Мөнх тэнгэр шүтлэгт залуучууд нэгдэж МБНЭ-ийн дэгэд залуучуудын байгууллага байгуулж 2015 оны эхний улиралын төлөвлөгөөгөө гаргаж идэвхи зүтгэлтэйгээр ажлаа эхлүүлж байна.
• Нэгдүгээр сард тэдний хамгийн эхний төлөвлөсөн ажил болох “2015-МОНГОЛ БӨӨ-1” Цугларалт, сургалтад идэвхтэй оролцож, 80 хувь нь залуучууд байлаа.
• Өнгөрсөн долоо хоногт Дээд цэцийн гишүүдын дунд “Монгол дууг хэн сайн дуулах вэ?” тэмцээнийг зохион байгууллаа.
• Хоёр дугаар сард Монголчуудын маань уламжлалт баяруудын нэг болох Цагаан сар тохиож байгаа билээ. Хөхөө өвлийг өнөтэй давж, Урин хавартай золгох үеэр залуучууд маань хоёр дугаар сарыг “Сэтгэлийн өглөг”-ийн сар хэмээн нэрлэжээ. Амьдралын боломж бололцоо тааруу амьдралтай айл өрхүүдэд сэтгэлийн өргөл өгөх үйл ажиллагаа зохион байгуулах юм байна.
• МБНЭ-ийн Их Дархан Удган Д.Батчулуунтай уулзалт хийж, “Дархадын алдарт Зайран Дамдин”-ы тухай лекц уншуулах юм.
• Гурав дугаар сард МБНЭ-ийн харъяа байгууллага дунд спортын тэмцээн зохион байгуулж “Спортын сар” болгожээ.
• Дөрөв дүгээр сард “Монгол туургатангууд тай хийх уулзалтад залуучуудын төлөөлөл оролцохоор болжээ.
• Тавдугаар сард Монголын арван гурваг Алтай, атаа таван тэнгэр, Монгол Улсын толгой уул “Цаст хайрхан”-ы Нэгдсэн Их тахилгад оролцох, Урианхайчуудын хүүхдийн цэцэрлэгт 30 хүүхдийн хэрэглээний иж бүрдэл гардуулах аяныг зохион байгуулах,
• Зургадугаар сард “Монгол Төрийн хэмжээнд Бөөг шүтэж эхэлсэний 2223 жил, Бөөгийн байгууллага үүссэний 20 жил, Бөө нар нэгдсэний 3 жилийн ойн” эрдэм шинжилгээний хуралд оролцохоор болжээ.
Хийж бүтээх их үйлсээр жигүүрлэсэн Тэнгэр шүтлэгт залуучууддаа цаашдынх ажилд өндөрөөс өндөр амжилтыг хүсэн ерөөе!
ЭНЭ ДАШРАМД ДУРЬДАХАД:
МБНЭ-ийн анхны залуучуудын удирдагчаар 2013 оноос Я.Мөнгөнсувд, 2014-2017 оноос Б.Солонго, 2017-2018 онд Ц.Мөнхбаяр, 2019-2020 онд МБНЭ-ийн Залуучуудын байгууллагын удирдагчаар Сэргэлэн тус тус сонгогдон ажиллаж байгаа юм.
Д.Хүрэлбаатар
