэг байгаа байхаа.
    Хэрвээ та өөрийнхөө бие махбодь, зүрх сэтгэл, оюун ухаанаа хэрхэн сонсож сурах вэ гэдэг бичлэгийг үзэхийг хүсвэл энд дарна уу!
    Хэрвээ танд энэхүү видео таалагдсан бол цааш нь түгээж, доор сэтгэгдлээ хуваалцаарай.
    Үзэж, уншиж, дэмждэгт үргэлж баярладаг шүү!
    ТАНЫ АМЖИЛТЫН ТӨЛӨӨ

  • Булаг бузарлаад хөлөө тайруулжээ

    1960-аад оны эхээр одоогийн Дарь-Эхийн 1-р буудлын орчимд нэгэн жижигхэн булаг байжээ. Тухайн үедээ тэр хавиар айл амьтан сийрэг байсан учраас бохирдох энэ тэр явдал бараг гарахгүйгээс тэр хавийн цөөхөн айл уг булагийн усыг ундандаа хэрэглэнэ. Тэр үед Санхүүгийн техникумд суралцаж байсан Чулуун гэгч эрийн эхнэр нэгэн удаа булагаас ус авахдаа сүүтэй байсан саваа зайлаад булаг руу асгаж орхисон аж. Энэ явдлыг харсан хүмүүс Чулууны эхнэр Цэцэгээг ихээхэн зэмлэсэн авч цаадахь нь хүний урманд үг гэж тоолгүйгээр ширэв татаж одов. Сүү дусаалгасан булаг яг сарын дараа ширгэхэд цэцгээ хүүхний хөлөөр хар хөх өнгийн гүвдрүү маягийн зүйл тууран идээ бээрэндээ баригдан явж чадахаа болив. Эмнэлэг энэ тэрээр нэлээд явсан ч эцэстээ яаж ч чадалгүй хоёр хөлөө тайруулсан эмгэнэлт явдал болсон гэдэг.

  • Хээлтэй согоо намнаад гэсгээл хүртэв

    Тэгээд АКМ-СВД-ээр зэвсэглэн “ГАЗ-66”-даа таван цэрэг, эхнэрийнхээ хамтаар суулган давхижээ. Ойн чөлөөнд нэгэн согоо тааралдсан бөгөөд 80 метрээс мэргэн буудагчийн “СВД”-ээр буудсанаар согоо ч нам унах нь тэр. Цусаа уухаар улайрсан ангуучид давхиж очтол уг согоо нь хээлтэй байсан бөгөөд гэдсэн дэхь тугалыг нь хамтад нь буудсан байжээ.
    Дөнгөж амь тавьж байсан согооны гүрээг тас хэрчин цусыг нь ууцгаан архиар даруулаад ажлаа бүтээн хөдлөв. Тэр оройдоо эхнэр нь цусаар бөөлжсөөр өөд болж гэнэ. Харин хошууч М жилийн дараа Офицеруудын ордны орчимд архидаж яваад хөлдөж үхсэнээр хээлтэй согоо намнасан хэргийн шувтарга болов. Ийм маягаар ан амьтныг ёс бусаар хөнөөснөөс үүдсэн аймшигт хохирол дэндүү олон.

     
     
     

  • Лусын эзнийг бузарласан этгээд голомтоороо сүйрэв

    бузартсаны улмаас ширгэж алга болсон учраас айл амьтан нутаглах нь бүү хэл алдуул зуугуул тэмээ мал ч харагдахаа больжээ. 1940 оны хаврын адаг сарын үеэр 16 настай Юнгэрэн хүү хэдэн ботго, тормоо услахаар Нялхсын шанд дээр очжээ. Нэлээд орой болчихсон байсан юм байх. Малаа услаад дуусах үест цагаан гэгээ тасран бүрий болж байжээ. Гэнэтхэн хүүхэд часхийтэл уйлах шиг болоход эргээд хартал нүцгэн хүүхэд булгийн эхэн дээр уйлчихсан сууж байх нь тэр.

    Нас бага цус шингэн байсан болоод ч тэр үү гэнэн зан гаргаад гайхасхийн дөхөж очтол нь булаг руу мөлхөөд орчихжээ. Гайхаад ч барсангүй. Булаг сайндаа л морины туурай дөнгөж далд орохоор устай байдаг. Тэгээд зөн совингоороо «чөтгөр» гэсэн айдаст автаад хэдэн тормоо булаг дээр хаячихаад Солжир хүрэн атныхаа хар гүйхээр гэртээ очоод ухаан алдан ойчжээ. Тун ч удалгүй ухаан орж бие сэтгэл нь тайвширснаар үзсэн харснаа эцэг, эхдээ өчихөд нь хар багадаа Дарвийн хүрээнд шавилан сууж байгаад хар болсон эцэг Ширнэн нь «Миний хүү, битгий ай. Тэр чинь буг чөтгөр биш. Лусын эзний хүүхэд байгаа юм.

    Тэгээд л Нялхсын шанд гэж нэрлэсэн юм гэнэ лээ. Чи буянтай юм. Лусын эзэн хүүг үзсэн харсан хүнийг би л лав мэдэхгүй юмдаг» гэж хэлээд тайвшруулж ном уншиж арцаар ариулж өгчээ. Тэгээд маргааш нь харуй бүрий болохоос өмнөхөн булаг дээр очиж лусын эзэн хүүг аргадан тахихаар болжээ. Энэ газрын лусын эзэн нь нялх хүүхэд учраас амт, шимттэй зүйлээр дайлна гээд Юнгэрэнгийн дүү нараас ч харамлан хадганд боогоод нуучихсан байсан зангидсан гарын чинээ домбон ёотонгоо баахан ааруул хурууд, хөөрүүлсэн сүүтэй хамт булгийн дэргэд аваачин тавиад ном уншиж хиншүү гаргаад явжээ. Юнгэрэн маргааш өглөө нь хүүхэд зангаараа сониучирхан булаг дээр явж очтол өмнөх оройных нь орхисон идээ будаа ор сураггүй алга болсон байжээ. Түүнээс хойш орой бүр идээ будаа аваачиж орхичихоод буцахдаа эргэж харахад мөнөөхөн нүцгэн хүүгийн «ход, ход» инээх дуу сонсогдох болжээ. Эргээд очиход алга болчихсон байдаг байв.

    Энэ цагаас эхлэн амьжиргааны цөөн хэдэн малтай байсан Ширнэн гуайн мал, сүрэг өсөн үржсээр мянгат малчин болж Х.Чойбалсангийн гарын үсэгтэй үнэмлэх бичиг, арван хоёр жил тойруулан сийлбэрлэж мөнгөөр бөгжилсөн модон хувин зэргээр шагнуулжээ. Жилийн дөрвөн улирлын турш Нялхсын шандыг тойрон ганц гэрээр зожигхон нутагладаг Ширнэн гуайнх Лусын эзэн «хүүг» хүнс хоолоор тасалсангүй.

    Юнгэрэн хүү ч насанд хүрсэн учраас цэрэгт явж 1945 оны чөлөөлөх дайнд орж Жанчхүүг даван байлдсаны учир «Бид ялав», «Цусан гавъяаны одон»-гоор энгэрээ цоолжээ. Энэ хооронд аав нь өөд болсон аж. Цэргээс халагдаад гэртээ очиход нь Нялхсын шанд нь ширгэчихсэн байжээ. Ээж, дүү нараасаа булаг нь яагаад ширгэж хатсан болохыг асуухад «Аймгийн төлөөлөгч «ногоон» Гүрсэд гээч нөхөр хамрынхаа цусыг угааснаар сарын дотор ширгэж үгүй болсон» гэжээ. Ш.Юнгэрэн Нялхсын шанд дээрээ очоод идээ будаа өргөн тахисан авч мөнөөхөн лусын эзэн хүү гарч ирсэнгүй. Тэгээд тэндээсээ арга буюу хүн малд ундны усгүй болсон учраас дайжин нүүжээ. Харин рашаан булгийг бузарласан «ногоон» Гүрсэд гэгч Улаанбаатар шилжихээр гэр бараагаа ачаалж яваад Төв аймгийн Эрдэнэсант сумын нутагт машинтайгаа осолд орон голомтоороо сүйрчээ. Харин өөрөө амьд үлдсэн авч хэвтэрт байсаар өөд болсон гэнэ.

    Одоо Говь-Алтайн Шарга суманд уг булгийн нэрийг мэддэг ч хүн байхгүй болсон гэнэ. Ш.Юнгэрэн гуай ярианыхаа төгсгөлд «Надад лусын эзэн хүүгийн булбарай бие, гялалзсан хар нүд одоо ч гэсэн харагддаг юм» гэж хэлсэн билээ.
    Ийнхүү ухвар мөчид нүгэлт нэгнээс болж хөөрхөн хүү эзэнтэй Лусыг бузарлан, хэзээ ч нөхөж барамгүй хохирол учруулжээ.

  • Хатсан гаранд шингэсэн сүнс хүчирхэг шулмас болжээ

     

    1950-иад оны эхээр одоогийн «Нарны титэм» дэлгүүрийн ойролцоох Есөн гудамжинд Ли дааяа буюу Намсрай хэмээх өвгөжөөр хятад бага шигхан гуанз ажиллуулан амьдарч байв. Дотор хүний гараар хийгдсэн нарийн хоол амтлаг хойно доо олон ч хүүхнийг урхидаж дөнгөдөг байжээ. Ли дааяа сайхан хүүхэн харагдвал үнэгүй хоол, цайгаар дайлан хөгцөнд идэгдсэн шар шүднүүдээ ярзайлган инээнэ. Тэрбээр нэгэн өдөр хөдөөний байдалтай, хувцас хунар муутай боловч царайлаг хүүхэн хашааных нь өмнүүр ууттай юм үүрэн ядарсан бололтой алхаж явааг хараад гуанзандаа дуудаж оруулан цай, хоолоор дайлангаа хэрэг зоригийг нь асуугаад авч амжжээ. Бүсгүй ч Архангайгаас Аж үйлдвэрийн комбинатад ажилд орохоор ирсэн хийгээд нутгийнхаа нэгэн айлыг хайж яваагаа цайлганаар өгүүлж орхижээ. Улаанбаатараар дүүрэн танилтайн хэрэг юу билээ гэсэн шиг Ли дааяа тэр дорхноо л эрж яваа айлыг нь олоод заагаад өгчихөв. Тэгэхдээ ирж үнэгүй хоол идэж бай гэж хэлэхээ ч мартсангүй. Хэсэг хугацаанд алга болсон бүсгүй нэг өдөр гуанзных нь өмнүүр явж харагдангуут мөн л майжигнан гүйж очоод чирэх шахам гуанзандаа оруулж хоол цайгаар шахсанаа:
    Чи ихээ муу хүүхээ. Манайд ирж хоол идэхгүй яасаан. Би их гомдсоон гээд уйлах маяг үзүүлэхэд нь бүсгүй тэсгэлгүй инээд алджээ. Энэ инээд багагүй хугацаанд Ли данжаадын шавар тагзыг чимсэн юмдаг. Үүнээс хойш Цэцэгдарь өдөн цагаан малгай, үйтэн хуаран дээл, торгон савхи өмссөн хотын ганган хүүхэн болж хувирчээ.

    Энэ хооронд Ли данжаад түүнд:
    Хай Цэцгүдалиа, чи ажил хийж юу хийнаа. Ажу үйлдвэлүү комбинадуу гэж ямар муухай ваа гэж ятгана. Улаанбаатарт ирээд нэг жил болсон Цэцэгдарь ажил хийсэн нэртэй боловч үнэндээ базаасан юмгүй хэрнээ эрчүүдэд энгэр задгай нэгэн болсон байв. Ли дааяагаас зүгээр нэг, зээлж нэг авсаар байгаад 1000 төгрөгийн өртэй болсон байлаа. Нэг өдөр Цэцэгдарь сурсан зангаараа мөнгө зээлэхээр иржээ. Энэ удаад луухаан ихээхэн өөр болсон байв. Тэрбээр харин өмнөөс нь 1000 төгрөгөө нэхэж эхлэх нь тэр. Сардаа 100 төгрөгний цалин авдаг Цэцэгдарь үнэндээ шоконд орлоо. Бүтэн жил хөдөлмөрлөж байж л олох мөнгө байв.
    Ли дааяа мөнгөө заавал өнөөдөр авна гээд зогссонгүй шүүх, цагдаад хэлж шорон гянданд хийлгэнэ гэж сүрдүүлсээр уйлуулж орхижээ.

    Тэгснээ гэнэтхэн мөнгөн ус шиг сайхан ааштай болж:
    Хай, Цэцэгээ. Тэнэгү Лиг өршөө. Би яасаан тинагаа гэж толгойгоо шаан өмнө нь сөхөрч унаад:
    Хай, чи манайд ажил хий ваа. Би чамд сард 200 төгрөг өгваа гэх зэргээр ятгасаар үгэндээ оруулж амжжээ. Тэр цагаас эхлэн Цэцэгдарь Лигийн гуанзанд ажиллах боллоо. Хоёр сарын дараа гэхэд байдаг айл нь муухай ааш гаргах болсон учраас хужаагийн гэрт ирж ханзных нь нэг буланг өмчилж авчээ. Тэр үеийн хотын хүүхнүүд дэгжирхэн янлиутай янжуур татах мода дэлгэрээд байв. Луухааны шахалтаар Цэцэгдарь хэдхэн удаа татаад л тамхины сайхныг бишрэх болов. Үнэндээ тамхинд нь Ли дааяа хар тамхи хольдог байснаас тэр аж. Зорилгодоо хүрэхийн тулд Ли луухаан үнэндээ маш зугуухан хөдлөж байлаа. Хоёр сар орчим тамхи татуулахад Цэцэгдарь хар тамхинд донтогч болж хувирсан байв. Нэг л өдөр Цэцэгдарь өглөө босоод таттал ямар ч таашаалд хүртсэнгүй. Гайхахдаа Ли луухаанаас тамхи нь яагаад таашаал өгөхгүй байгааг лавлан асуухад нь:
    Хай, Цэцигаа. Тэр тамхиа сайхаан зүйл хольсон байсаан. Тэрүү хольц ихээ үнэтэй. Монголд байхгүй ваа. Дотор газар ургадаг ургамалаа гэж ирээд л бүх үнэнийг палхийтэл нь хэлэхэд Цэцэгдарь хар тамхи гээч сургийг нь сонсож байсан зүйлдээ лавхан орсоноо ойлгоод айсандаа давхийн цочжээ. Гэвч хэрэг явдал нэгэнт оройтсон байв.

    Орой хэрд Цэцэгдарийн бие нь тэсгэлгүй өвдөж тамхиа шаардаж эхлэв. Өвгөн луухаан ч өрөвдсөн дүр эсгэж хар тамхи хайх нэрийдлээр гадагшаа яваад өндөр үнээр авлаа гэсээр орж иржээ.
    Энэ мэт явдал үнэндээ удаан үргэлжилсэнгүй. Тун ч удалгүй Цэцэгдарийн өвөрт өвгөн хужаа орж хундан цагаан биеийг нь эзэмдэх болов. Ийнхүү хоёр жил хар тамхиндаа мансуурч, өвгөн хужаадаа талхиулсан Цэцэгдарь бүсгүйн ухаан санаа нь ч гэсэн нэг л өөр болсон байлаа. Нэг л өдөр Ли дааяа Цэцэгдариас уйдаж Усны гудамжинд амьдардаг яргачин хужаад /мах зардаг хүнийг ийн нэрлэдэг байв/ 500 төгрөгөөр арилжиж орхижээ. Өнгө зүс нь цонхийж цайснаас л бус үзэмж гоо хэвээрээ байсан хэдий ч хар тамхинд мансуурсаар өдөр шөнийг мэдрэхээ больсон түүнд Ли ч байна уу, махны яргачин Ван Гүй Лай ч байна уу ялгаагүй болсон байлаа.

    Ван овогт үдэш болсон хойно орж ирэнгүүтээ л цус, тос, хир даг болсон гараа ч угаалгүй шууд л Цэцэгхуарыг /Дарийг нь өөрчлөөд хужаа нар хуар болгосон гэдэг.сурв/ дараад авна. Ой нь гутах боловч мөнөөхөн ид шидтэй тамхиа олж татаж чадахаа болино гэдгээ гадарлаад эсэргүүцэж үл чадна. Шөнө дунд юм түчигнэх чимээгээр Цэцэгдарь сэржээ.
    Гэтэл Ван овогт босчихсон шалаа ховхлон мөнгөө хийж байгаа нь харагдав. Ван Гүй Лай луухаан гэнэтхэн өндийгөөд өөрийг нь гайхсан аястай цоо ширтэж байгаа Цэцэгдарийг олоод харчихав.

    Хятад хүнд нэг муухай хууль ёс юм шиг тогтсон байдаг. Тэр нь мөнгө нуусан газраа үр хүүхдээсээ хүртэл нууцалдаг явдал юм.
    Нэгэнт хамгийн гол нууцыг нь мэдсэн учраас Цэцэгдарийг үгүй хийх бодол Ван хужаагийн тархинд зурсхийв. Үүнтэй зэрэгцээд Цэцэгдарь ч гэсэн совингоороо болоод хужаа нарын занг сайн мэддэг болсон учраас биеэ хамгаалах зөн совинд автан «Хэрэгцээ гарвал..» гэж бодоод гудсан дороо нууц байдаг хутгаа тэмтэрчээ. Ван овогт гэнэтхэн тал засан инээж мөнгө нуудаг шалаа буцааж хийснээ:
    Хай, Цэцэгээ. Энэ мөнгө чиний ваа. Чамд тамхиа авч өгнөө гэх зэргээр худлаа зуйрган үг хэлж байснаа унтахаар хувцсаа тайлан хажуу талаар нь ороод хэвтэв. Маргааш нь хар тамхиа татаад мансуурч эхлэж байхад нь Ван Гүй Лай шулуухан заазуур бариад дайрчээ.

    Гүн мансууралд ороогүй байсныхаа хүчинд Цэцэгдарь хажуу тийшээгээ зайлтал баруун гарыг нь шуугаар нь тас цавцчихжээ. Хоёр дахь далайлтаар Цэцэгдарийн духанд заазуур зоогдсоноор үхэтхийн унаж зүйл дуусав. Нэлээд харанхуй болчихсон байснаас луухаан гадаа цогцсыг булах нүх ухах гэж хоёр гурван цаг орчим болоод гэртээ орж цогцсыг өргөн гаргахад тас цавчуулсан гар нь яагаад ч юм алга болчихсон байх нь тэр. Ямар ч хүн орох боломж байгаагүй. Тэгээд л гар нь шалан дээр хэвтэж байсныг санаад хайсан боловч олдсонгүй. Бараг л үүр цайтал хайгаад аргаа барахдаа үхдлийг оршуулжээ. Ингээд тас цавчуулсан гар газрын гаваар орсон мэт алга болж, гаргүй цогцос оршуулагдав. Тун ч удалгүй Усны гудамжны хужаа нар Ван Гүй Лайг үзэгдэхгүй болохоор хашааг нь давж ороход тэрбээр аль хэдийн үхээд үнэр танар орчихсон байжээ.

    Хачирхалтай нь гэр нь дотроосоо бат бэх түгжээтэй, цонх нь ч мөн онгойх үндэслэлгүй хэрнээ хоолойг нь хэн нэгэн хүчтэй хүн ором мөр гартал нь багалзуурдаж алаад хэлийг нь суга татсан төдийгүй цээжин дээр нь цустай гарын алгаар тамгалсан байв. Тийм алганы ором хана туурга гээд хаа сайгүй цусаар дарагдсан байх нь тэр. Уг гарыг харахад жижигхэн, шулуун хуруунуудтай байсан учраас эмэгтэй хүнийх гэдэг нь төвөггүйхэн мэдэгдэж байв. Тиймээс Ван овогтын үхэлд гэрт нь амьдардаг байсан Цэцэгдарь бүсгүйг сэжиглэв.

    Гэвч хаалга дотроосоо түгжсэн байсан нь гайхал төрүүлэв. Хятадууд цагдаад мэдэгдэж хэрэгт орооцолдохоо бодсонгүй. Харин Жан Рүжин гэгч өвгөн луухаан хашаан доторхийг шинжиж явсанаа булсан нүх байгааг илрүүлж хятад залуусаараа ухуулжээ. Дотроос нь өрөөөн гаргүй Цэцэгдарь бүсгүйн шарил гарч ирэхэд хужаа нар мэл гайхаж, цэл хөхөрчээ. Энэ бүхнийг хараад зогсож байсан Есөн гудамжны Ли овогт луухаан /Цэцэгдарийг хар тамхинд оруулсан хятад/ айсандаа өмдөндөө шээх нь халаг болоод бөмбөгөнөтөл чичирч байлаа. Гэнэтхэн хэн нэг нь Ван овогтын бяруу шиг том гарз нохой мөн л үхсэн төдийгүй эрүүг нь заагаад хэлийг нь сугалаад хаячихсан байсныг олж илрүүлэв. Тэгээд бүсгүйн цогцсыг буцааж булаад Ванг оршуулав. Ямар ч хятад хүн авсаа амьд ахуй үедээ бэлддэг учраас санаа зовох юмгүй байлаа. Ажил явдалд нь оролцсон хужаа нар байшинг нь өдөр шөнөгүй нэгжсээр нуусан хөрөнгийг нь олж хуваан авчээ. Ванг оршуулаад удаагүй байсан Ли мөн л дээрх маягаар орчлон хорвоог орхив. Хужаа нар энэ яавч зүгээр нэг явдал биш гэдгийг гадарлаад хэрхэх талаар зөвлөлдөх болов. Үүнээс хойш хужаа нарын гэрт үүр шөнийн заагаар борц шиг хатсан цустай урт гээчийн хумстай гар /үхсэн хүний хумс, үс ургадаг/ хөнжлөөс нь татах, нүүрийг нь маажих зэргээр айлгаж цочоох болов. Энэ тухайд Лю Ци Хуа гээч мэргэн луухаан шоогоо хаяж үзээд:
    Энэ бол тэр хүүхний гар. Гарыг нь тас цавчсан учраас сүнс нь гаранд шингэж шулмас, буг болсон байна. Тиймээс цогцсыг нь ухаж гаргаад шөнөөр хүлээж бай. Тэгэхлээр гар биетэйгээ ирж наалдана. Тэгвэл энэ шулмасын хүч сулрана гэж айлджээ.
    Хужаа нар ч энэ айлдварыг ёсчлон биелүүлтэл бүх зүйл Лю овогтын хэлснээр болж гар нь биетэйгээ наалдаж бүтэн болсон цогцсыг булжээ. Гэхдээ шулмас хэвээрээ үлдсэн бөгөөд хужаа нарт хор хүргэхээсээ өнгөрсөн гэдэг.

    Одоо ч гэсэн Цэцэгдарь бүсгүйн шулмас болсон сүнс «Ханамаса» ресторанд үүрлэсээр байдаг гэнэ. Энэ түүхийг тэр бүр монголчууд мэдэхгүй ч «Ханамаса»гийн жижүүрүүд тэнд буг чөтгөр байдаг гэдгийг батлан ярьцгаадаг юм. Гэхдээ энэ шулмас монгол хүнд өчүүхэн ч төдий хор хүргэж айлгаж цочоодоггүй «үндсэрхэг үзэл»-тэй юм гэнэ лээ.

  • Хамгийн золгүй 9 үхэл

    энэ хорвоод хүний ёсоор амьдарч аж төрж байгаад ертөнцийн жамаар өөд болдог. Цаг бусаар өөд болоочдын зарим нь эх орныхоо төлөө, өрөөл бусдын тусын тулд баатарлагаар амиа зольдог байхад нэгэн хэсэг нь өвчин эмгэг, тохиолдлын гай гамшгаар амь алдана. Гэтэл цаг бусын, гэхдээ арай л харамсмаар үхлийн 9 аймшигт жишээ энэ байна.

    9. Өөрөө өөрийгөө шатаах

    1853 онд зохиолч Чарльз Диккенс өөрийгөө шатаасан хүний тухай роман бичсэн гэдэг. Өөрийгөө шатааж амь зольдог нь зохиолчийн номоос болсон хэрэг ч биш л дээ. Гэхдээ л өнөөдөр манай гариг дээр өдөрт 200 орчим хүн өөрийгөө шатааж амиа егүүтгэдэг гэсэн тоо байдаг. Галаас болж үхэх нь гаднын үл үзэгдэх үүсвэрээс болдог гэсэн яриа ч бий. Эргэн тойрны нь эд зүйл зүгээр байхад талийгаачаас зөвхөн үнс үлдсэн байх нь ч байдаг. 1986 онд гал сөнөөгч Жорж Мотт алга болсон чинь түүнээс зөвхөн үнс л үлдсэн байсан гэдэг.

    8. Чихрийн уусмалд живсэн нь

    1919 оны нэгдүгээр сарын 15-нд Бостон хотноо чихрийн үйлдвэрийн уусмалын нөөц сав дэлбэрснээс 7 метр гаруй өндөртэй чихрийн уусмал урсч 21 хүний живж амь алдсан бол 150 хүн бэртэж шархаджээ. Цардуул бүхий өтгөн зуурмаг 56 км цагийн хурдтай урсч бүхнийг хамсан гэдэг. Талийгаачдыг сүүлд нь олж гаргасан ч өтгөн зуурмагаар бүрхэгдэн таних аргагүй байжээ.

    7.Туршилт аминд нь хүрчээ

    1993 онд Торонто хотын өмгөөлөгч Гарри Хой хотынхоо Toronto-Dominion цамхгийн шилэн ханын нягтралыг шалгах ажилд оролцсон байна. Энэ нь гүйж очоод хаалттай цонхыг бүхий л хүчээрээ мөргөдөг ажил гэнэ. Тэр өмнө нь ч ийм ажилд оролцож ингэж л шалгадаг байж л дээ. Гэтэл тэр удаа шил хагарч Гарри доош унан амь алджээ.

    6. Зажилдаг бохь дэлбэрэх нь

    Химийн ангийн оюутан 25 настай Владимир Лихонос зажилдаг бохио улам амттай болгох гээд нимбэгний хүчилд хутгаж орхиж. Харамсалтай нь тэрээр андуураад даринд зуурч орхисон байж. Эцэст нь бохь дэлбэрч эрүү, нүүрний доод хэсэг юу ч үгүй болж улмаар амь алджээ.

    5. Ус хэтрэхээрээ…..

    28 настай Женнифер Стрейнж орон нутгийн радиогоос зарласан нэгэн сонин уралдаанд оролцож. Уг нь тэрээр шагналыг нь хүүхдүүддээ авч өгөх л гэсэн хэрэг. «Hold your pee for a Wii» нэртэй эл уралдаанд оролцогч бие засахгүйгээр аль болох их ус уух ёстой юмсанж. Хэдийгээр хүний биеийн 60 хувийг ус эзэлдэг ч гэсэн бас хэтрэхээрээ ямар олиг байхав, хөөрхий бүсгүй амь алдсан байна. Харин Женниферийн гэр бүлийнхэн орон нутгийн радиостанцыг шүүхэд өгснөөр 16,5 сая долларын нөхөн төлбөр авсан гэдэг.

    4. “Планкинг” буюу осолтой тоглоом

    Санаанд оромгүй, осолтой газарт түрүүлгээ хараад, гараа бие дагуулан, өөрөөр хэлбэл юунаас ч барилгүй, ямар ч бэхэлгээгүй хэвтэнэ гэдэг осолтой тоглоом. 20 настай австрали эр долдугаар давхрын тагтны ирмэг дээр ингэж хэвтэх гэж байгаад нурж амиа алдсан нь ёстой л “тоглоом тоотой нь дээр” гэгч болж.

    3. Аварга кактусанд даруулчихна гэж хэн санахав

    Америкийн Арзона мужид Дэвид Грундман гэдэг залуу асар том сагуаро кактусын дэргэд зургаа татуулахаар болж. Тэгээд дөхөж очих үед нь өнөөх том ургамал түүний яг нүүрэн дээр нь унаснаар хамаг өргөсүүд нь бүх биед нь шивж тэр дороо нөгөө ертөнц рүү илгээжээ.

    2. Тунг нь хэтрүүлснээс…..

    Луувангийн жүүс турахад хамгийн үр нөлөөтэй гэнэ. Английн 48 настай Бэзил Браун 1970-аад онд эрүүл хооллолтыг дэмжигчдийг ихэд талархдаг нэгэн байсан гэнэ. Ингээд тэрээр луувангийн жүүс уух нь зөв гэж шийдэн өдөрт 38 литрийг уудаг болсон нь хэрэгцээт хэмжээнээс 10000 дахин их байж л дээ. Эцсийн үр дүнд тэрээр бөөрний дутагдалд орж талийгаач болсон байна.

    1. Жоом идсэнээс л…

    32 настай Эдвард Арчболд нутгийнхаа нэгэн амьтны хүрээлэнгээс зохион байгуулсан “Аймшгийн хүчин зүйл” уралдаанд оролцож хэдэн арван жоом идэж орхиж. Удалгүй тэрээр бөөлжиж байснаа ухаан алдаж унаад дахиж боссонгүй. Задлан шинжилгээгээр хар хүрэн шавьжны хальс, бие нь түүний амьсгалын замыг боогдуулсан байсан гэдэг.

  • Үүрдийн өвчтөн болох зам руу өөрсдөө л бид тэмүүлдэг

    асуудлаар дагнаж, шинжлэх ухаан, парапсихологи, шашныг нэгтгэсэн онолын үндэслэл боловсруулахаар ажиллаж байна. Түүний “Физикч Гоц мэдрэхүйтний тэмдэглэлүүд” номыг “Цалиг” хэвлэлийн газар орчуулан гаргаснаас хэсэгчлэн хүргэж байна.
    ________________________________________
    Гэмээ наманчлахгүйгээр амьдралаа өөрчлөх боломжгүй
    Хүрээлэнд физикчээр ажиллаж байх үед юм даг, нэг удаа би өрөөндөө суугаад шинжлэх ухааны ямар нэг зүйл уншиж байтал хотын утас хангинаж, эхнэрийн маань “Илья, намайг эмнэлэг рүү авч явна. Зүрхний шигдээс гэнэ” гэх түгшсэн дуу сонсогдов. Би юу болоод байгааг түргэхэн ойлгохыг хүслээ. Түүний зүрх яачихав? Зүрхний цусан хангамж хэвийн байлаа. Тэгэхээр шигдээс болоогүй гэсэн үг. Тэгээд юу байж болох вэ? Миний нүднээ түүний зүрхийг задлан харуулж, Гисийн бөөнцөг яг зүрх рүү ордог хэсэгт ямар нэг бараан зүйл байгааг харууллаа. Энэ бараан зүйл л Гисийн бөөнцгийг эвдээд, үгүй ээ хэсэгчлэн базчихаад байгаа аж. Өөрөөр хэлбэл энэ бол бүтцийн эвдрэл биш, бүтэц нь хэвийн байна. Энэ бол ямар нэг өвөрмөц байдлаар Гисийн бөөнцөгт хаалт тавигдсан, тэр нь бодит байдал дээр зүрхний энгийн булчинг угтан хэлэх аргагүйгээр агшаагаад байгаа хэрэг.
    -Оля, чамд ямар ч шигдээс алга.
    -Тэгээд юу гээч нь болж байна?
    -Хамгийн гол нь чамд шигдээс алга. Үлдсэнийг нь чи бид хоёр аргалж дөнгөнө. Юу ч бодолгүй харьж үз.

    Түүнийг эмнэлэгт аваачин шигдээс гэдэг оношоо баталсан ч арав хоногийн дараа анхны оношоо өөрчилж, андуураагүй бол бүр уучлал гуйсан санагдана. Дараа нь би мөнөөх андуу эндүүгийн эх үүсвэр болсон зүрхний бичлэгийг эмч хамтрагчдадаа үзүүлэхэд зүгээр л аймшиг гэцгээж байв. Түүнийг тайлж уншсан хүмүүс бодит байдалтай авцалдахгүй загвараар дүгнэлт хийжээ. Үнэн хэрэгтээ бол зүрхний эд эсүүд шигдээс болох үеийнх шиг цусгүй болсон учраас дохио өгсөн хэрэг биш, харин эдгээр эсүүд эрүүл атал буруу дохио ирсэн байна.
    Би бол оношийг ингэж томъёолох байлаа: эфир биеийн түвшинд ямар нэг шимэгч цоорхой үүсгэснээс болж Гисийн бөөнцөг ул хэсгээрээ хаагдсан. Миний эмчилгээ гэвэл тэрхүү шимэгч биетнийг надад харуулж, авч хаяхыг зөвшөөрсөн тул зайлуулчихсан л хэрэг. Миний онош, мөн эмчилгээний аргыг уншсан зүрхний хуучинсаг эмч бол зохиогчийн “ичгүүргүй” байдалд уур нь хүрэх биз. Яагаад гэвэл “Гисийн бөөнцөгт нөлөөлсөн эфир биеийн түвшний шимэгч биетийг зайлуулах” эмчилгээг хүлээн зөвшөөрч чадахгүй. Хэрвээ би малчин байгаад Гисийн бөөнцгийн талаар ойлголтгүй байсан бол өөрийн эхнэр хийгээд өрөөлийн охиныг анагааж чадах байсан уу? Чадах л байсан. Зүрх зүрхэн хэлбэртэй гэдгийг л мэдэж байх нь эмчилгээнд хангалттай. Зүрхэн дотроос авч хаявал зохих ямар нэгэн бараан зүйлийг би олж харсан (надад харуулсан гэвэл илүү оновчтой) минь л хангалттай. Би түүнийг нь авлаа. Эмчилгээ дууслаа. Тэгвэл зохиогч яах гэж Гисийн бөөнцгийн тухай чалчив аа? Хэнд ч хэрэггүй энэ мэдлэгээр яана? Яалаа гэж, мэдлэг үргэлж хэрэгтэй. Анатомийн мэдлэг хийсэн эмчилгээнийхээ талаар ярихад хялбар болгоно. Асуудлыг нөхөдтэйгээ ярилцахад тустай. Түүнээс биш миний ярьсан эмчилгээний аргад огт хамаагүй. Энэ арга бол хүмүүс бий болгоогүй эмчилгээний зааврыг хэрэгжүүлэх асуудал. Энэ бол би биш, Тэд л эмчилж чаддаг. Би ердөө л Тэдний зааврыг дагадаг. Тэд янз бүрийн түвшний хэрэглэгчдэд зориулаад янз бүр байдаг. Гэхдээ хэзээ ч үйлчилж чаддаг.
    Эхнэрийг маань эмнэлгээс гаргахдаа эмч нар ямар ч үр дагавар харахгүй байгаа болохоор юу гээч болоод өнгөрснийг ойлгохгүй байгаагаа үнэнээр өчсөн байна лээ. Гэхдээ хатуу захиас хэлжээ.
    -Санамсаргүй зүйл гэж огт байдаггүй. Танд ямар нэг өвчин байгаа, бид л олж хүрч чадахгүй байна. Та дүүргийнхээ эмнэлэгт очоод бүртгэлд ор. Танд улаан туузтай карт өгнө. Энэ мөчөөс эхлээд та эрсдэлтэй бүлгийн хүн боллоо. Танай гэрт даралт хэмжигч байгаа юу? Яагаад үгүй гэж? Айл
    болгон заавал даралт хэмжигчтэй байх ёстой.
    Та өдөр бүр даралтаа хоёроос доошгүй удаа тогтмол хэмжиж, дэвтэр дээр заалтыг нь бичих ёстой. Зүрхний эмч танд илүү нарийн заавар өгнө. Харин би одоохондоо ерөнхийд нь тамир сайжруулагч гурван эм бичиж өгье. Таны зүрхийг хэвийн ажилладаг болгох хэрэгтэй байна. Одооноос эхлээд та магадгүй насан туршдаа эрсдлийг бүлэгт багтах болсноо санаж яв. Шаардпагатай эмгүйгээр гэрээсээ хаашаа ч битгий гар. Тийм эмнүүдийг дүүргийн зүрхний эмч танд бичиж өгнө. Би тантай дахин энд уулзмааргүй л байна. Гэхдээ ингэхийн тулд та системтэй, нухацтай эмчлүүлэх хэрэгтэй…
    Эхнэр бид хоёр даралт хэмжигч худалдан авч туршиж үзтэл даралт хэвийн байлаа. Би эхнэрээсээ:
    -Чи цаашид эрүүл хэвийн байхыг хүсч байна уу гэж асуулаа.
    -Мэдээж хүсч байна гэж тэрээр хариулав.
    -Миний чамд хэлэх зөвлөгөө ийм байна. Эмнэлэгт хэвтсэнээ тохиолдол гэж бод. Зүрхний эмчид оч. Гэхдээ заавар зөвлөгөөнд нь шүүмжлэлтэй ханд. Түүнийг тэнэг болохоор нь тэгж байгаа юм биш ээ, хоосон газар онош тавих тэнэг үүрэгтэй учраас чингэж байгаа юм. Чиний зүрх эрүүл. Гэхдээ чи биеэ чагнагч. Чи биеэ чагнадагтайгаа тэмцэх хэрэгтэй. Энэ бол зүрхний эмчийн үүрэг биш, харин сэтгэлзүйчийнх. Манайд хоёр сэтгэлзүйч байна. Чи бид хоёр. Тэгэхээр нийлээд ялах болно…
    Энхэр маань зөвшөөрч хэрэгжүүлэхээр боллоо. Хамгийн хачирхалтай нь садан төрлийнхөн, найз нөхдийн туслах гэсэн сэтгэл хамгийн их саад болж байлаа. Ингэхдээ хүн болгон бүр өлгөөд авах сайн юмгүй байсан ч хамаагүй зүрхний өвчний талаархи өөрийн амьдралын туршлагаа ярина. Хамгийн гунигтай нь утасны нөгөө үзүүрт хэрцгий авир дуудах учраас эдгээр сэтгэл зовнисон яриаг зогсоож болохгүй, тэдэнтэй маргаж болохгүй. Би энэхүү дургуйцлийн учир шалтгааныг ойлгож байлаа: хүмүүс хэрхэн аятайхнаар үүрдийн өвчтөн болох тухай өөрийн туршлагаа хуваалцахыг чин сэтгэлээсээ хүсдэг. Тэдний хэн нэгэнд нь зорилго чинь өөрөө буруу байна гээд ярьж эхэлбэл тэр галзууртлаа бухимдана. Яагаад гэвэл эмч нар түүнийг өөрийн итгэл үнэмшилд татан оруулчихсан. яг л тэгэх хэрэгтэй гэдэгт тэр бат итгэлтэй байдаг.
    Үр Дүн нь юу вэ? Бид даралтаа хэмждэггүй, эм байнга уудаггүй. Найм орчим жил нэг ч удаа түргэн тусламж дуудсангүй. Ольгад “мэргэжлийн өвчтөн” болох бүх боломж байсан ч тэгсэнгүй.
    Энэ тохиолдолд ямархан нарийн ширийнийг хэлэхийг би хүснэ вэ? Хэд хэдэн зүйл байна. Евангелийн сударт нэгэн хүн юуны улмаас хараагүй болсон талаар шавь нар нь Иисүсээс асуудаг хэсэг бий. Иисүс Юуны улмаас биш, харин юуны тулд. Бурханыг улам алдаршуулахын тулд гэж залруулдаг. Өөрөөр хэлбэл Иисүсийн анагаасан хүн бусдад жишээ болж байна. Ольгагийн тохиолдол ч мөн адил. Тэрээр нөхрийнх нь хийдэг эмчилгээний аргууд үнэхээр үйлчилдгийг өөрийн биеэр туршиж, улмаар “хүндлэхийн” тулд тэгсэн билээ. Харилцаа тасрах аюул байсныг зайлуулж чадсан. Энэ түүхийн хоёр дахь тал нь гэвэл үйлчлүүлэгч, ойр дотнын, өөрийн үйлчлүүлэгчтэйгээ ярилцах анагаагчийн арга зам. Эмч нар өөрийн хамаатан саднаа эмчлэхээр авахгүй нь элбэг байдаг. Яагаад гэвэл хамаатан садангууд нь түүнийг таатай биш өнцгөөс харах нь байдаг. Хэрэгтэй нэр хүнд алга гэсэн үг. Түүнээс гадна “өөрийн” хүнээ эмчлэх үед эмч нарын гар чичрэх нь элбэг. Тийм учраас л Ольгагийн эмчилгээ эмч, өвчтөн харилцан биесээ хүмүүжүүлэх сайн жишээ юм. Хамгийн гол нь би энэ тохиолдолд сэтгэлзүйн зөв харилцаа тогтоож, эхнэрийнхээ үл итгэх байдлыг арилгаж, эхнэртээ ерийн бус зөвлөгөө өгөх хариуцлагаас айх айдсаа давж, саналаа тайлбарлах хэрэгтэй үгсийг сонгож чадсан юм.
    Одоо тэгэхээр сонгох эрх чөлөө хийгээд хариуцлагын талаар ярилцацгаая. Бид аливаа үйлдлийг эрх чөлөөтэй хийдэг үү? Хариу нь тийм ч тодорхой биш. Бидний дотоод сэтгэлд байдаг Бурханы гал сонголтын эрх чөлөөний төлөө байдаг. Гэхдээ энэ нь Бурханы сонгох эрх чөлөөг зөрчсөн бүрэн эрх чөлөө биш юм. Мэдээж хязгааргүй эрх чөлөө гэж байдаггүй. Чи ямар нэгэн хил хязгаар дотор л зөв сонголт хийх эрх чөлөөтэй. Хязгаарлалт бүр, хүрээ болгон эрх чөлөөний зарчмыг зөрчиж байгаа мэт санагдаж болно. Гэвч тийм биш. Ямар ч хязгаарлалтын хүрээн доторхи зөв сонголтын эрх чөлөө хүн бүрт хангалттай байдаг. Хүн өөрийнхөө эрх чөлөөг хязгаарласан хүрээний төлөө хариуцлага хүлээдэггүй. Бид үүнийг гаднаас өгсөн нөхцөл гэж хүлээж авах ёстой. Бид эцэг эхээ, төрөх газар цагаа сонгодоггүй. Гэхдээ хэзээ нэгэн цагт бид Т эгшин, X цэг дээр хүрч бие даана. Бидний хязгаарлагч нөхцлийг амьдралын явцад Бурхан засварлан өөрчилж чадна.
    Гэхдээ сонгох эрх чөлөө өөрийн сонголтын төлөө хүлээх хариуцлагаас ангид биш. Хүн алхам бүртээ сонголт хийхээс аргагүй ертөнцөд амьдардаг. Үүнээс зайлсхийвэл муу юм болно. Харин сонолт хийснээрээ чи уг сонголтын үр дагаврыг хариуцах болдог. Чи нэгэнт амьдралынхаа үйл явцыг өөрөө бий болгосон учраас зөвхөн өөрөө л түүнийхээ төлөө хариуцлага хүлээнэ. Хариуцлагагүйгээр гэмшил үгүй, гэмээ наманчлахгүйгээр амьдралаа өөрчлөн засварлах боломжгүй, тэр дундаа өөрийн өвчний явцыг өөрчилж, анагааж чадахгүй. Энэ утгаараа хариуцлага оюун санаатай салшгүй холбоотой. Оюун санаа нь өөрийн ээлжинд биднийг Бурхан руу хөтлөн аваачдаг. Энэ номын эхэнд НК-ийн, Галя бид хоёрын хамтын, мөн нүгэлт миний ганцаар үйлдсэн далдыг харахуйн гайхамшгийн талаар зураглан өгүүлснээ уншигч танд сануулъя. Тэр бол Бурхантай холбогдох суваг байсан юм. Энэ суваг хүн бүрт нээлттэй байдаг. Айдсаа гэтэлж, уг сувгийг ашиглаж эхпэх хэрэгтэй.
    Германаас Р.Е надруу утасдаж байна.
    -Илья Витальевич, би бүр тамирдаж гүйцлээ. Шөнөд унтаж чадахгүй байна. Нүдний эмчид үзүүлтэл нүднийхээ үүлийг авахгүй бол сохорно гэнэ. Гэтэл би айгаад байна. Яах вэ?
    Тэрээр ная гарсан настай эмгэн билээ. Боломжоороо ая тухтай, урт удаан амьдрахыг хүсч байна. Би:
    -Р.Е минь, дураараа бол. Аль ч тохиолдолд би танд тусална. Таны зорилго бол ямар нэг зүйлийг зөв сонгохдоо биш, харин өөрийн айдсаа давах л юм. Бурханд ханд. Сэтгэлд эхэлж буусан дурын шийдвэрээ дага гэлээ.
    Дараа нь тэрээр утас цохиж:
    -Би одоохондоо мэс ажилбар хийлгэхгүй ээ гэж тайван гэгч нь хэллээ.
    Гурван жил өнгөрсөн ч сохроогүй л байна.
    Ингэхэд айл болгон орох хаалган дээрээ “Шийдвэрийг өөрөө гарга” гэсэн үгийг улаан өнгөөр бичиж өлгөмөөр байгаа юм. Тэгэх аваас амьдрал огт өөр, илүү сайн, хэмжээлшгүй сонирхолтой байх болно.

    Анагаах тоглоомын дүрэм
    Бидэнд дүгнэлт хийх хангалттай материал байна.
    1. Эцэг Бурхан байдаг. Тэрээр биднийг хамгийн гол асуудал болох амьдрал, үхэлд бодитойгоор удирддаг. Тэрээр хамгийн найдваргүй болсон өвчтөнийг эмчлэх ЗӨВШӨӨРӨЛ өгвөл хэрэгтэй арга нь олддог. Тэрээр ЗӨВШӨӨРӨХГҮЙ байж болно, тэгвэл ямар ч аргагүй. Тийм учраас Бурхан бол анагаах аливаа үйлдлийн гол дүр. Миний өөрийн ойлголтоор манай шашингүйн үзэлд гүн бат автсан оронд өвчтөн хүн үгүйдээ гэхэд Бурхан руу эргэн харж, бурханы хөрөг зургийн өмнөх лаа биш, харин бодит үйл хийгээд бодол санаа биднийг эрүүл, эсвэл өвчтэй болгодог гэдгийг ойлгох хэрэгтэй.
    2. Жирийн хүмүүсийн ихэнх өвчин амьдралынявцадгаргасаналдаатайүйлдэл, эсвэл сэтгэлгээний алдаа(буруу бодол)-тай холбоотой байдаг. Ховор тохиолдолд өвчин хийгээд азгүй муу явдал сорилын шинжтэй байдаг. Энэ нь ихэвчлэн ер бусын хүмүүст хамааралтай. Ямартай ч Тэнгэр бидний хүмүүжлийг хариуцдаг. Бид өөрийнхөө ямар нэг зүйлийг засч залруулж, эсвэл цохилт дааж сурах хэрэгтэй болдог. Заримдаа аль алийг нь. Засарлаа, тэсч чадлаа – эрүүл саруул яв. Үгүй бол уучлаарай, томилолт дууслаа.
    3. Өвчний анхны шинж тэмдгийг хүлээж авах хэвийн хандлага гэвэл өөрийн бие махбодыг бус, оюун санааг шинжих явдал билээ. Үүний тулд сүм хийд, мөргөлийн газар очиж Бурханаас эдгээж өгөхийг биш (тэгэх юм бол аргазүйн бүдүүлэг алдаа болно), харин өвчний оюун санааны учгийг ойлгоход туслахыг хүс. “Юуны тулд” гэдгийг ойлгох хэрэгтэй, ойлгоод үндсээр нь арилгах хэрэгтэй. Энэ бол НАМАНЧЛАЛ. Хэрэв өвчин чинь гүн үндэслэж амжаагүй бол чин сэтгэлийн наманчлалын дараахи сэтгэлзүйн хүчирхэг өөрчлөлтийн улмаас хүн зүйл ердийн замаар өөрчлөгдөж эмчид очих хэрэггүй болно. Хэрэг дээрээ ийм үед оношлогоо ч хэрэггүй. Эрүүл оюун санаа бие махбодыг эрүүл болгоно.
    4. Тоног төхөөрөмжийн оношлогооноос эмчилгээг эхэлж болохгүй. Энэ бол цэвэр квантын тохиол. Өвчтөний бие махбодод өвчин илрэхээс өмнө үйлчлүүлэгчид бүгд виртуаль түвшний өч төчнөөн өвчин үүссэн байдаг. Жишээ нь ходоодны тухай ярья гэхэд л шархлаанаас хорт хавдар хүртэл янз бүрийн өвчин бий. Оношлон хэмжих үед Бурхан Тэнгэр тэдгээрээс тухайн хүний оюун санааны байдалд тохирохыг нь оноож өгдөг. Хэрвээ “хорт хавдар” гэсэн онош гарсан байх юм бол болгоомжил. Яарах хэрэггүй. Эхлээд хэрхэн амьдарч байгаа тухайгаа эргэцүүлэн бод. Хэмжилт хийхэд хэвийн байхын тулд эмчилсний дараа л ялагчийн байр сууринаас оношлогоонд орох хэрэгтэй.
    5. Эмчилгээний үеэр оношлуулах мөн л аюултай. Эмчилгээ нь цагийн тэнхлэгийн дагуу гулсах зарчмаар хийгддэг. Ирээдүй цаг дээр ч мөн адил хийгдэнэ. Тийм болохоор энэхүү ирээдүй цаг болоогүй байхад оношлуулах юм бол бүгд сарниж орхино. Жишээлбэл, бөөрний чулууг хайлуулж, өвчний шинж тэмдгийгхоёр өдөрт арилгаж болно, харин багажаар оношлохыг хоёр гурван долоо хоногоос нааш хийж болохгүй.
    6. Сонгодог анагаах ухаан эмчилгээтэй харьцуулбал оношлогоо нь түрүүлж х жсөн нь их муу. Хэрэв хагалж болохгүй хавдар, эсвэл ДОХ, эсвэл Альцгеймерийн өвчин туссан бол эмчлэх эм нь үгүй учраас хүн үхэх нь тодорхой. Тийм тохиолдолд уламжпалт бус аргаар ч эмчлэхэд хэцүү. Яагаад гэвэл тийм эмчилгээ нь Христ гэсгээгдэгсдийг анагаасныг санагдуулах болно. Яалтгүй ГАЙХАМШИГ байх болно. Гэвч ГАЙХАМШИГ байх ёсгүй. Ийм учраас өвчтөнд амьд үлдэхийн тулд ганцхан боломж, тодруулбаас тухайн нөхцөлд анагаагдашгүй өвчин олсон тэр нийгмийн хувьд үхэх хэрэгтэй болдог. Жишээ нь, Африкийн аль нэг тийш одох; эсвэл шүтлэгээ солих, жишээ нь буддын сүмд шавилах хэрэгтэй. Юу хийх нь тийм ч чухал биш. Гол нь өмнөх оношлогооны үр дүнг тэглэх хэрэгтэй.
    Энд өгүүлсэн эмчилгээний тоглоомын дүрмийг би дэлгэрэнгүй тайлбарлахгүй. Яагаад гэвэл анагаахуйгаар оролдоно гэдэг өөрөө тамын ажил. Ямар ч үйлчлүүлэгч эрт орой нэгэн цагт заавал үхнэ. Тийм болохоор эмнэлгийн уламжлалт тусламж хүний амьдралын үүргийг үл харгалзан насыг нь уртасгахыг л оролддог. Тэгэхээр орчин цагийн эмнэлгийн материализмд үндэслэсэн загварыг авч үзье. Хүний ямар нэг юм нь хэзээ нэгэн цагт өвдсөн, тодорхой болговол толгой нь өвдсөн гэж саная. Энэ хүн зуун хувь шашингүй үзэлтэй, Бурхан гэдэг үгийг жижгээр бичдэг нэгэн байг. Түүний хувьд анагаах ухаан л Бурхан. Тийм болохоор хамгийн сүүлийн үеийн хамгийн сайн төхөөрөмжөөр оношлуулахыг хүснэ. Тэр өөрийн оношоо хүлээж авлаа гэж бодъё. Тархины хавдар ч байдаг юм уу. Дараа нь яах бол? Түүнд ингэж хэлнэ: Эмнэлэгт хэвт, бид гавлыг чинь ярж, хавдрыг авна. Мэс засал амжилттай болвол та урьдын адил хөл дээрээ явж, нүдээрээ харж, чихээрээ сонсож, толгой чинь өвдөхөө болино…
    Хэрвээ тэгэхгүй бол… гэж өвчтөн зориг муутай асуухад мэдэхгүй юмыг хэлэх аргагүй хэмээнэ. Эхнэрт нь болохоор юмыг яаж мэдэхэв сахиур, цаашилбал оршуулгын газрын талаар санаа тавиарай гэж хэлнэ. Ийм хандлагын үед үйлчлүүлэгч хувь хүнийх нь хувьд хэтэвчний хэмжээнээс өөр юу ч мэдэх ямар ч шаардлагагүй. Сонгодог бус эмнэлэг (би бол “квантын” гэмээр байна, үгүйдээ гэхэд “оюун санааны” ч байж болох) болохоор физик биеийн өвчин шаналлыг даван туулснаар хүний оюун санааг төгөлдөршүүлэхэд чиглэгддэг учраас мөнхийнх байдаг. Би хэлсэн болгоноо тайлбарлахгүй, гэхдээ нэмэлт тайлбар өгч -адахуйц нэгэн тохиолыг нэмж өгүүлье.
    Арванесөн настай бүсгүй үр над руу утасдаж тархины хорт хавдартай, нэн даруй мэс засалд ор гэсэн гэлээ. Би түүнд тусалж чадах уу? Би булзсан хариулт хэлэхдээ “Арван есхөн настай охин ямар гээчийн тийм муу юм хийж амждаг билээ? Нэг л хачин байна даа” хэмээн дотроо бодож билээ. Тэгээд эхлэл болгож аав ээж нь хэн болох талаар сэтгэлзүйн энгийн асуулт тавилаа.
    -Ээж маань хамгийн энгийн нэгэн. Харин аавын тухайд та хэнийг нь асууж байна хэмээн тэрээр намайг гайхшруулав.
    -Та яасан, хэд хэдэн аавтай хэрэг үү?
    -Гурав.
    Дуугүй болж төвлөрвөл утасны нөгөө үзүүрээс санаа өгч байна.
    -Эмээ маань дөрвөн нөхөртэй байсан болохоор би дөрвөн өвөөтэй гэсэн үг. Хоёр нь нас барсан л даа. Хоёр нь амьд сэрүүн.
    -Та нөхөртэй юу?
    -Тийм.
    -Нөхөр чинь ямар байна?
    -Анхных гэхэд муугүй шүү.
    -Бүсгүй минь, та бүхэнтэй ноцолдохоос Тэнгэр Бурхан залхсан бололтой. Тэгээд танайханд эм хүйстэн төрөхийг болиулах шийд гаргаж дээ. Танд ганцхан гарц бий. Таны нөхөр эхний бөгөөд эцсийнх байх ёстой. Өөрөөр бол сүйрэл шүү…
    Бид эмэгтэйчүүдийн хувь оролцоо, эрх, хүүхэд төрүүлж өсгөх үүргийн талаар ярилцлаа. Тийм ч муугүй яриа болсон ч сэтгэлд ямар нэг зүйл дутуу хэлсэн мэт санагдаж билээ. Бүтэн хагас, хоёр долоо хоногийн дараа дахин утасдаж, үйл явдал хачирхалтайгаар эргэв. Тэрээр өнгөрсөн удаад надад дутуу ярьжээ. Хамгийн гол зүйлийг, жирэмсэн гэдгээ хэлээгүй аж. “Энэ л дутаж гэнэ” хэмээн би гонсгордуухан бодов. Тэр Бурденкогийн хүрээлэнд очсон болж таарлаа. Тэднийхэн нэн даруй үр хөндүүлэх санал тавьж, мэс ажилбар хийлгэхээр хэвт, тэгэхгүй бол удах нь үхэхтэй адил гэсэн аж.
    -Та юу гэж шийдэв?
    -Би үр хөндүүлэхгүй, Бурденкогийн эмнэлэгт хэвтэхгүй ээ.
    -Та энэ шийдвэрийг бие дааж гаргасан уу?
    -Тийм ээ, юу ч болвол болог. Надад туслаач.
    Бүх зүйл сайхан төгссөн гэдгийг урьдчилан хэлье. Жирэмслэлт тийм ч амар байсангүй. Гэхдээ азтай тохиолдлоор (???) түүний амьдардаг хотын эмнэлгийн ерөнхий эмч нь тэр үед миний үйлчлүүлэгч байсан юм. Ээлжит эмчилгээний үеэр би түүнд ивээлд минь орсон бүсгүйн талаар ярьтал тэрээр ер бусын тохиол гэдгийг ойлгон илүү таатай нөхцөлд байлгана гэж амлан хэлсэндээ хүрсэн юм…
    Хавдар томрохоо болилоо. Бүсгүй эрүүл саруул хөвгүүн төрүүллээ. Би түүний хойноос дахиад нэг жил санаа тавилаа. Хавдар нь сорогдож багассангүй, харин бүрхүүлтэй болжээ. Заримдаа толгой нь хүчтэй өвдөнө.
    Би түүнийг амьдаар нь ч хараагүй, зургийг нь ч үзээгүй, зайнаас л харьцдаг байв. Эдгээр яриа надад таатай байгаагүй. Овилгогүй, гоморхуу эмэгтэй. Тийм учраас л түүний толгойд бул чулуу үлдсэн хэрэг. Гэвч… энэ “гэвч” бүхнийг давсан юм. Эгзэгтэй мөчид тэрээр цорын ганц зөв шийдвэр гаргаснаар амьд үлдсэн төдийгүй хүүтэй болж, нөхөртэйгээ цуг амьдарч байгаа билээ. Бурхан түүнд ухаан хайрлах болтугай.
    Түлхүүр үг

  • Гоц чадвартнуудыг төр ашигласан нь Б.Галаарид

    туйлд хуваагдан бие биенээсээ айж эмээхийн, хэн хэнийгээ хардаж сэрдэхийн аюулд автсан зуун байлаа. Нийт хүн төрөлхтөний тал нь коммунизмын туршилтад өртөж, атомын бөмбөгийг бодитоор нь хэрэглэж, гэмгүй хүмүүсийг улс төрийн үзэл бодол, яс үндэс, гарал угсаа, шашин шүтлэгийнх нь төлөө яргалсан зуун байлаа. Гэхдээ бүх чиглэлээр өрнөсөн хүйтэн дайны хамгийн том аймшиг нь олон нийтийн сэтгэцэд хийсэн туршилтууд гэж би боддог.
    Хорин тавдугаар кадрын тухай энд яриагүй байна. Хүний харааны хүлээн авах чадварын дээд хязгаарыг тогтоож, нэг секундэд 24 биш, харин 25 кадр гүйлгэн сүүлчийнх дээрээ тархи угаах мэдээллээ байрлуулж далд ухамсарт нөлөөлдөг энэ аргыг хүний тархи угаах хямдхан арга гэж хэлж болно. Мөн үүнээс ч нарийн түвэгтэй нууц туршилтууд хийгдэж байсан нь өнөөдөр бага багаар ил болсоор байна.
    ЗХУ анх бий болж, хөл дээрээ тогтож амжаагүй шахам байхдаа л Энэтхэг, Төвд, Монгол гэсэн дээд бясалгалд нэвтрэгсэд, эгэлгүй эрдэмт хүмүүс олонтой орнууд руу судалгааны баг нэрийн дор тагнуулчид илгээж, бясалгалын хүчээр олон нийтийн санаа сэтгэлд нөлөөлөх арга бий эсэхийг мэдэхийг зорьж, үүндээ гар татахгүй мөнгө хаяж байлаа. Энэ уламжлал цаашид улам бүр гүнзгийрч нарийсч ирснийг дараахь баримтууд нотолно. 1975 онд АНУ-ын Тагнуулын төв газар “Маш нууц” зэрэглэлийн нэгэн илтгэлдээ, тулхтай сайн эрдэмтэд ЗХУ-ын аюулаас хамгаалах байгууллагын даалгавраар парапсихологийн туршлагуудыг цэрэг дайны зорилгоор ашиглаж болох бүхий л боломжийг судалж байж болзошгүйг анхааруулж, телекинез буюу оюун санааны хүчээр эд зүйлсийг хөдөлгөх, шийдвэр гаргах, бодол санаагаа дамжуулах үйл явцад нөлөөлөх, тархины эрчим хүчийг задлан шинжилж боловсруулах, цахилгаан соронзон долгионыг хүмүүсийн биеэ авч явах байдлыг өөрчлөгч хэрэгсэл болохынх нь хувьд судалж байна гэж нэр заан тоочжээ. Ингэхдээ Москва жил болгон 250 сая хүртэл доллар зарцуулдаг гэсэн тооцоо гаргажээ. Гоц мэдрэхүйн салбарт оросууд америкчуудаас хол хөгжсөн гэсэн дүгнэлтэд Гч хүрэв.
    Хоёр жилийн дараа буюу 1977 онд “Лос Анжелес Таймс” сонины Москва дахь сурвалжлагч Роберт Том зөвлөлтийн “Парапсихологийн судалгаа” явуулдаг хүрээлэнгүүдийн жагсаалт гаргасныхаа төлөө Орост саатуулагдаж байв. ЗХУ-д 29 лаборатори “гоц авъяас ашиглах аянд” хувь нэмрээ оруулдгийн ихэнх нь Москвад төвлөрсөн гэж ТТГ үзсэн юм. ЗХУ-аас зугтаж гарсан Август Штернийн ярьснаар Новосибирскийн автоматик, электрометрийн хүрээлэнд 1969 онд хүртэл 60 гаруй эрдэмтэн хүмүүсийг за йнаасхэрхэн ховсдож, тэдний гаргаж буй шийдвэрт хэрхэн нөлөөлж болох вэ гэдэг асуудлыг судалдаг байжээ. Энэ олон эрдэмтэн туршилтаа хаанахын ямар хүмүүс дээр явуулдаг байв гэдэг нь анхаарал татах асуудлын нэг.
    Оросууд 1958-1978 онд Москва дахь АНУ-ын ЭСЯ-ны барилгыг учир битүүлэг долгионы үелзэлд оруулж байсны чухам зорилго нь юу байсныг өнөөдөр хүртэл мэдээгүй байгаа. Тэд ЭСЯ-ны ажилтнуудын оюун санааг хянах гэж оролдсон уу? Эсвэл тэдний эрүүл мэндийг нь муутгах гэсэн үү гэдэгт өнөөдөр хариу хэлэх хүнгүй болжээ. Оросууд цэргийн зорилгоор хоёр сая үзмэрч тусгайлан бэлтгэсэн гэсэн мэдээлэл тэр үед ТТГ-ыг сандралд оруулж байв. В. И.Лениний хувийн хүсэлтээр АНУ-ын төрийн өндөр албан тушааптнуудад нөлөөлж, ЗХУ-ыг хүлээн зөвшөөрсөн шийдвэр гаргуулахаар АНУ-д очсон зураач Н.Рерих ховсдох чадвараа ашиглан Рузвельтийн үеийн АНУ-ын төрийн нарийн бичгийн дарга байсан Генри Уоллесийг утсан хүүхэлдэй болгож чадсан гашуун туршлагыг мартаагүй америкчууд энэ мэдээг сонсоод сандрах нь зуй ёсны хэрэг байлаа.
    1995 оны наймдугаар сард Германы “Штерн” сэтгүүлд АНУ-ын армиас гоц мэдрэхуйн салбарт явуулж буй судалгаа шинжилгээний ажлын талаар нийтэлсэн томоохон өгүүлэлд дайсны хөлөг онгоц дэлхийн хаана ч байсан байршлыг нь тогтоож чадна гэж амласан нэгэн үзмэрчид АНУ-ын тэнгисийн цэргийнхэн 1979-1980 онд сар бүр 400 доллар өгч байсан тухай өгүүлжээ. Ер нь АНУ-ын тэнгисийн цэргийн хүчин 80 орчим үзмэрчид янз бүрийн даалгавар өгч хамтарч ажилладаг гэсэн тоо тэр үед олны хүртээл болжээ.
    Америкийн нэгэн үзмэрч Казахстаны Семипалатинскийн пуужингийн туршилтын талбай, хөөргөх төхөөрөмжийг илрүүлсэн бөгөөд дараа нь сансраас авсан зургаар үнэн болохыг нь нотолжээ. Мөн Африкт Зөвлөлтийн ТУ-95 маркийн бөмбөгдөгч онгоц сүйрэхэд ТТГ-ынхан ЗХУ-ын тагнуулын байгууллага КГБ /Улсын аюулгүй байдлын хороо буюу тэр үеийн Зөвлөлтийн нууц алба/-аас өрсөн гартаа оруулсан явдал нь үзмэрчдийн гавъяа. Тэгэхэд яаралтай дуудагдсан далдыг харагч онгоц унасан газрыг ганцхан бээрийн зөрүүтэй хэлж өгч америкийн цэргийнхний аминд оржээ. Энэ бүх мэдээллийг ТТГ1982 онд уг чиглэлийн судалгааны санхүүжилт зогсох аюул тулгарах үед АНУ-ын сенатчдын хаалттай хуралдаан дээр анх улстөрчдөд дэлгэсэн гэдэг.
    Дээр дурдсан “Штерн” сэтгүүлийн өгүүлэлд “Тэдний нэг тагнуулч /ТТГ-ын гэсэн үг. Б.Г/ үүнээс өмнө Урал дахь зөвлөлтийн цэргийн огт мэдэгдээгүй байсан түшиц газрыг илрүүлжээ. Тэрээр газар доорхи төмөр зам, машины дохио, лаборатори. уг баазад маш олон эмэгтэй ажиллаж буй тухай мэдээлжээ. Уг нь Жеймс Бонд ч ийм азтай байдаггүй шүү дээ. Гэхдээ түүний мэргэжил нэгт америк эрийг бас мятаршгүй зоригтон гэж хэлж болохгүй. Энэ чухал мэдээллүүд Калифорни мужийн Барбэнкхотын орлогч дарга Патрик Прайс хэмээх ахимаг насны хүнээс ирж байжээ. “Дорно зүгт тусгай ажиллагаа” /Хуучин ЗХУ, түүний Холбоотнуудын эсрэг гэсэн үг/ явуулсан бүх хугацаанд тэрбээр Мэнло-Парк дахь Стенфордын шинжилгээний хүрээлэнгээс нэг ч удаа гараагүй байна” гэсэн мөрүүд бий. Энэ бол 1973 оны үйл явдал бөгөөд Прайсын гоц чадварынхаа ачаар илрүүлсэн мэдээллийг тэр дор нь шалгах боломжгүй учир дараа нь сансраас авсан зургаар баталгаажуулдаг байжээ. Чухамдаа Прайс л АНУ-ын батлан хамгаалах салбарын мяндагтнуудыг итгүүлж, үнэмшүүлж, ийм төрлийн судалгаа шинжилгээнд хөрөнгө хаяхад хүргэсэн ч гэдэг. Үүний дараа гоц чадвартнууд төрийн нэрийн өмнөөс өөрийн чадал боломжийн дээд хязгаарыг дуртайяа сорих болжээ. Энэ бүхнээс харахад дэлхий ертөнц гоц үзэгдэл, гойд чадвартны атганд байдаг гэж хэлэхэд хилсдэмгүй санагдана.
    Бид төрсөн нутаг, төрөлх гэртээ амар тайван аж төрж байна хэмээн сэтгэл тэнэгэр суух зуураа сэтгэл зүйн олныг хамарсан ямар нэг туршилтад өртөж байж ч мэднэ. Тэврэлдэж унтдаг амраг хос дэрээ тэврэн өөр өөр ор бараадах нь тэднээс биш, хаа нэгтээ суугаа гоц чадвартнаас ч болсон байж болох шүү дээ. Ингэж бодохуйд ер бусын үзэгдлийн өмнө хүн гэгч ямар арчаагүй дорой болох нь тодорхой. Ийм гоц чадвартнуудын ёс суртахуун, хүн чанарын хэмжүүр ямар чанд хатуу байх ёстой нь ч тодорхой болном билээ.

  • Нацистуудын психотронын технологи

     

    фашист Герман байлаа. Энэ дэглэм нь өөрөө бослогын давалгаан дээр бүрэлдэж, Гитлер дээд хүмүүсийн нийгэм байгуулахыг тохиолдлоор оролдоогүй гэдгийг тэмдэглэх нь чухал. “Үндэсний социализмаас зөвхөн улс төрийн хөдөлгөөнийг олж харж байгаа хүн түүний юуг нь ч ойлгоогүй гэсэн үг” гэж Гитлер ярьдаг байлаа. Бүхэл бүтэн улс орны эрүүл ухаан гэмтэж, ховсчид, хар дом онцгой үүрэг бүхий Туле, Хар нар, Германы одон, Вриль зэрэг германы далдын хүчний нийгэмлэгийн гишүүд гол гол суудлыг эзэлсэн хачин дэглэмийг яагаад хүлээн авч чадав аа гэсэн ганцхан асуултыг би өөртөө олонтаа тавьсан. Гитлер параноик байсан байж болно гэхэд Геббельс, Гиммлер үүгээр өвчилсөн нь юу л бол? Гэхдээ гайхсандаа хөшихийн тулд нацист Германд анхааралтай судалж байсан германы гүн ухаантан Ланц, фон Лист нарын бүтээлийг үзэхэд л хангалттай. Тэдгээр бүтээлд “нөгөө ертөнц”-тэй харилцах аргуудыг бичсэн байдаг. Үндэсний социалистуудын толгойлогчид ямар нэгэн дээд хүчнийхэн, эсвэл зөнч зүүдэнд ирсэн эртний үндэстнүүд, эсвэл одноос ирэгч зэрэгтэй харьцах гэж оролддог байлаа. Германы нууц технологиудыг үнэндээ ийм эх сурвалжаас ухаж олсон гэлцдэг.

    Германы шинжлэх ухаан сансарт дүүлэх чадвартай пуужин, өнөөдөр бүгдээрээ нисдэг таваг гэж нэрлэдэг болсонтой төстэй нислэгийн шинэ аппарат нээсэн эсэхийг одоо хүртэл баталгаатай мэдэж чадахгүй л байна. Немцүүд өөрийн гэсэн оддын хөлгөө гараг хоорондын аялалд явуулсан, гэтэл угтан хараагүй үйл явдал болж уг хөлөг болзсон хугацаандаа эргэж ирэлгүй байж байгаад дөнгөж саяхан газардсан гэсэн нийтлэл үе үе гарч байна. Америкчууд өнгөрсөн цагаас ирсэн гитлерчүүдийг тэр дор нь барьж найдвартай нуусан, харин хөлгийг нь ямар нэгэн “Ангар-18”-д судалж байна ч гэх шиг.

    Нисдэг тавагны тухайд бүр 1943 оны эцэс, 1944 оны эхээр Люфтваффын техникийн академи үнэхээр ийм төхөөрөмж бүтээснийг нүдээр харагсдын нотолгоо бий. Немцүүд өөрийн нисдэг төхөөрөмжөө сайжруулж, “таваг”-ны хэмжээг 25 метрийн диаметртэй болгож, гараг хоорондыг хөлөг, атомын бөмбөг бүтээх гэж байлаа. Холбоотнуудын ялалт л эдгээрийг дайны үйл ажиллагаанд ашиглах боломж олгоогүй юм.

    Немцийн удирдлагууд нисдэг таваг бүтээхээс гадна хүнийг сайжруулахад асар ихээр анхаарч байлаа. Энэ агуу зорилгын төлөө гитлерийн байгууллагуудаас хамгийн нууц, хамгийн учир битүүлэг “Анэнербе”-г байгуулжээ. Үүнийг орчуулбал “өвгөдийн өв” гэсэн үг болно. Зарим мэдээгээр “Анэнербе” СС-ийн бүрэлдэхүүнд багтаж байсан, зарим мэдээгээр СС-ийн толгой нь болж байсан гэдэг. “Анэнербе” маш жигтэй зүйл хийдэг байлаа. Жишээ нь тахилгын зан үйл судална. Тэгэхдээ бүр вермахтын дээд зэргийн физикчид үүнийгсудална. Эдгээр мэргэжилтнүүд буддын тарнийг био орон зайтай холбон үзэж, чухам ямар тарни хүний сэтгэлийн тэнхээг нугалж, нууц ухааныг дагахад бэлэн дуулгавартай нэгэн болгохыг тодорхойлж байв.

    I Хенриххаанынасбарсанөдрийгтохиолдууланшөнийнзанүйлхийжбайгаань. Кведлинбург, 1938 оны 07-рсарын 01. РейхсфюрерГиммлерцэцгийнхэлхээтавьж, түүнийардгруппенфюрерВольфтэргүүтэйөндөртушаалынофицеруудзогсожбайна.

    I Хенрих хааны нас барсан өдрийг тохиолдуулан шөнийн зан үйл хийж байгаа нь. Кведлинбург, 1938 оны 7-р сарын 1. Рейхсфюрер Гиммлер цэцгийн хэлхээ тавьж, түүний ард группенфюрер Вольф тэргүүтэй өндөр тушаалын офицерууд зогсож байна.”Анэнербе” ер нь бүхнийг сонирхож байлаа. Генерал Виллигутын гэр бүлд удам дамжиж ирсэн зүйлс дотор хачирхалтай руни бичээс бүхий хүснэгт олджээ. Генералын удмынхан энэ бол чөтгөрийн гараар бичигдсэн нууц мэдлэг гэж үздэг байв. “Анэнербе”-гийн эрдэмтэд хүснэгтийг тайлж унших ажил хийжээ. Түүнийг тайлсан үр дүн нь пси-генератор бүтээсэн явдал гэж үздэг. Эдгээр төхөөрөмжийн зураг, үйл ажиллагааг нь дүрслэн бичсэн зүйлс хадгалагдан үлджээ. Эрдэмтэд хуйлрагч талбайн тухай санааг гаргаж иртэл дөч илүү жил өнгөрсөн юм. Гэтэл “Анэнербе” энэ талбайг бүр дайнаас өмнө нээчихсэн байж.

    Гитлер шинэ, хүчирхэг арий арьстан бүтээхийг хүсч байлаа. Үүний тулд тэр хүн ч, хөрөнгө ч хайрлаагүй юм. Гитлер “Анэнербе”-д АНУ атомын бөмбөг бүтээхэд зарцуулснаас илүү ихийг зориуллаа. Фюрерт ганцхан зүйл харагддаг байлаа. Хуйлармал долгион дамжуулагч техномагийн төхөөрөг байрлуулсан талбай руу бөөн бөөн хүмүүс урсан ирж, агуу хүмүүсийн үгийг анхааран сонссоныхоо дараа аварга хөдөлмөртөө эргэн орно. Нууц байгууллагын баримтыг олж харсан, “Анэнербе”-гийн үйл ажиллагааг судлагчдын нэг “Мөнөөх техномагийн төхөөрөмжийг дүрслэн бичсэн баримт дээр СС-ийн группенфюрер Виллигут өөрийн гараар тэмдэглэгээ хийжээ. Шинэ тайлгачид тэдгээрийн тусламжтайгаар хүний ухамсарт нөлөөлөх үйлчлэлийг нэмэхийг оролдож байлаа. Эдгээр төхөөрөмжийн сонсол зүйн дохио нь харваас буддын тарнитай адил төстэй хувилбар байжээ. Энэ бол түвдийн экспедицийн өв юм” гэж бичсэн байна. “Анэнербе”-гийн бичиг баримтуудад техномагийн төхөөрөмжийн үйлчлэл юуны өмнө “зоригийн талст” буюу өнчин тархины хэсэг дэх онцгой үүтгэлд чиглэгдэж байсныг онцолж байна. Хүний тархин дахь ийм “зоригийн талст”-ыг оросын профессор Богданов 1880-аад онд нээсэн байдаг. Богданов өөрийн нийтлэлдээ тэдгээр нь хагас дамжуулагчтай төстэй бүтэцтэй, үүнийхээ тусламжтайгаар тархинд кодолсон мэдээлэл дамжуулж, тэр нь дүр, төсөөлөл, хараа сонсгол, үйлдлийн эсрэг үйлчлэл бий болгоно.

    Нууцлаг “Анэнербе” эргэлзэгчдийн ярьдаг шиг ертөнцөөс тасарчихаагүй байсан нь сонирхолтой. Энэ байгууллага ямар нэгэн “нууц мэдлэг”-ийг чимх чимхээр цуглуулж байлаа. Түүний удирдлага Генрих Гиммлер дэлхий дахины үндэсний тусгай албад, шинжлэх ухааны лабораториуд, нууц нийгэмлэг, ид шидтэний бүлэглэлүүдийн бүх архивыг нарийвчлан эрэх тусгай захирамж гаргаж байв. Улс орныг эзэлмэщ “Анэнербе”-гийн тусгай анги өөрийн ажлаа эхэлдэг, зарим тохиолдолд немцүүд бусад оронд нууцаар нэвтэрдэг байлаа. Хэрвээ нөхцөл байдал хүнд байх юм бол СС-ийн тусгай хэсгийг нууцын хойноос явуулна. Тийм болохоор “Анэнербе”-гийн архив хүүхдийн үлгэр, шид тарнийн бүтээлээс бүрдэж байсангүй, харин ч олон хэл дээр боловсруулсан нууцсыг бас багтаадаг байлаа. Энэ нь зөвхөн эртний гар бичэл төдийгүй физик химийн лабораториудын баримтууд байв. Бүр онцгой ноцтой баримтууд. Үнэнийг хэлэхэд Нюрнбергийн шүүх хурал дээр хэлэлцэхээс татгалзсан эдгээр баримт Наполеоны сүнс хэлсэн нууц биш, харин цөмийн зэвсгийн талаарх физикийн туршилтын баримтууд байлаа.

    СС-т хамааралтай нууц лабораториудад олон нийтийг зомбичлох туршилт хийгдэж байлаа. Психотронын зэвсгийн загварууд ч мөн л тэнд туршигдаж байв. Вермахтын цэргийн хувьд жинхэнэ алуурчин бүтээх тусгай хөтөлбөр боловсруулагджээ. Вермахтын цэргүүдийг өөрийн биеэ бүрэн хянах, цаг хугацааг саатуулах, зэвсгээс гэмтэл авахгүй байх, дайсны ухамсрыг жолоодоход сургаж байлаа. Элит хэсгийн сургалтын гарын авлага нь Түвдээс авчирсан гар бичмэлүүд байв. Энэтхэг даяар, мөн Гималайд германы эрдэм шинжилгээний ангиуд байрлаж байв. Эртний нэлээд олон шаштирыг Германд нууцаар аваачин энэ тухай бүх мэдээллийг нууцалжээ. Тэдний нэг нь “Виманика Шастра”, нөгөө нь “Самаранга Сутрадхаран” нэртэй. Тэдгээрт эртний үндэстнүүдийн нисдэг хөлгүүд, Дэлхий дээрх юм бүхнийг шатаах аймшигт зэвсэг зэргийн тухай тун тодорхой зураглан өгүүлсэн байв. Түүнээс гадна эртний гар бичмэлүүдэд харийн орныг хэрхэн цус урсгахгүи аргаар эзлэх, бүх хүмүүсийг нь аз жаргалтай боол болгох тухай олон мэдээлэл агуулагдаж байлаа.

    Анэнербегийннисдэгтавагнууд

    Эдгээр бичвэр дээр шилдэг эрдэмтэд ажиллаж байв. Лабораториудыг Гарц, Альпын очиход хэцүү газруудад байгуулж, “цусан цайз” гэж нэрлэдэг байлаа. Тэнд вермахтын дээд ангиллын бүх офицерүүдийн бэлтгэлийг тусгай аргазүйгээр явуулна. Бөөнөөр хорих газруудад арий үндэстнийг сайжруулах туршилт хийж байв. Жишээ нь, хүнийг гүн хөлдөөх туршилт хийж байв. Гитлер жинхэнэ арий хүн хүйтнээс айхгүи, ямар ч хүйтэнд дулаан хувцасгүй явж чаддаг байх ёстой гэж үздэг байв. Хүйтэн жавар нь эрүүлжүүлж хүч тамир нэмнэ гэж тэр итгэдэг байв. Хөлдөөх туршилт ерөнхийдөө хэдэн арван жилийн дараа цэвдэгшүүллийн технологийг бий болгосон. Гэхдээ жинхэнэ тэсвэртэй арий цэргийг бүтээж чадсангүй ээ.

    Вермахтын сонирхож асан өөр нэг чиглэл бол психотропын зэвсгийн өвөг болсон мансууруулах бодисыг хүний сэтгэлийн зоригийг мохоох хэрэгсэл болгон ашиглах явдал байлаа. Энэ чигийн туршилтуудыг бөөнөөр хорих газруудад хийж байлаа. Жишээ нь Дахауд цэргийн олзлогсдыг ховс, мансууруулах бодисын тусламжтай ховсын туршилтад оруулж байв. Мансууруулах бодисын нөлөөгөөр хоригдлууд өвдөлт мэдрэхээ больж, харааны өнцөг нь нэмэгдэж, биеэ хэрхэн авч явах талаар итгүүлэгт автаж байв. Хоригдлууд удаан тэсдэггүй байлаа. “Боловсруулагдсан материал”-ыг шатаах зуух руу илгээнэ. “Ийм туршилтууд фашистын бусад хорих газруудад ч хийгдэж байлаа” хэмээн судлаачид бичиж байна. “Military researches” сэтгүүл (1999 оны есдүгээр сарын дугаар)-д мэдээлснээр АНУ дайны дараа гуравдугаар рейхийн шинжилгээ судалгааны нууцад хүрч чадсан бөгөөд нацистын олон эмч, эрдэмтдийг Германы шинжлэх ухааны төвүүдийн нэгэн дэх судалгаа шинжилгээний ажилд татан оролцуулжээ. Хожим нь “Пейперклип төсөл” хөтөлбөрийн х©үрээнд тэдгээрийн заримыг АНУ-д нууцаар аваачжээ.

    Гэхдээ немцүүдэд эзлэгдсэн орнуудын хүн амын ухамсрыг нэлэнхүйд нь боловсруулах цаг ч, хүч ч байгаагүй юм. Тэд английн армид телепат цохилт хийхийг оролдож, фау пуужингийн нисэлтийг залах, эргэн тойронд нь үл үзэгдэх орчин үүсгэх зорилготой ямар нэгэн дом шидийн зан үйл хийж байсан ч дайсан этгээдийнхээ эсрэг далайцтай арга хэмжээ аваагүй билээ. Бусад хүмүүсийн ухамсрыг удирдах бүх арга боловсруулалтын шатандаа байлаа. Тэд өөрөө илүү сайн болохыг хүссэн хүний чадварыг нэмэгдүүлж болохыг мэддэг ч бусдын эсэргүүцлийг нугалж чадах арга зүйн захаас дөнгөж л атгаад байлаа. Зарим нэгэн цайз-хотууд этгээд хачин төхөөрөмжөөр тоноглогдсоны учрыг зөвлөлтийн цэргүүд ойлгож ч чадаагүй гэдэг. Тийм хотуудыг асар их үнээр эзэлдэг байв. Тэдгээр хотыг хамгаалагчид тулалдааны өмнө домын зан үйл үйлдэж, тодорхой тунгаар итгүүлэгт автдаг байсан байж мэднэ. Гэвч ямар ч шидэт хүч, эсвэл шинжлэх ухааны нээлт дайнд ялах боломжийг немцүүдэд өгсөнгүй. Харин дайны дараа “немцийн өв” зөвхөн далайн чинадад хөвж одсонгүй. Зарим баримтуудыг ЗСБНХУ руу зөөжээ. Тэгээд хасгийн талд хачин таваг хэлбэрт нисдэг аппарат бүхий нууц талбайнууд бий болж, Москва орчим, мөн Уралын өвөр биед гэнэтхэн л цахилгаан соронзон талбай, цөмийн нийлэгжүүлэлт зэрэг физикийн ирээдүйтэй салбаруудыг судалж эхэллээ…

    “Анэнербе”-гийн бүтцэд домын зан үйл судлахын зэрэгцээ Освенцимын хорих газарт хоригдогсод дээр туршилт хийж байсан доктор Фоль багтдаг байлаа. Тэрээр хүний дотор эрхтэн болоод цацруулагч төхөөрөмж хоёрын хооронд резонанс үүсгэж болно гэсэн дүгнэлт хийжээ. Цацруулагчийг долгионы зөв хэлбэлзэл дээр тохируулсан нөхцөлд хүнийг үхлийн өвчнөөс ч ангижруулж болно. “Анэнербе” тэгээд хорт хавдрын эсэд цацрагаар нөлөөлөх ажил эхлэв. Гэхдээ агууриг (амплитуд)-ийн хувьд үл тохирох долгионы хэлбэлзэл үүсгэвэл эв эрүүл, сав саруул хүнийг бүрэн устгаж чадна. Доктор Фолийн архив дайны бусад олзтой цуг зөөгдлөө. Уг архивт психотронын үүсгүүр бүтээх баримт, түүнээс гадна угсаатны онцлогийг харгалзсан зэвсгийн талаарх янз бүрийн мэдээ байв. Та эндүүрч уншлаа гэж бодож байвал алдаа шүү. Нацист Герман жүүд болоод доод арьстнуудыг зөвхөн алж устгасан юм биш. Герман тов тодорхой генүүдэд үйлчлэх ёстой тусгай төхөөрөмж дээр үндэслэсэн асар том хөтөлбөр бэлдэж байлаа. Архивын баримтуудтай цуг ЗСБНХУ-д пси үүсгүүр зохион бүтээгч Манфред фон Арденыг авчирчээ. Олзны энэ эрийн хувь заяаны талаар би юу ч мэдэхгүй. Гэхдээ тэрээр вермахтын нууцаа алдахад хүрсэн гэж бодож байна…

    Павел Одинцов

  • Клиник үхэл буюу тэнгэрт харсан үзэгдэл

     

    Монголчууд сар шинийн золгуут гээд гадаад байтугай дотоод мэдээллээ үзэх завгүй байх үеэр цахим ертөнцийг бас нэгэн мэдээ шуугиулж эхэлжээ. Өөрийгөө сүнс судлал, метафизикийн үндэслэгч гэж танилцуулсан нийтлэлч Стивен Банкарц өнгөрсөн сард “48 минутын турш клиник үхэлд орсон хамба лам Бурхан эмэгтэй гэдгийг нотлов” гэсэн гарчигтай мэдээллийг цахим хуудсандаа тавьжээ.
    ЭХИЙН ТЭВРЭЛТИЙГ ТЭНГЭРТ МЭДЭРСЭН ГЭНЭ YY?
    Массачусет мужийн католикийн лам, 71 настай Жон Майкл Онейл нэгдүгээр сарын 29-ний өдөр зүрхний шигдээсээр эмнэлэгт яаралтай хүргэгдэж, эмнэлэгт ирэнгүүтээ зүрх нь зогсчээ. Массачусет мужийн нэгдсэн эмнэлгийн эмч нар LUCAS 2 гэдэг аппарат хэрэглэж байж. Гэтэл хэсэг хугацааны дараа зүрхний хэм нь тогтворжиж, бие нь бүхэлдээ амь оржээ.
    48 минутын турш амьсгал хураасан түүнийг анагаах эмнэлэг аварчээ. Хачирхалтай нь тэрбээр тэнгэрт очиж, эмэгтэйлэг байдал нь илүү давамгайлсан Бурхантай уулзсан гэх цочирдуулам мэдээг илчилж, үзэгдэл харснаа нотлох боллоо. Жон Онейл лам клиник үхэлд орсон тухайгаа биш, эмч нарын ачаар дахин амьдрах болсон тухайгаа ч биш тэс өөр зүйлийг тасралтгүй тунхаглана гэж мэдүүлэв.
    “Бурханы төрх нь дийлдэшгүй бас тайвшруулам байсан. Дуу хоолой нь тайтгаруулж аргадаж байгаа юм шиг, төрх байдал нь ээждээ тэврүүлж байгаа мэт, тайтгармаар намуухан байсан. Бурхан бол Ариун Эцэгээс гадна Ариун Эх байгаа гэдэг энэ үнэн баримт надад огтхон ч саад тотгор болохгүй. Эх үнэхээр бүх юмны тайлал. Эхийг байгаа гэдэгт, цаашдаа ч байх болно гэдэгт би итгэсэн” гэж католикийн лам тунхаглаад байна.
    “Бурхан эмэгтэй гэдгээ дэлхийд надаар тунхаглуулах гэж л амийг маань буцааж өгсөн” гэж цаг шахам амьсгал хурааж амжсан 71 настай лам өгүүлж байхад, Массачусет мужийн нэгдсэн эмнэлэгийн эмч нар түүнийг “ус уух хувьтай хүн юмаа” гэлцэж байлаа.
    Стивен Банкарц: “Бид Бурханыг хүчирхэг, уурлаж хилэгнэсэн, тушаал зарлиг буулгагч, шүүх эрх мэдэлтэй гэж бодож ирсэн.
    Бурхан үнэхээр эрэгтэй биш гэдэгт ганц санал нэмэрлэхийг минь зөвшөөрнө үү. Хэн нэгэн интернетэд Бурхан эмэгтэй гэсэн нийтлэл тавихаар энэ нь тэр чигээрээ интернетийг шуугиулаад л, харин хэн нэгэн Бурхан эрэгтэй гэхээр хэн ч сүйд майд болохгүй байна гэхээр их инээдтэй байгаа биз” гэх зэргээр нийтлэлдээ бичжээ.
    Энэ мэдээ www.newseveryday.com, India today, Sunday Monitor, Daily monitor гэх мэт албан ёсны мэдээллийн сайтууд, CBS радио гээд олон сувгаар цацагдсан ажээ…
    СҮНСЛЭГ АМЬДРАЛ, СҮНСНИЙ ЭХ ҮНЭХЭЭР БАЙДАГ БОЛОВ УУ?
    Биеэсээ гарсан сүнс нь тэнгэрт эхийн хайрыг мэдэрсэн гээд, бас бурхан эмэгтэй гэж нотлох католик ламын үг хэр үнэний ортой бол? Ер нь клиник үхэлд орсон хүмүүсийн үзсэн үзэгдлүүд яагаад ихэнхдээ ижил төстэй байдаг юм бол?
    Дэлхийд хамгийн анх клиник үхлийн талаар Raymond Moody гэдэг хүн хөндөн ярьж байж. Энэ үеэс хойш үхээд босож ирсэн гэгдэх хүмүүсийн яриа, үзэгдэл гэх зэрэг иймэрхүү чиглэлийн судалгаа хийдэг “Олон улсын клиник үхлийн судалгааны төв” (IANDS – International Association for Near-Death Studies ) 1981 онд байгуулагдаж одоо болтол эрдэм шинжилгээний хурал зохиогдсоор байдаг юм байна.
    Хурлын үеэр клиник үхэлд орсон хүмүүс ярихдаа ихэнхдээ сүнс нь биеэсээ гарч хөөрөн, нэг хонгилоор явснаа их гэрэл өөрийг нь бүчин авсан тухай ярьдаг ажээ.
    Энэ удаа ч тэнгэрт эх бурхантай уулзсан гэж шуугиан тарьсан Майкль Онейл лам бас ялгуун дуу хоолойтой эхийн тэврэлтийг сануулам дийлдэшгүй их гэрэл өөрийг нь бүрхсэн тухай өгүүлсэн байлаа.
    Хүмүүс клиник үхлийг янз бүрээр хүлээн авдаг.

    Хүмүүс клиник үхлийг янз бүрээр хүлээн авдаг. Зүгээр л хүний тархи буюу оюун санаа хэвийн бус ажилласнаас үүдэх хий хоосон мэдрэмж гэж хэлэх хүмүүс ч бий.
    Шинжлэх ухаанд “сэтгэл бол тархинаас үүдэлтэй” гэж үздэг бол уламжлалт сэтгэлгээнд “сэтгэл бие хоёр тусдаа” гэж үздэг гэнэм. Сэтгэл тархи хоёрыг адилхан гэж бүх эрдэмтэд бас үздэггүй аж. Америкийн мэдрэлийн мэс засалч, “Диваажин орших баталгаа” /Proof of Heaven/ номын зохиогч, профессор Эбэн Александр клиник үхэлд орохоосоо өмнө тархи оюун санаа, сэтгэл хоёр нь тусдаа гэдэгтэй санал нийлдэггүй байжээ.
    Харин тэрбээр одоогоос 7 жилийн өмнө өөрөө клиник үхэлд орж үзэгдэл харжээ. Түүний тархи бактерид өртөж ухаангүй болоод, үрэвслээс ялгарсан идээ бээр тархийг нь шахаж, цусны урсгал нь муудан, улмаар амь насанд чухал үүрэг гүйцэтгэж байдаг тархины судлыг нь (brain sterm) хүртэл гэмтээж дахин амь орох магадлал 2 хувьтай байжээ. Профессор Александр хагас үхсэн төлөвт байхдаа тоо томшгүй олон эрвээхий нисэлдэх дүр зураг, ёслолын том хаалга сүндэрлэх ертөнц, түүний цаана байрлах бурханы оршихуйг олж харсан гэдэг.
    Гэтэл дахин амьдарсныхаа дараа тэрбээр өөрийнхөө эмчилгээний түүхээс тархины зургаа үзэхэд тархины үйл ажиллагаа бүрэн зогсож, мэдрэл ч ой санамж ч ажиллагаагүй байсныг яг байгаагаар нь уг зурагт харуулсан байжээ. Ийм ухаангүй байдал долоо хоног үргэлжилсэн байхад, яагаад тархи зогссон үед болсон үзэгдлийг санасан байж таарах вэ?
    Тийм л учраас профессор тархи сэтгэл хоёр нэг ёсондоо сүнс тархи хоёр тусдаа гэдгийг батлах болсон байна. Тархи судлаачдын үзэж байгаагаар зүрх зогсох үед хэдхэн секундийн дотор тархи руу урсах цусны урсгал зогсож, улмаар тархины үйл ажиллагаа зогсдог гэдэг.
    Тиймээс тархи зогссон үеийн мэдрэмж буюу клиник үхлийн үеийн үзэгдлүүд нь үхлийн дараах сүнсний амьдрал байдгийг гэрчилнэ үү гэлтэй. Сүнсний амьдрал байгаа гэвэл сүнсэнд маань ч бас аав ээж байх ёстой юм шигээ.
    Одоогийн бидний амьдралд ээж маань бидний амин биеийг төрүүлж, бид эцэг эхийнхээ амьдралыг замнахдаа ч аав ээж болон амьдардаг биш гэж үү?
    Хүмүүний хэдхэн жилийн амьдралаар бүх юм хэмжигддэгсэн бол энэ дэлхийн бузар булайд оногдох шүүлт хаах нь байхсан бол?
    Хүчирхийлэл, аллага хэрээс хэтэрч энэ нийгмийн хууль ч түүний өмнө хүчин мөхөстөж, аймшигт хэргүүдийн ард хохирогчийн шарил чимээгүйхэн занданшдаг гээд бодохоор зөв бурууг дэнслэх шүүх сэнтий хаа нэгтээ байх ёстой биш үү?
    Эхийн минь тэврэлтийг дахин сануулж, тайтгарал өгдөг эх бурхан тэнгэрт үнэхээр тосох болов уу, яадаг бол?